சிவகங்கை. ஏப்ரல் 11-
சிவகங்கை மாவட்டம் மானாமதுரை சட்டமன்ற தொகுதியில் இரண்டாவது முறையாக போட்டியிடும் மதச்சார்பற்ற முற்போக்கு கூட்டணி வேட்பாளர் திருமதி தமிழரசி ரவிக்குமார் நேற்று முன்தினம் மானாமதுரை நகரில் தனது தேர்தல் பிரச்சாரத்தை துவக்கினார் .கடந்த இரண்டு நாட்களாக நகரில்பல்வேறு இடங்களில் சென்ற திருமதி தமிழரசி ரவிக்குமார் காட்டு உடைகுளம், அன்பு நகர், சாஸ்தா நகர் ,அண்ணா நகர், பட்டத்தரசி உள்பட நூற்றுக்கும் மேற்பட்ட வார்டுகளுக்கு வீடு வீடாக சென்று வாக்கு சேகரித்து பேசியதாவது.
கடந்த ஐந்தாண்டுகளில் கழக தலைவர் முதல் வர் தளபதி அவர்கள் மானாமதுரை நகர்மற்றும் சட்டமன்ற தொகுதிக்கும் பல்வேறு அளப்பரிய சாதனை திட்டங்களை நிறைவேற்றி யுள்ளார். பேரூராட்சியாக இருந்த மானாமதுரை நகராட்சியாக அறிவிக்கப்பட்டது அந்த நகராட்சி அறிவிக்கப்பட்டதன் மூலம் நகரில் ரூபாய் 100 கோடிக்கு மேல் பல்வேறு அடிப்படை திட்டங்கள் நிறை வேற்றப்பட்டுள்ளது. நீண்ட நாட்கள் கோரிக்கையாக இருந்த மானாமதுரை யில் அரசு மகளிர் கல்லூரி அறிவிக்கப்பட்டு ரூபாய் 18 கோடி செலவில் புதிய கட்டிடம் கட்டப்பட்டு வருகிறது . தொழிற் பயிற்சி கட்டிடம் கட்டப்பட்டு மானவர்கள் சேர்ந்து பயின்று வருகின்றனர்.இது போல் வைகை அணையில்தடுப்பணைகள் கட்டப்பட்டுள்ளது. நகரில் பல்வேறு பணிகள் மேற்கொள்ளப்பட்டுள்ளது.
தொடர்ந்து மருத்துவமனை மேம்படுத்துவதற்கும் நடவடிக்கை எடுக்கப்பட்டு வருகிறது. எனவே பல்வேறு சாதனைகள் செய்துவிட்டு உங்களிடம் வாக்கு கேட்டு வந்துள்ளேன். ஆனால் இங்கு அ.தி.மு.க . அதனுடன் போட்டியிடும் பாஜக வேட்பாளர் இத்தொகுதிக்கு புதியவர் தொகுதியை பற்றி மும், தொகுதி மக்கள் பற்றி அறியாதவர். அவருக்கு வாக்களிப்பது என்பது செல்லாத வாக்குகள் ஆகிவிடும் பா.ஜ.க .அ.தி.மு.க . போர்வையில் தமிழகத்தில் நுழைய பார்க்கிறது.அதை நாம் விரட்டி அடிக்க வேண்டும். எனவே தமிழக முதல்வர் அவர்களின் நல்லாட்சி மீண்டும் தொடர இரண்டாவது முறையாக எனக்கு வாக்களித்து என்னை வெற்றி பெறசெய்திடுமாறு கேட்டுக்கொள்கிறேன்.
இவ்வாறு திருமதி தமிழரசி ரவிக் குமார் எம்.எல்.ஏ. பேசினார்.
அவருடன் மானாமதுரை நகர்கழக செயலாளர் க.பொன்னுச்சாமி, நகர் தலைவர் முன்னாள் எம்.எல்.ஏ. எஸ். மாரியப்பன் கென்னடி, நகர் மன்ற, துணைத்தலைவர் பாலா சுந்தர் முன்னாள் ஒன்றிய குழு தலைவர் திருமதி லதா அண்ணாத்துரை, நிர்வாகிகள் ரவிச்சந்திரன், குட்டி, ராசு, மயில்வாகனன், மூர்த்தி, பாஸ்கரன்,மகளீரணி சண்முகப் ரியா, புருஷோத்தமன் காங்கிரஸ் வீரய்யா சி.பி.ஐ. சிபிஎம் .வீரபாண்டி, தே.மு.தி.கதர்மா ராமு, அசோக், அன்பரசன்ம.தி.மு.க முகமது சலீம் எஸ். டி. பி. ஐ.உட்பட கூட்டணி கட்சியினர் சென்றிருந்தார்கள் .சென்ற இடங்களில் தமிழரசி ரவிக்குமாரை ஆரத்தி எடுத்தும் பெண்கள் உற்சாக வரவேற்பு அளித்தனர்.