சென்னை, ஏப். 9 –

மதுரை மெட்ரோ ரயில் திட்­டத்­திற்கு ஒன்­றிய அரசு அனு­மதி மறுத்­துள்­ளது அதன் இரட்டை நிலைப்­பாட்­டையே காட்­டு­கி­றது. அதன் மூலம் தமிழ்­நாட்­டுக்கு துரோ­கம் இழைக்­கப்­பட்­டுள்­ளது. ஆனால் மகா­ராஷ்­டிரா முதல்­வர் தேவேந்­திர பட்­னா­விஸ் அதை மறைத்து விட்டு பிளாக்­மெ­யில் செய்­வது போல் பேசு­கி­றார் என்று கழக எம்.பி.க்கள் தமி­ழச்சி தங்­க­பாண்­டி­யன், கலா­நிதி வீரா­சாமி பேட்­டி­ய­ளித்­துள்­ள­னர்.

தி.மு.க. எம்.பி.க்கள் தமி­ழச்சி தங்­க­பாண்­டி­யன், கலா­நிதி வீரா­சாமி ஆகி­யோர் சென்னை அண்ணா அறி­வா­ல­யத்­தில் நேற்று முன்­தி­னம் அளித்த பேட்டி வரு­மாறு :

மகா­ராஷ்­டிர மாநில முதல்­வர் தேவேந்­திர பட்­னா­விஸ் பா.ஜ. வேட்­பா­ளர் வெற்றி பெற்­ற­வு­டன் மெட்ரோ திட்­டங்­கள் நிறை­வேற்­றப்­ப­டும் என்று சொல்­லி­யி­ருக்­கி­றார். இந்த விவ­கா­ரத்­தில் தனது மிக கடு­மை­யான கண்­ட­னத்­தைப் பதிவு செய்­தி­ருக்­கி­றார் முதல்­வர் மு.க.ஸ்டாலின்.

இங்கு ஒரு தேர்ந்­தெ­டுக்­கப்­பட்ட அர­சாங்­க­மும், முதல்­வ­ரும் இருக்­கி­றார்­கள் என்­பதை உணர வேண்­டும். முதல்­வர் மு.க.ஸ்டாலின் அவர்­கள் பதவி ஏற்ற முதல் நாளி­லி­ருந்து இத்­திட்­டம் குறித்து என்­னென்ன நட­வ­டிக்­கை­களை மேற்­கொண்­டார் என்­பது குறித்த தேதி வாரி­யான விவ­ரங்­கள் எங்­க­ளி­டம் உள்­ளன.

மே 7, 2021 அன்று பதவி ஏற்ற உட­னேயே, மதுரை மெட்ரோ திட்­டத்தை மீண்­டும் உட­ன­டி­யாக தொடங்­கு­வ­தாக அறி­வித்து, அதற்­கான வழி­காட்­டு­தல்­களை அவர் வெளி­யிட்­டார்.

தமிழ்­நாடு அரசு இத்­திட்­டத்­திற்கு தேவை­யான அனைத்­துத் தொழில்­நுட்ப, நிர்­வாக நட­வ­டிக்­கை­க­ளை­யும் மேற்­கொண்டு வரு­கி­றது. 11,368 கோடி ரூபாய் மதிப்­பீட்­டி­லான இத்­திட்­டத்­தின் மாநில அள­வி­லான அனைத்­துப் பூர்­வாங்க பணி­க­ளும் 100 சத­வீ­தம் நிறை­வ­டைந்­துள்­ளன. குறிப்­பாக, செப்­டம்­பர் 6, 2025 அன்று சி.எம்.ஆர்.எல் மற்­றும் நெடுஞ்­சா­லைத்­துறை இணைந்து திரு­மங்­க­லம் பகு­தி­யில் ஆய்வு மேற்­கொண்டு, சுரங்­கப்­பாதை சீர­மைப்பு பிரச்­னை­க­ளுக்­கும் தீர்வு கண்­டுள்­ள­னர். திரா­விட மாடல் நாய­கர் மு.க. ஸ்டாலின் அவர்­கள் பொறுப்­பேற்­ற­வு­டன் இவை அனைத்­தும் முறை­யாக திட்­ட­மி­டப்­பட்டு, பணி­கள் அனைத்­தும் முடுக்கி­ வி­டப்­பட்­டுள்­ளன.

