தென்காசி, ஏப்.9–
தென்காசி மாவட்டம் தென்காசிசட்டமன்றத் தொகுதி மதச்சார்பற்ற முற்போக்குக் கூட்டணி கழக வெற்றி வேட்பாளர் டாக்டர்.கலைகதிரவன் 06-.04.-2026 அன்று தென்காசி வருவாய் கோட்டாட்சியர் அலு வலகத்தில் தேர்தல் நடத்தும் அலுவலர் வைஷ்ணவி பாலிடம், தென்காசிதெற்கு மாவட்டப் பொறுப்பாளர் வே.ஜெயபாலன், தென்காசி பழனி நாடார் எம்.எல்.ஏ. முன்னாள் மத்திய கூட்டுறவு வங்கி இயக்குனர் மூர்த்தி பாண்டியன், ம.ம.க. மாவட்ட தலைவர் நயினார் ஆகியோர் முன்னிலையில் வேட்பு மனு தாக்கல் செய்தார்.
வேட்புமனு தாக்கல் செய்து விட்டு வெளியே வந்ததும் செய்தியாளர்களிடம் அவர் கூறியது10 ஆண்டுகளுக்குப் பிறகு தி.மு.க. (உதய சூரியன் சின்னம்) போட்டியிடுவதால் பொதுமக்கள் வாக்களிப்பதில் மிகுந்த ஆர்வத்துடன் உள்ளனர் என கூறினார்.
அதனைத் தொடர்ந்து கழக வெற்றி வேட்பாளர் டாக்டர். கலை கதிரவன் செய்தியாளர்களிடம் தெரிவித்ததாவது:–
தென்காசி தொகுதியில் மக்களுக்கு அடிப்படை தேவையான சுகாதாரம், நகர்ப்புற கட்டமைப்பு, கிராமப்புற மேம்பாடு ஆகியவற்றிற்கு முக்கியத்துவம் கொடுக்கப்படும். கல்வியை பொறுத்தவரை வேளாண் கல்லூரி, சட்டக் கல்லூரி, மருத்துவக்கல்லூரி, நர்சிங்கல்லூரி ஆகியவை கொண்டுவரப்படும். விவசாயிகள்நலன் கருதி இரட்டைக்குளம்கால்வாய் திட்டம் நிறைவேற்றப்படும்.
தென்காசி மாவட்டஆட்சியர் அலுவலக கட்டிடத்தை திறப்பதற்கு சட்ட ரீதியான நடவடிக்கையை மேற்கொள்ளப்படும்.தென்காசி நகராட்சியை மாநகராட்சியாக மாற்ற தேவையானவழி வகைகள் மேற்கொள்ளப்படும். மாவட்ட தலை
நகரமான தென்காசியின் வளர்ச்சியில் கூடுதல் கவனம் செலுத்தப்படும்.10 ஆண்டுகளுக்கு பிறகு தென்காசியில் தி.மு.க. போட்டியிடுவதால் உதயசூரியன் சின்னத்தில் பொதுமக்கள் வாக்களிப்பதற்கு மிகுந்த ஆர்வத்துடன் உள்ளனர். கூட்டணிக் கட்சியினரும் மிகவும் உற்சாகம் உள்ளனர். கூட்டணிக் கட்சியாக மட்டுமல்லாமல் கூட்டுக்குடும்பாகவே இருக்கிறோம். அவர்களது அன்பும் ஆதரவும் நன்றாக உள்ளது.
தமிழகத்தில் திராவிட மாடல் முதலமைச்சர் அவர்கள் செய்த சாதனைகள், தென்காசி தொகுதியில் பெருவாரியான வாக்கு
வித்தியாசத்தில் வெற்றியை தேடி தரும் என்பதில் மாற்றுக்கருத்து இல்லை. குறிப்பாக மகளிர்க்கு முதல்வர் அவர்கள் தந்த திட்டங்க ளான மகளிர் உரிமைத் தொகை, கட்டணமில்லா பேருந்து பயணம், காலை உணவு திட்டம் உள்ளிட்ட ஏராளமான திட்டங்கள் மூலம் மக்கள் அன்றாடம் பயன்பெற்று வருகின்றனர். எனவே அதிகமான வாக்கு வித்தியாசத்தில் தென்காசி தொகுதியில் வெற்றி பெறுவோம் என்ற நம்பிக்கை உள்ளது என்று கூறினார்.
அப்போது தென்காசி தெற்கு மாவட்டப் பொறுப்பாளர் வே.ஜெயபாலன், தென்காசி மாவட்ட முன்னாள் செயலாளர் பொ. சிவபத்மநாதன், பொதுக்குழு உறுப்பினர் சாமித்துரை உள்பட கழக நிர்வாகிகள் பலர் இருந்தனர்.