இராணிப்பேட்டை ஏப்.,10-–
இராணிப்பேட்டை அம்மூரில் மாந்தாங்கல் ரோட்டில் உள்ள தனியார் திருமண மண்டபத்தில் இராணிப்பேட்டை சட்டமன்ற தொகுதி தி.மு.க. வேட்பாளர் அமைச்சர் ஆர்.காந்தி அறிமுக கூட்டம் நடந்தது. நிகழ்ச்சிக்கு அரக்கோணம் நாடாளுமன்ற உறுப்பினர் ஜெகத்ரட்சகன் தலைமை தாங்கி சிறப்புரை ஆற்றினார்.
மாவட்ட மாணவர் அணி அமைப்பாளர் எஸ்.வினோத் அனைவரையும் வரவேற்று பேசினார். கூட்டத்தில் அமைச்சர்-, மாவட்டச் செயலாளர் ஆர்.காந்தி பேசியதாவது:- கடந்த 1996ம் ஆண்டு முதல் இராணிப்பேட்டை சட்டமன்றத் தொகுதியில் ஆறு முறை போட்டியிட்டு 4முறை வெற்றி பெற்றுள்ளேன்.
இந்த முறை இராணிப்பேட்டைசட்டமன்ற தொகுதியில் ஏழாவது முறையாக உங்களை நம்பி வேட்பாளராக நிற்கிறேன். எனவே இந்த தேர்தலில்பெறுவாரி யான வித்தியாசத்தில் வெற்றி பெற வைக்க நிர்வாகிகள் கடுமையாக உழைத்து ஆதரவு தரவேண்டும். கடந்த ஐந்து ஆண்டு ஆட்சி காலத்தில் எனது தொகுதி
நிதியிலிருந்து பல்வேறு வளர்ச்சி பணிகள் மேற்கொள்ளப்பட்டுள்ளது.
முதலமைச்சர் மு.க.ஸ்டா லின் அறிவித்துள்ள அனைத்து மக்கள் நலத்திட்டங்களையும் இத்தொகுதியில் முழுமையாக கொண்டு வர பாடுபடுவேன். தி.மு.க. அரசு மகளிர்க்கு மாதந்தோறும் ஆயிரம் உரிமைத் தொகை, பெண்களுக்கு கட்டணம் இல்லா விடியல் பயணம், கல்லூரி மாணவ-–மாணவிகளுக்கு மடிக்கணினி, பள்ளி மாணவர்களுக்கு காலை உணவுத் திட்டம் ,நான் முதல்வன் திட்டம் உள்பட பல்வேறு சிறப்பான திட்டங்கள் மூலம் ஏராளமானோர் பயனடைந்துள்ளனர்.
தி.மு.க. மீண்டும் ஆட்சிக்கு வந்தால் மகளிர் உரிமைத் தொகை ரூ.2000 ஆக உயர்த்தி வழங்கப்படும். முதியோர் ஓய்வூதியம் உயர்த்தப்படும், குடும்பத் தலைவிகளுக்கு வீட்டு உபயோக பொருட்கள் வாங்குவதற்கு ரூ.8000 ரூபாய் கூப்பன்உள்ளிட்டபல்வேறு
திட்டங்களை தேர்தல்வாக்குறுதி களாக தலைவர் முதலமைச்சர். மு.க.ஸ்டாலின் தெரிவித்துள்ளார். இவ்வாறு அவர் பேசினார். கூட்டத் தில் மாநில சுற்றுச்சூழல் துணை செயலாளர் வினோத் காந்தி, ஜி.கே.குழுமம் சந்தோஷ் காந்தி,முன்னாள் எம்.எல்.ஏ.க்கள் என்.ஜி. பார்த்திபன், மனோகரன், உள்பட கூட்டணி கட்சியைசேர்ந்த நிர்வாகிகள் பலர் கலந்து கொண்டனர்.