திரு.வி.க. நகர் சட்டமன்றத் தொகுதியின் மதச்சார்பற்ற முற்போக்கு கூட்டணி வேட்பாளர் வழக்கறிஞர் கே.எஸ்.இரவிச்சந்திரனை ஆதரித்து, திரு.வி.க. நகர் தெற்கு பகுதி வட்டம் 73–க்கு உட்பட்ட பகுதிகளில் தீவிர வாக்கு சேகரிப்பு நடைபெற்றது. திரு.வி.க நகர் சட்டமன்றத் தொகுதி தேர்தல் பொறுப்பாளரும் சென்னை மாநகராட்சி மேயருமான பிரியா ராஜன், தாயகம் கவி எம்.எல்.ஏ, பகுதிச் செயலாளர் எம். சாமிகண்ணு, மற்றும் வட்டச் செயலாளர் எம். தமீம் பாய் ஆகியோர் முன்னிலையில் மதச்சார்பற்ற முற்போக்கு கூட்டணி கட்சித் தோழர்கள், இளைஞர் அணியினர், மகளிர் அணியினர் மற்றும் கழக நிர்வாகிகள் உள்ளிட்டோர் பெருந்திரளாகக் கலந்துகொண்டு ராமசாமி தெரு, மன்னார்சாமி தெரு, டிமெலோஸ் சாலை மற்றும் வாழை மாநகர் உள்ளிட்ட பகுதிகளில் உதயசூரியன் சின்னத்திற்கு வாக்கு சேகரித்தனர்.