கிணத்துக்கடவு, ஏப். 8–
கோவை மாவட்டம் கிணத்துக்கடவு சட்டமன்றத் தொகுதி தி.மு.க. வேட்பாளர் கே.வி.கே.எஸ்.சபரிகார்த்திகேயன் மதுக்கரை தாலுக்கா அலுவலகத்தில் நேற்று முன்தினம் காலை தனது வேட்புமனுவை தாக்கல் செய்தார்.
அதன் பிறகு அவர் அளித்த பேட்டி வருமாறு:–
“கழகத் தலைவர் முதல்வர் மு.க. ஸ்டாலின் அவர்களின் ஆசியோடும், கழக இளைஞரணி செயலாளர் துணை முதல்வர் அண்ணன் உதயநிதி ஸ்டாலின் அவர்களின் ஆதரவோடும் கிணத்துக்கடவு சட்டமன்றத் தொகுதியின் கழக வேட்பாளராக அறிவிக்கப்பட்டுள்ளேன். மேற்கு மண்டல கழகப் பொறுப்பாளர் அண்ணன் செந்தில் பாலாஜி அவர்களின் ஒத்துழைப்பு, கூட்டணி கட்சி தோழர்கள், கழக உடன்பிறப்புகளின் நல் ஆதரவு ஆகியவற்றோடு தேர்தல் களத்தினை சந்தித்து வருகிறேன்.
இந்தியாவிலேயே இரட்டை இலக்கத்தில் வளர்ச்சி சதவீதத்தை உருவாக்கிய ஒரே முதல்வர் திராவிட மாடல் அரசின் நாயகர் மு.க. ஸ்டாலின் அவர்கள். கடந்த ஐந்தாண்டு காலத்தில் நமது அரசு கொண்டு வந்த திட்டங்களும், ஆற்றிய மக்கள் பணியும் தமிழ்நாட்டு வரலாற்றில் இடம்பெறக்கூடியவை.
தமிழ்நாட்டில் கழக அரசின் திட்டங்களால் பயன்பெறாத தனி நபரே கிடையாது என்கிற நிலை தான் நிலவுகிறது. இந்த சூழலில் கிணத்துக்கடவு தொகுதியானது கடந்த 25 ஆண்டுகளாக பின் தங்கி போயுள்ளது. தற்போதைய சட்டமன்ற உறுப்பினரால்எந்த முன்னேற்றமும் இன்றிமக்கள் விரக்தி யோடு காணப்படுகிறார்கள்.
எனவே, தற்போது மக்களின் ஆதரவோடு சட்டமன்றம் சென்று தொகுதியின் பிரச்சினைகளை சட்டமன்றத்தில் எடுத்துரைத்து அதற்கான தீர்வினைஉடனடியாக பெற்று மக்கள் எதிர்பார்ப்பை பூர்த்தி செய்யும் சட்டமன்ற உறுப்பினராக இருப்பேன் என்பதை உறுதிபட கூறுகி றேன்.
நீண்டகாலமாக கிணத்துக்கடவு தொகுதியில் மக்கள் பணியாற்றி மக்களின் நம்பிக்கை பெற்றவனாகஇருந்து வருகிறேன். ஆகவே,இந்த முறை இங்கே உதயசூரியன் உதிக்கும் என்பதில் மாற்றுக்கருத்து இல்லை. திராவிட மாடல் ஆட்சியின் சாதனைகள் தொடரும், அதன் வழியே கிணத்துக்கடவு தொகுதி தமிழ்நாட்டில் ஒரு முன்மாதிரி தொகுதியாக மாறும்.
இவ்வாறு அவர் கூறினார்.
உடன் கட்சி நிர்வாகிகள் மற்றும் பொதுமக்கள் திரளாக கலந்துகொண்டனர்.