திருச்சியில் மேற்கு தொகுதி வேட்பாளரும், கழக முதன்மைச் செயலாளரும், நகராட்சி நிர்வாக துறை அமைச்சருமான கே.என்.நேரு கிராப்பட்டி பகுதியில் உள்ள கான்வென்ட் ரோடு, அருணாச்சலம் நகர், சிம்கோ காலனி, ஆர்.எஸ்.எம். பிள்ளைத்தெரு, காலனி மெயின் ரோடு, சக்தி விநாயகர் கோவில் தெரு உள்ளிட்ட பல்வேறு பகுதிகளில் தீவிர வாக்கு சேகரிப்பில் ஈடுபட்டார். வழிநெடுகிலும் திரண்டிருந்த மக்கள் அமைச்சர் நேருவுக்கு உற்சாக வரவேற்பு அளித்தனர். இந்த பிரச்சாரத்தின் போது, ஒரு தந்தை தனது குழந்தையை அமைச்சரிடம் நீட்டினார். உடனே அக்குழந்தையை வாஞ்சையுடன் தனது பிரச்சார வாகனத்தில் ஏற்றி வாக்கு சேகரிப்பில் ஈடுபட்டார். இந்த பிரச்சாரத்தின் போது மாநகர செயலாளர் மேயர் அன்பழகன், முன்னாள் சட்டமன்ற உறுப்பினர் அன்பில் பெரியசாமி, மாவட்ட துணை செயலாளர் முத்து செல்லும் காஜா விஜய் தலைமைச் செயற்குழு உறுப்பினர் கிராப்பட்டி செல்வம்,மாமன்ற உறுப்பினர் கவிதா செல்வம் உள்ளிட்ட நிர்வாகிகள் தோழமைக் கட்சியின் நிர்வாகிகள் பலர் கலந்து கொண்டனர்..