பெரம்பலூர், ஏப்.11—
இளைஞரணிச் செயலாளரும், துணை முதலமைச்சருமான உதயநிதி ஸ்டாலின் அவர்கள் குன்னம் சட்டமன்றத் தொகுதி வேட்பாளர் அமைச்சர் சா.சி.சிவசங்கர், பெரம்பலூர் சட்டமன்றத் தொகுதி வேட்பாளர் டாக்டர் ஜெய லெட்சுமி ஆகியோரை ஆதரித்து, குன்னம் கடைவீதியில் பிரச்சாரம்
செய்தார்,
அப்போது அவர் பேசும்போது:– தி.மு.க. தலைவர் மு.க. ஸ்டாலின் அவர்கள் கடந்த ஐந்தாண்டில் எண்ணற்ற நல்ல பல திட்டங்களை கொண்டு வந்துள்ளார். குறிப்பாக பெண்களுக்கு இலவச பேருந்து பயணம், மகளிர் உரிமை தொகை மற்றும் நான் முதல்வன் திட்டம், கல்லூரி படிக்கும் மாணவர்களுக்கு லேப்டாப் உள்ளிட்ட எண்ணற்ற திட்டங்களை செய்துள்ளார்.
மேலும் குன்னம் சட்டமன்ற தொகுதிக்கு அறிவிக்கப்பட்ட அனைத்து திட்டங்களையும் முழுமையாக செய்துள்ளதாகவும் தெரிவித்தவர், தற்பொழுது குன்னம் தொகுதிக்கு கேட்கப்பட்டுள்ள அனைத்து திட்டங்களும் தி.மு.க. ஆட்சி அமைந்தவுடன் உடனடியாக செய்து தரப்படும் என தெரிவித்தவர், எடப்பாடி பழனிச்சாமி என்னை பற்றி பல இடங்களில் அதிகமாக பேசி வருகிறார்,
அதிலும் குறிப்பாக எனக்கு அனுபவம் இல்லை என தெரிவிக்கிறார் அது உண்மைதான் அவரைப்போல எனக்கு அனுபவம் கிடையாது அவர் அ.தி.மு.க.வில் முதலில் ஜெயலலிதா காலில் விழுந்தவர், பின்பு சசிகலா காலில் விழுந்து ஆட்சியைப் பிடித்தார். அதனை தொடர்ந்து தற்போது மோடியின் காலில் விழுந்து கிடக்கிறார் என அவர் படத்துடன் காட்டி பேசியவர், எடப்பாடி போல் நான் யார் காலில் விழுந்தும் பதவிக்கு வரவில்லை, அந்த அனுபவம் எனக்கு இல்லை அவர் எப்பொழுதும் அ.தி.மு.க.வில் பொதுச் செயலாளராக நீடிக்க வேண்டும். அப்போதுதான் தி.மு.க. வெற்றி பெறும், இந்த முறை அதையும் தாண்டி அவரை வீட்டுக்கு அனுப்ப மக்கள் அனைவரும் உதயசூரியன் சின்னத்தில் வாக்களிக்க வேண்டும் என கேட்டுக் கொண்ட அவர்
தி.மு.க. தற்போது தேர்தல் வாக்குறுதியாக அறிவித்துள்ள 2000 மகளிர்
உரிமைத்தொகை, 8000- த்திற்கான கூப்பன் ஆகியவைகள் குறித்து எடுத்துரைத்து பேசியவர், குன்னம் சட்டமன்ற தொகுதியில் அமைச்சராக இருந்த சிவசங்கர் அ.தி.மு.க. ஆட்சியில் ஓடிய டப்பா பேருந்துகளை அனைத்தும் புதிய பேருந்துகளாக கொண்டு வந்து தமிழகத்தை அனைத்து பகுதிகளுக்கும் பேருந்துகளை இயக்கியுள்ளார்.
ஆகவே இவரை 50 ஆயிரம் வாக்கு வித்தியா சத்தில் வெற்றி பெற செய்ய வேண்டும் என கேட்டுக்கொண்டார்.
இந்த நிகழ்ச்சியில் பெரம்பலூர் மாவட்டக் கழக பொறுப்பாளர் வீ. ஜெகதீசன் உள்ளிட்ட கட்சி நிர்வாகிகள் தொண்டர்கள் பொதுமக்கள் 10 ஆயிரத்துக்கும் மேற்பட்டோர் கலந்து கொண்டனர்.
பெரம்பலூர் மாவட்டம், குன்னம் சட்ட மன்ற தொகுதியில் நடைபெற்ற துணை முதலமைச்சர் உதயநிதி ஸ்டாலின் பிரச்சாரத்தில், ஐ.ஜே.கே.கட்சி பெரம்பலூர் மாவட்ட தலைவர் ஏ.வி.ஆர். ரகுபதி தனது ஆதரவாளர்களுடன் தி.மு.க.வில் இணைந்தார்.