சென்னை, ஏப். 11 –

முதலமைச்சர் – கழகத் தலைவர் மு.க.ஸ்டாலின் அவர்களை நேற்றுமுன்தினம் (9.4.2026) காலை,அண்ணா அறிவாலயத்தில் உள்ளகழக அலுவலகத்தில், வன்னியர் கூட்டமைப்பின் தலைவரும் அனைத்திந்திய பாட்டாளி முன் னேற்றக் கட்சியின் நிறுவனத் தலைவருமான சி.என்.இராம மூர்த்தி அவர்களும் துணைத் தலைவர் கே.வெங்கடேசன், பொதுச் செயலாளர் ஜோசப்ராஜ் ஆகியோர் நேரில் சந்தித்து, நடைபெறவிருக்கும் 2026 -சட்டப்பேரவைபொதுத்தேர்தலில் தி.மு.க. தலை மையிலான மதச்சார்பற்ற முற் போக்குக் கூட்டணிக்கு அனைத் திந்திய பாட்டாளி முன்னேற்றக் கட்சி முழு ஆதரவு அளிப்பதாக வும், அனைத்து தொகுதிகளிலும் தி.மு.க. தலைமையிலான மதச் சார்பற்ற முற்போக்குக் கூட்டணிக் கட்சிகளின் வெற்றிக்கு அனைத் திந்திய பாட்டாளி முன்னேற்றக் கட்சி நிர்வாகிகள், தோழர்கள் முழுமையாக பாடுபடுவார்கள் என தெரிவித்தார்.

ஜெ.குரு பாட்டாளி

மக்கள் கட்சி ஆதரவு!

முதல்வர் – கழகத் தலைவர்மு.க.ஸ்டாலின் அவர்களை நேற்றுமுன்தினம் (9.4.2026) காலை,அண்ணா அறிவாலயத்தில் உள்ளகழக அலுவலகத்தில், வன்னியர் சங்கத் தலைவர் காடுவெட்டி ஜெ.குரு அவர்களின் மகள் குரு.விருதாம்பிகை மற்றும் குரு.விருதாம்பிகையின் கணவரும் - ஜெ.குரு அவர்களின் மருமகனு மான காடுவெட்டி மனோஜ், பொருளாளர் ஆர்.பாலமுருகன், இணைச் செயலாளர் குடியாத்தம் பிரேம்குமார் ஆகியோர் நேரில் சந்தித்து, “ஜெ.குரு பாட்டாளி மக்கள் கட்சி” நடைபெறவிருக்கும் 2026 சட்டப்பேரவை பொதுத் தேர்தலில் தி.மு.க. தலைமை யிலான மதச்சார்பற்ற முற்போக் குக் கூட்டணிக்கு ஜெ.குருபாட்டாளி மக்கள் கட்சி முழுஆதரவு அளிப்பதாகவும், அனைத்துதொகுதிகளிலும் தி.மு.க. தலைமையிலான மதச்சார்பற்ற முற்போக்குக் கூட்டணிக் கட்சி களின் வெற்றிக்கு ஜெ.குரு பாட்டாளி மக்கள் கட்சி நிர்வாகிகள், தோழர்கள் முழுமையாக பாடுபடு வார்கள் என தெரிவித்தனர்.

‘தமிழ் மாநில தேசிய லீக்’

கட்சி ஆதரவு!

முதல்வர் – கழகத்தலைவர்மு.க.ஸ்டாலின் அவர்களை நேற்றுமுன்தினம் (9.4.2026) காலை, அண்ணா அறிவாலயத்தில் உள்ள கழக அலுவலகத்தில், ‘தமிழ் மாநில தேசிய லீக்’ கட்சியின் பொதுச்செயலாளர் திருப்பூர் அல்தாப் மற்றும் மாநில, மாவட்ட நிர்வாகிகளான மாநில அமைப்புச் செயலாளர் சம்சுதீன், சென்னை மாவட்டச் செயலாளர் கே.அல்லாபகஷ், தென்சென்னை மாவட்டச் செயலாளர் திருவான் மியூர் எம்.ஹாஜா, இளைஞர்அணிச் செயலாளர் திருவான்மியூர்ரிஸ்வான் ஆகியோர் நேரில் சந்தித்து, நடைபெறவிருக்கும் 2026 சட்டப்பேரவை பொதுத் தேர்தலில் தி.மு.க. தலைமையிலான மதச்சார்பற்ற முற்போக்குக்கூட்டணிக்கு ‘தமிழ் மாநில தேசிய லீக்’ கட்சி முழு ஆதரவு அளிப்பதாக வும், அனைத்து தொகுதிகளிலும் தி.மு.க. தலைமையிலான மதச் சார்பற்ற முற்போக்குக் கூட்டணிக் கட்சி வேட்பாளர்களுக்கு பிரச்சா ரம் செய்வதோடு, அவர்களின் வெற்றிக்கு ‘தமிழ் மாநில தேசிய லீக்’ கட்சி நிர்வாகிகள் - தோழர்கள் முழுமையாக பாடுபடுவார்கள் என தெரிவித்தனர்.

இந்நிகழ்வுகளில் கழகப் பொருளாளர் டி.ஆர்.பாலு, அமைப்புச் செயலாளர் ஆர்.எஸ்.பாரதி, செய்தி தொடர்பு தலைவர் டி.கே.எஸ்.இளங்கோவன் ஆகியோர் உடனிருந்தனர்.