இவ்­வ­ளவு ஆக்­கப்­பூர்­வ­மான வேலை­கள் நடந்­தி­ருக்­கும் நிலை­யில், இவற்றை எல்­லாம் புறந்­தள்­ளி­விட்டு, எங்­க­ளு­டைய உறுப்­பி­னரை தேர்ந்­தெ­டுத்­தால் தான் இதை செய்­வோம் என்று கூறு­வது அப்­பட்­ட­மான பிளாக்­மெ­யில் அர­சி­யல். முறை­யாக தேர்ந்­தெ­டுக்­கப்­பட்ட மாநில முதல்­வர் இத்­தனை பணி­க­ளைச் செய்­தி­ருக்­கும்­போது, எதன் அடிப்­ப­டை­யில் நீங்­கள் அதனை உதா­சீ­னப்­ப­டுத்­து­கி­றார்?

நவம்­பர் 18, 2025 அன்று, 2011 மக்­கள் தொகை கணக்­கெ­டுப்­பின்­படி மக்­கள் தொகை 20 லட்­சத்தை எட்­ட­வில்லை எனக் கூறி, மதுரை மற்­றும் கோயம்­புத்­தூர் மெட்ரோ திட்ட அறிக்­கை­களை மத்­திய அரசு திருப்பி அனுப்­பி­யுள்­ளது.

ஆனால், ஆக்ரா, பாட்னா, போபால் போன்ற வட இந்­திய நக­ரங்­க­ளில் மக்­கள் தொகை குறை­வாக இருந்­த­போதே, மெட்ரோ திட்­டங்­க­ளுக்கு அனு­மதி கொடுத்து கட்­டு­மா­னப் பணி­கள் தொடங்­கப்­பட்­டுள்­ளது. தமிழ்­நாட்­டின் மதுரை என்று வரும்­போது மட்­டும் 15.6 லட்­சம் மக்­கள் தொகையை கார­ணம் காட்டி நிரா­க­ரிப்­பது ஒன்­றிய அர­சின் இரட்டை நிலைப்­பாட்­டையே காட்­டு­கி­றது. இது தமிழ்­நாட்டு மக்­க­ளுக்­கும் தமி­ழர்­க­ளுக்­கும் இழைக்­கப்­ப­டும் பெரும் துரோ­க­மா­கும்.

மகா­ராஷ்­டிரா முதல்­வர் இங்கு வந்து இத்­த­கைய வாக்­கு­று­தி­களை அளிப்­ப­தன் பின்­னால் உள்ள அர­சி­யல் பின்­பு­லத்தை நாம் உணர வேண்­டும். இதை­யே­தான் முதல்­வர் மு.க.ஸ்டாலின் அவர்­கள், இது என்.டி.ஏ vs மதச்­சார்­பற்ற முற்­போக்கு கூட்­டணி என்­ப­தைக் காட்­டி­லும், டெல்லி vs தமிழ்­நாடு இடை­யி­லான தேர்­தல் என்று சுட்­டிக்­காட்­டு­கி­றார். தேவேந்­திர பட்­னா­வி­ஸின் இன்­றைய பேச்சே அதற்கு சிறந்த உதா­ர­ண­மா­கும்.

தேவேந்­திர பட்­னா­விஸ் துணை முதல்­வ­ராக இருந்­த­போது, அங்­கி­ருந்த பல லட்­சம் கோடி மதிப்­பி­லான திட்­டங்­கள் குறிப்­பாக பாக்ஸ்­கான், டாடா ஏர்­பஸ், மெடிக்­கல் பார்க் போன்­றவை குஜ­ராத்­திற்கு மாற்­றப்­பட்­டன. சொந்த மாநில உரி­மை­களை அடகு வைத்­த­வர்­தான் இன்று தமிழ்­நாட்­டிற்கு வந்து வாக்­கு­றுதி அளிக்­கி­றார்.

இவ்வாறு அவர்கள் பேட்டியளித்தனர்.