சிவகங்கை. ஏப். 9–
நடைபெற உள்ள சட்டமன்றத் தேர்தலில் மதச்சார்பற்ற முற்போக்கு கூட்டணி சார்பில் சிவகங்கை சட்டமன்ற தொகுதியில் முக்குலத் தோர் புலிப்படை தலைவர் நடிகர் கருணாஸ் போட்டியிடுகிறார்.
இவர் நேற்று சிவகங்கை தெற்கு ஒன்றியத்திற்கு உட்பட்ட காட்டு குடியிருப்பு, பையூர், பழமலை நகர், நரிக்குறவர் காலனி, சமத்துவபுரம் அண்ணாநகர் ,வல்லனி,அண்ணாமலை நகர் கண்டனி , வண்ட வாசி, கூத்தாண்டன், வாணியன்குடி வேம்பங்குடி உட்பட100க்கும் மேற்பட்ட கிராமங்களில் தீவிர வாக்கு சேகரித்தார்.
பையூர் பழமலை நகர் நரிக்குறவர் காலணியில் வேட்பாளர் நடிகர் கருணாஸிற்கு நரிக்குறவர்கள் பாசி மாலை அணிவித்து நடனமாடி வரவேற்பளித்தார்கள். சென்ற இடங்களில் எல்லாம் நடிகர் கருணாஸ் வாக்கு சேகரித்து பேசியதாவது.
கழகத் தலைவர், முதல்வர் தளபதி அவர்கள் தலைமையிலான மதச்சார்பற்ற முற்போக்கு கூட்டணி சார்பில் நான் போட்டியிடுகிறேன் . இந்த தொகுதி எனக்கு ஒன்றும் புதிது அல்ல. நான் இங்கே பத்து ஆண்டுகளுக்கு மேலாக சிவகங்கை யில் வசித்து வருகிறேன் .நான் வெற்றி பெற்றதும் இத்தொகுதிக்கு நிறை வேற்றப்பட வேண்டிய தேவைகள் அனைத்தையும் முதல்வரிடம் நேரில் சென்று பேசி நிறைவேற்றி வைப்பேன். உங்களில் ஒருவனாக இருந்து உங்களுக்கு உழைப்பதற்கு எனக்கு உதயசூரியன் சின்னத்தில் வாக்களித்து வெற்றி பெறச் செய்ய வேண்டும் என்று அன்புடன் கேட்டுக்கொள்கிறேன். கழகத் தலைவர் தளபதி அவர்களின் சாதனை கள் தொடர வேண்டும் எனவே எனக்கு வாக்கு அளித்து வெற்றி பெறச் செய்திட வேண்டும்.
இவ்வாறு வேட்பாளர் நடிகர் கருணாஸ் பேசினார்.
வேட்பாளருடன் தெற்கு ஒன்றிய செயலாளர் எம்.ஜெயராமன் , பொதுக்குழு உறுப்பினர் ஏ.இ.ஆர்.சுரேஷ்,கல்லல் கே ஆர். அசோகன், மாவட்ட இளைஞரணி துணை அமைப்பாளர்கள்கார்த்தி, மதிவாணன், முன்னாள் ஒன்றிய கவுன்சிலர் கோவிந்தன் மாவட்ட மகளிரணி துணை அமைப்பாளர் மார்க்கரெட் கமலா, தமிழ் தேசம் தியாக
ராஜன், அழகர்சாமி, மாவட்ட ஆதிராவிடர் நலக் குழு அமைப்பாளர் சிங்கமுத்து,கூட்டணி கட்சி நிர்வாகிகள் மனோ ,சங்கர், சுரேஷ், எஸ்.சுந்தர்ராஜன், நம்பி, ஜெயபாலன், முருகன், இளைஞரணிதங்கம், பொன்னம்பலம் சி.பி.எம்.சங்கர் உட்பட கூட்டணி கட்சியினர் சென்றார்கள். சென்ற இடங்களில் எல்லாம் வேட்பாளர் நடிகர் கருணாஸிற்கு பெண்கள் ஆரத்தி எடுத்தும் நரிக்குறவர்கள் நடனமாடியும் வரவேற்பளித்தார்கள்.