நெல்லை, ஏப்.8 –
நெல்லை மேற்கு மாநகர பொறுப்பாளரும், திருநெல்வேலி சட்டமன்றத் தொகுதி கழக வெற்றி வேட்பாளர் சு.சுப்பிரமணி யனுக்கு உதயசூரியன் சின்னத்தில் வாக்கு கேட்டு திராவிட கழகத் தலைவர் கி.வீரமணி பா.ஜ.க., ஐ.டி., சி.பி.ஐ. மற்றும் அமலாக்கத்துறை ஆகிய மூன்றையும் எதிர்க்கட்சிகளை மிரட்டும் “திரிசூலமாக” பயன்படுத்து கிறது என திருநெல்வேலி தொகுதி பேட்டையில் நடந்த தேர்தல் பரப்புரை கூட்டத்தில் கூறினார்.
திருநெல்வேலி சட்டமன்றத் தொகுதி மதச்சார்பற்ற முற்போக்கு கூட்டணி கழக வேட்பாளர் சு.சுப்பிர மணியனை ஆதரித்து திராவிடர் கழகம் சார்பில் பேட்டையில் தேர்தல் பரப்புரைக் கூட்டம் நடைபெற்றது. இதில் திராவிடர் கழக தலைவர் கி.வீரமணி கலந்து கொண்டு பேசியதாவது:–
முத்துவேல் கருணாநிதி ஸ்டாலின் ஆகிய நான்... என்று முதல்வர் அவர்கள் மீண்டும் பதவி ஏற்கும் நாள் மே 4-க்குப் பிறகு நிச்சயம் வரும். தி.மு.க. தலைமையிலான கூட்டணி வெறும்கூட்டணி அல்ல, கொள்கைக்கூட்டணி. இது தேர்தல் ஆதாயத்திற்காக மட்டும்அமைக்கப்பட்டதல்ல தமிழ கத்தின் நலனிற்காக அமைக்கப்பட்ட கூட்டணி.
மோடி தலைமையிலான ஒன்றிய அரசு 200 லட்சம் கோடி கடன் வைத்துள்ளது.ஒன்றிய அரசின் வருவாயில் 34 சதவீதம் வட்டியாகவே செலுத்தப்படுகிறது.ஆனால் இந்தியாவிலேயே தமிழகம் 11.2 சதவீதம் பொருளாதார வளர்ச்சியை பெற்று முன்னிலையில் உள்ளது. என்று ஆர்.பி.ஐ. தரவுகள் கூறுகிறது.
ஏர் இந்தியா முதல் விமான நிலையங்கள் வரை அனைத்தையும் அதானி மற்றும் டாட்டா போன்ற நிறுவனங்களுக்கு ஒன்றிய அரசு தாரைவார்த்துவிட்டது. சிங்கப்பூர், குவைத் போன்ற சிறிய நாடுகளே சொந்தமாக விமானம் வைத்திருக்கும் போது,இந்தியா தனது விமானங்களை விற்பது அவமானம். பா.ஜ.க.வின் “டபுள் இன்ஜின்” ஒன்றிய - மாநில ஒரே ஆட்சி என்பது தோல்வியடைந்த ஒன்று. தமிழகத்தின் “சிங்கிள் இன்ஜின்” ஸ்டாலின் ஆட்சி.அந்த கூட்டணி இன்ஜின்களை விட அதிவேகமாகச் செயல்படுகிறது.
ஐ.டி., சி.பி.ஐ. மற்றும் அமலாக்கத் துறை ஆகிய மூன்றையும் பா.ஜ.க. எதிர்க்கட்சிகளை மிரட்டும் “திரிசூலமாக” பயன்படுத்துகிறது.
அமைச்சர் பொன்முடி, துரைமுருகன், ஜெகத்ரட்சகன் ஆகியோர் மீது போடப்பட்ட பொய் வழக்குகளை உச்சநீதிமன்றம் தள்ளுபடி செய்து, தி.மு.க.வின் நேர்மையை நிரூபித்துள்ளது.
எடப்பாடி பழனிசாமி பா.ஜ.க.வின் அடிமையாக செயல்படுகிறார். தற்போது எடப்பாடியார் என அழைக்கின்றனர் மே 5-ஆம் தேதிக்குப் பிறகு “எடப்பாடியார்?”என்று பா.ஜ.க.வே கேட்கும் நிலை வரும். அவர் ஒரு நல்ல நடிகர், அதை நாம் ரசிக்கிறோம். தவறில்லை அரசியலுக்கு வரும்போது தகுதி மற்றும் அனுபவம் முக்கியம், “ஒருவர் இப்போதுதான் எல்.கே.ஜி. படிக்கச் சேர்ந்திருக்கிறார். ஆனால், சேர்ந்த உடனே அவர் அந்தப் பள்ளிக்கே ‘பிரின்சிபால்’ஆக வேண்டும்என்று ஆசைப்படுகிறார்.
விஜய் ஆரம்பித்திருக்கும் கட்சிக்கு எந்தவிதமானகொள்கையோ, முறையான தலைமைத்துவமோ அல்லதுதெளிவான பாதையோ இல்லை, குறைந்தபட்சம் ஒரு அறிக்கையை கூடத் தாங்களாகவே எழுதத் தெரியாதவர்கள் எல்லாம் முதலமைச்சர் பதவிக்கு ஆசைப்படுகிறார்கள். விஜய் போன்றபுதிய அரசியல்வாதிகள் பா.ஜ.க.வின் “விபீஷணர்களாகவும்”, “அடிமைகளாகவும்” செயல்படக்கூடும்இத்தகைய “வானவேடிக்கை” அரசியலை மக்கள் நம்பி ஏமாந்து விடக் கூடாது. எனக்கு 93 வயது ஆகிறது.நான் சுதந்திரத்திற்கு
முந்தைய பச்சை பெட்டி, மஞ்சள் பெட்டி தேர்தல்களைப் பார்த்தவன். அன்றுமுதல் இன்று வரை திராவிடஇயக்கத்தின் கொள்கை மாறவில்லை. அந்த அனுபவத்தில் சொல்கிறேன், வெற்றி நமதே.
வரும் 23-ஆம் தேதி அன்று உதயசூரியன் சின்னத்தில் சுப்பிரமணியனுக்கு வாக்களித்து, தமிழகத்தில் மீண்டும் ஸ்டாலின் அவர்கள் நல்லாட்சி தொடர வேண்டும்.
இவ்வாறு திராவிடர் கழக தலைவர் கி.வீரமணி பேசினார்.
இந்த கூட்டத்தில் நெல்லை தொகுதி பார்வையாளர் பேச்சி பாண்டியன், மாவட்ட அவைத் தலைவர் முருகன், மானூர் தெற்கு ஒன்றியச் செயலாளர் மாரியப்பன், மாநகர இளைஞரணி துணை அமைப்பாளர் அலிஃப் மீரான், திராவிட கழக துணைப் பொதுச் செயலாளர் பிரின்ஸ், என்.ஆர்.எஸ்.பெரியார், திராவிட கழக பேச்சாளர்கள்செல்வம், பிராட்லா உள்படகழக நிர்வாகிகள் மற்றும் கூட்டணி கட்சி நிர்வாகிகள் பொதுமக்கள் கலந்து கொண்டனர்.