வேலூர், ஏப்.9–
வேலூர் சேண்பாக்கம்- தண்டலம் கிருஷ்ணாபுரம் இடையே ரூ.58 கோடியில் தடுப்பணை கட்டி கொடுத்துள்ளேன் என்று வாக்கு சேகரிக்கும் போது அமைச்சரும் கழகப் பொதுச் செயலாளருமான துரைமுருகன் கூறினார்.
காட்பாடி தொகுதியில் போட்டியிடும் மதச்சார்பற்ற முற்போக்கு கூட்டணி தி.மு.க. வேட்பாளர் அமைச்சர் துரைமுருகன் அவர்கள் காட்பாடி சட்டமன்ற தொகுதிக்கு உட்பட்ட திருவலம் அடுத்த குப்பத்தா மோட்டூர் அம்முண்டி, அரும்பாக்கம் ,
அரும்பருதி, சேவூர் ஆகிய பகுதிகளிலும் மாலையில் பிரம்மபுரம் கோரந்தாங்கல் தண்டலம் ,சேவூர் ஆகிய பகுதிகளிலும் பிரச்சாரத்தை தொடங்கினார்.
அப்போது அவர் தான் செய்த திட்டங்கள் திமுகவின் சாதனைகள் பற்றி எடுத்துகூறியதாவது 1971 ஆம் ஆண்டு குப்பத்தா மோட்டூரில்பள்ளிக்கூடம் கிடையாது. பஸ் வசதி,குடிநீர் கிடையாது. அப்போது இருந்த ஊராட்சி மன்ற தலைவர் என்னிடம்
கேட்டதை தொடர்ந்து, சாலை, குடிநீர், பள்ளிக்
கூடம் என அனைத்தையும் நிறைவேற்றி கொடுத்தேன்.
முதலில் ஒன்றாம் வகுப்பு முதல் ஐந்தாம் வகுப்பு வரை பள்ளிக்கூடம் ஆரம்பிக்கப்பட்டது. பிறகு உயர்ந்து தற்போது உயர்நிலைப் பள்ளியாக செயல்பட்டு வரு
கிறது.
இதையும்செய்து கொடுத்தவன் இந்த துரைமுருகன் தான். இந்த பகுதியில் குடிநீர் பிரச்சினை பெரும் பிரச்சினையாக இருந்தது. அதையும் தீர்த்து வைத்துள்ளேன் அதற்கு மேலாக இந்த பகுதியில் விவசாயிகள் பயன்
பெறும் வகையில் சர்க்கரை ஆலை கொண்டு வந்திருக்கிறேன். சேண்பாக்கம், தண்டலம், கிருஷ்ணாபுரம் இடையேமக்கள் பயன் பெறும்வகையில்பாலாற்றில்ரூ58 கோடியில் தடுப்பணை கட்டி கொடுத்துள்ளேன் இந்த ஐந்து ஆண்டு கால திமுக ஆட்சியில் பல்வேறு திட்டங்களை முதலமைச்சர் மு.க.ஸ்டாலின் தந்துள்ளார். சிமெண்ட் சாலைகள் போடப்பட்டுள்ளது பல்வேறு அரசு கட்டிடங்கள் கட்டப்பட்டுள்ளது பெண்கள் அரசு பஸ்சில் இலவசமாக எங்கு வேண்டு மானாலும் பயணம் செய்யலாம். மகளிர் உரிமைத்தொகை மாதந்தோறும் ஆயிரம் ரூபாய் கொடுக்கப் பட்டது அது தேர்தல் முடிந்து முதல் மாதத்திலேயே 2000 ஆக வழங்கப்படும். அதுபோல முதியோர் உதவி தொகை, கல்லூரி மாணவ,- மாணவிகளுக்கு உதவித்தொகை, காலை உணவு திட்டம் எட்டாம் வகுப்பு வரை வழங்கப்படும். தமிழகத்தில் உள்ள அனைத்து குடும்பங்களுக்
கும் ரூ.8,000 மதிப்பான கூப்பன் வழங்கப்பட உள்ளது.அதனை பயன்படுத்தி டிவி -மிக்சி- கிரைண்டர்- மின்விசிறி போன்ற குடும்பத்திற்கு தேவையான பொருட்களை பணம் கொடுக்காமல் கூப்பன் கொடுத்து விட்டு வாங்கிச் செல்லலாம். எனவே உங்களுக்காக பணியாற்ற உதயசூரியன் சின்னத்தில் வாக்களித்து என்னை வெற்றி பெற செய்யுங்கள். பலமுறை என்னை வெற்றி பெற செய்த உங்களுக்கு பணியாற்ற நான் கடமைப்பட்டிருக்கிறேன். இவ்வாறு அவர் பேசினார்.