புதுச்சேரி, ஏப். 8–
புதுவையில் காங்கிரஸ் ஆட்சி அமைந்தால் அனைவருக்கும் பேருந்துகளில் கட்டணமில்லா பயணத் திட்டம்செயல்படுத்தப்படும், அரசு வேலை வாய்ப்புக்கான வயது வரம்பு 40- ஆக உயர்த்தப்படும், மாநில அந்தஸ்து பெற்றுத் தரப்படும் என மக்களவை எதிர்க் கட்சித் தலைவரும், காங்கிரஸ் மூத்தத் தலைவருமான ராகுல்காந்தி வாக்குறுதிகள் அளித்து பிரச்சாரம் செய்தார்.
புதுச்சேரி சட்டப்பேரவைத் தேர்தலை முன்னிட்டு கடற்கரைச் சாலையில் திங்கள்கிழமை காங்கிரஸ் உள்ளிட்ட மதச் சார்பற்ற முற்போக்கு கூட்டணி கட்சிகளின் வேட்பாளர்களுக்கு ஆதரவாக நடைபெற்ற பிரச்சார கூட்டத்தில் ராகுல்காந்தி பேசியதாவது:–
தற்போது புதுச்சேரியை ஆள்பவர்கள் இந்த மண்ணின் மைந்தர்கள் அல்ல. எங்கேயோ இருந்துகொண்டு, புதுச்சேரியை ஆட்சி செய்கின்றனர். இங்கு மக்களின் விருப்பத்தை நிறைவேற்றும் அரசு இல்லை. மாறாக, புதுதில்லியின் கருத்துகளை திணிப்ப
வர்களின் கீழ் செயல்படும் அரசுதான் உள்ளது. பா.ஜ.க.வின் கொள் கைகள், சித்தாந்தங்களை புதுவையில் புகுத்த நினைக்கின்றனர். துணைநிலை ஆளுநரைக் கொண்டு ‘ரிமோட் கன்ட் ரோல்’ மூலம் புதுச்சேரி அரசை இயக்கி வருகின்றனர்.
புதுச்சேரியில் உயிரோட்டமாக இருந்த தொழில்கள் அனைத்தும் நசிந்து விட்டன. 100-க்கும் மேற்பட்ட தொழிற்சாலைகள் மூடப்பட்டு
விட்டன. பா.ஜ.க. அரசு அதானி அரசாக செயல்படுகிறது. காரைக்கால் துறைமுகம் ஏற்கெனவே விற் கப்பட்டு விட்டது. புதுச்சேரியில் பா.ஜ.க. கூட்டணி மீண்டும்ஆட்சிக்கு வந்தால், மின்துறை உள்பட அரசுக்குச் சொந்தமான அனைத்துஇயற்கை வளங்களும் அதானிக்கு விற்கப்பட்டு விடும் என எச்சரிக்கிறேன்.
புதுச்சேரியில் பெண்கள், குழந்தைகள் பாதுகாப்பாக நடந்து செல்லமுடியாத அளவுக்கு சட்டம்-ஒழுங்கு பாதிக்கப்பட்டுள்ளது. அரசு நிர்வாகச்சீர்கேடு மிகுந்து அனைத்துத் துறைகளிலும் ஊழல் நடக்கிறது. ஆகவே, இந்த ஆட்சி தொடரக்கூடாது.
ரூ.20 லட்சம் மருத்துவக் காப்பீடு:
புதுச்சேரியில் காங்கிரஸ் ஆட்சிக்கு வந்தால், மாநிலத்தைச் சேர்ந்த படித்த வேலையில்லாத இளைஞர்களுக்கு மாதந்தோறும் ரூ. 2 ஆயிரம் உதவித் தொகை வழங்கப்படும். பொதுத்துறை மற்றும் தனியார் துறைகள் மூலம்புதிதாக 30 ஆயிரம் வேலைவாய்ப்புகள் உருவாக்கப்படும்.
புதுச்சேரி மக்கள் அரசுப் பேருந்து களில் கட்டணமின்றி பயணிக்கக் கூடிய வாய்ப்பைப் பெறுவர். அரசு வேலை வாய்ப்புக்கான வயது வரம்பு 40 -ஆக உயர்த்தப்படும்.
அனைத்து குடும்பங்களும் எளிதாக மருத்துவ சிகிச்சை பெறும் வகையில்,
ஆண்டுக்கு ரூ.20 லட்சம் மருத்துவக் காப் பீடு வசதி செய்து தரப்படும். எல்லாவற் றுக்கும் மேலாக புதுச்சேரி மக்களின் உணர்வுகளை, எண்ணங்களை பிரதிபலிக் கும் அரசு அமைக்கப்படும்.
6 மாதங்களில் உள்ளாட்சித்தேர்தல்:
இந்த மாநிலத்தை துணைநிலை ஆளுநர் ஆள்வதை காங்கிரஸ் விரும்பவில்லை. புதுச்சேரி மக்களே இந்த மாநிலத்தை ஆளவேண்டும் என்பதுதான் காங்கிரஸின் நிலைப்பாடு. ஆகவேதான், காங்கிரஸ்ஆட்சிக்கு வந்தால், 6 மாதங்களில்உள்ளாட்சித் தேர்தல் நடத்தப்படும். உள்ளாட்சித் தேர்தல் நடத்தப்பட்டால்தான் அடுத்தத் தலைமுறையினர் அரசு நிர்வாகத்துக்கு வருவார்கள். மேலும் புதுச்சேரிக்கு மாநில அந்தஸ்து பெற்றுத் தருவோம்என்றார் ராகுல் காந்தி.
காங்கிரஸ் தேர்தல் அறிக்கை வெளியீடு:
முன்னதாக புதுச்சேரி மாநிலத்துக் கான தேர்தல் அறிக்கையை ராகுல் காந்தி வெளியிட்டார்.இதனை கட்சி மற்றும் கூட்டணி கட்சிகளின் நிர்வாகிகள் பெற்றுக் கொண்டனர். கூட்டத்தில், காங்கிரஸ்புதுச்சேரி மாநிலத் தலைவரும், எம். பி.யுமான வெ. வைத்திலிங்கம், முன்னாள் முதல்வர் வே. நாராயணசாமி, கர்நாடக அமைச்சர் தினேஷ் குண்டுராவ், காங்கிரஸ் மேலிடப் பொறுப்பாளர் கிரிஷ் சோடங்கர், முன்னாள் எம்.பி. பீட்டர் அல்போன்ஸ் மற்றும் கூட்டணி கட்சிகளின் நிர்வாகிகள் கலந்துகொண்டனர்.