--------------------------------------------பெரம்பலூர், ஏப்.08-–
பெரம்பலூர் மாவட்டம், குன்னம் சட்டமன்ற தொகுதியில் தி.மு.க. சார்பில் போட்டியிடும் வேட்பாளர், போக்குவரத்து மற்றும் மின்சாரத்துறை அமைச்சர் சா.சி. சிவசங்கர் குன்னம் வட்டாட்சியர் அலுவலகத்தில் தேர்தல்நடத்தும் அலுவலர் சக்திவேலிடம் வேட்பு மனுதாக்கல் செய்தார். அப்போது பெரம்பலூர் மாவட்ட கழக பொறுப்பாளர் வீ.ஜெகதீசன், விடுதலைச் சிறுத்தைகள் கட்சி குன்னம் தொகுதி மாவட்ட செயலாளர் அன்பானந்தன்,தமிழக முஸ்லீம் முன்னேற்றக்கழகம் மாவட்டச் செயலாளர் முகம்மது இலியாஸ் ஆகியோர் உடனிருந்தனர்.
தொடர்ந்து அமைச்சர் சா.சி.சிவசங்கர் செய்தியாளர்களிடம் தெரிவிக்கும்போது, தமிழக சட்டமன்றத் தேர்தலுக்கு ஐந்தாவது முறையாகவும், குன்னம் சட்டமன்ற தொகுதியில் மூன்றாவது முறையாகவும் மனு தாக்கல் செய்திருப்பதாகவும். கடந்த ஐந்தாண்டுகளில் முதலமைச்சர் என்னை அமைச்சராகி இத்தொகுதிக்கு போதுமான திட்டங்களை பெற்றுத் தருவதற்கான வாய்ப்பு ஏற்படுத்தி கொடுத்திருக்கிறார். அதன் அடிப்படையில் இப்பகுதி மக்களுக்கு அனைத்து திட்டங்களும் செய்து கொடுக்கப்பட்டிருக்கிறது.மக்கள் நன்றி உணர்வோடு வாக்களித்து வெற்றி பெறச் செய்வார்கள் என தெரிவித்தவர்,
குன்னம் விவசாயம் சார்ந்த தொகுதி என்பதால் இங்கு விளையக்கூடிய மக்காச்சோளத்திற்கு மதிப்பு கூட்டல் செய்து வெளிநாடுகளுக்கு ஏற்றுமதி செய்யும் வகையில் நிறுவனங்களை கொண்டு கொண்டு வருவதற்கான நடவடிக்கைகள் மேற்கொள்ளப்பட்டு வருகின்றன, மேலும் குன்னம், செந்துறை, லெப்பைகுடிக்காடு ஆகிய பகுதிகளுக்கு போக்குவரத்து நெரிசலை சரி செய்யும் வகையில் சுற்றுச்சாலைகள் அமைக்க நடவடிக்கை எடுக்கப்பட்டன, வருகின்ற தேர்தல் முடிந்த பின்பு தி.மு.க. ஆட்சி வந்த உடன் அந்த திட்டங்கள் நிறைவேற்றப்படும் என தெரிவித்தவர், சமையல்கியாஸ் தட்டுப்பாடு குறித்துகேட்டபோது மோடி மத்தியில் திட்டமிடாமல் ஆட்சி செய்து வருகிறார். முன்னேற்பாடாக திட்டமிட்டு செயல்படாமல் வெளிநாடுகளுக்கு சுற்றுப்பயணம் சென்று திட்டமிடாமல் இருப்பதினால் இந்த வணிக எரிவாயு சிலிண்டர் கட்டுப்பாடு ஏற்பட்டிருக்கிறது இதற்கு தமிழக முதல்வர் உணவகங்களுக்குமின்சார அடுப்புகள் மற்றும் மின்சாரத்திற்கு மானியங்கள் கொடுப்பதற்கான நடவடிக்கைகளையும் மேற்கொண்டுள்ளார்.
எடப்பாடி பழனிச்சாமி மறைந்த தலைவர் கலைஞர் பற்றி விமர்சனம் செய்வது குறித்து கேட்டபோது, எடப்பாடி பழனிச்சாமி முன்னாள் முதல்வராக இருந்ததை மறந்து விட்டு புரட்சித்தலைவர் எம்ஜிஆர் உருவாக்கிய ஜெயலலிதா வழி நடத்திய கட்சியை வைத்துக்கொண்டு அதற்கு சிறிதும் பொருத்தம் இல்லாமல் பேசி வருகிறார் என தெரிவித்தார்.