தாம்பரம் சட்டமன்ற தொகுதி மதச்சார்பற்ற முற்போக்கு கூட்டணி கழக வேட்பாளர் டாக்டர் ஆர்.எஸ்.கிருத்திகா தேவி அறிமுக மற்றும் செயல்வீரர் கூட்டம் மாநகர கழக செயலாளர் எஸ்.ஆர்.ராஜா தலைமையிலும் பெருங்களத்தூர் வடக்கு பகுதி கழக செயலாளர்கள் டி.காமராஜ், எஸ். இந்திரன் வரவேற்பிலும் நடைபெற்றது. இக்கூட்டத்தில் கழகப் பொருளாளர் டி.ஆர்.பாலு, காஞ்சி வடக்கு மாவட்ட கழக செயலாளர் தா.மோ.அன்பரசன் கலந்து கொண்டு கழக வேட்பாளரை அறிமுகம்படுத்தி சிறப்புரையாற்றினார்கள். உடன் தலைமை தீர்மான குழு உறுப்பினர் மீ.அ. வைத்தியலிங்கம், மேயர் வசந்தகுமாரி, துணை மேயர் கோ.காமராஜ், தாம்பரம் சட்டமன்ற தொகுதி பார்வையாளர்கள் மருது கணேஷ்,பரிதி இளம்சுருதி, உள்ளிட்ட அனைத்து கூட்டணி கட்சி மாவட்ட நிர்வாகிகள், கழக மாநகர, பகுதி கழக நிர்வாகிகள், கழக தோழர்கள் கலந்து கொண்டனர். மேலும் தாம்பரம் சட்டமன்ற தொகுதி அலுவலகத்தை பொருளாளர் டி.ஆர். பாலு எம்.பி. திறந்து வைத்தார்.