திருவள்ளூர், ஏப்.11;-
ஆவடி சட்டமன்றத் தொகுதிக்குட்பட்ட திருவேற்காட்டில் திமுக வேட்பாளர் ஆவடி சா.மு.நாசர் வீதி வீதியாக சென்று தீவிரமாக வாக்கு சேகரிப்பில் ஈடுபட்டார்.
ஆவடி சட்டமன்றத் தொகுதியில் மதச்சார்பற்ற முற்போக்கு கூட்டணியில் திமுக சார்பில் வேட்பாளராக அமைச்சர் ஆவடி சா.மு.நாசர் களம் காண்கிறார். தொகுதி முழுவதும் தீவிர வாக்கு சேகரிப்பில் ஈடுபட்டு வரும் அவர் நேற்று நகரச் செயலாளர் என்.இ.கே.மூர்த்தி தலைமையில் திருவேற்காடு நகராட்சிக்கு உட்பட்ட 1, 2, 11, 12, மற்றும் 13வது வார்டு பகுதிகளில் வீதி வீதியாக சென்று பொதுமக்களிடம் வாக்குகள் சேகரித்தார். அப்போது வார்டு செயலாளர்கள் பி.வி.கே.கண்ணன், சத்தியகிரி, இளங்கோவன், குமார், கெஜா, ஆகியோர் வரவேற்பில் பிரமாண்ட உற்சாகமாக வரவேற்றனர்கள்
வாக்கு சேகரிப்பின் போது அமைச்சர் ஆவடி சா.மு.நாசர் பேசியதாவது:
இந்த ஆட்சியில் நம் திராவிட மாடல் முதலமைச்சர் சொன்னதையும், சொல்லாததையும் செய்துள்ளார். பெண்களுக்கு முன்னுரிமை தர வேண்டும் என்பதற்காக சொத்தில் சம உரிமை என்பது திமுக ஆட்சியில் கொண்டு வரப்பட்டது. திருவள்ளூர் மாவட்டத்தில் ஒரு லட்சம் பேருக்கு மேல் பட்டா வழங்கப்பட்டுள்ளது. விடியல் பயணத்தில் இரண்டு கோடியே 16 லட்சம் பேர் பயணம் செய்துள்ளனர். பெண்களின் வாழ்வாதாரத்தை மேம்படுத்த மகளிர் உரிமை தொகை திட்டத்தை முதலமைச்சர் செயல் படுத்தி வருகிறார். மகளிர் உரிமைத் தொகையை நிறுத்துவதற்கு சதி திட்டம் தீட்டினார்கள். ஆனால் அதை முறியடித்து 3 மாத மகளிர் உரிமைத்தொகை மற்றும் கோடைக்கால ஊக்கத்தொகை என ரூ. 5 ஆயிரம் வழங்கினார். இந்த ஆட்சியில் பெண்களுக்காக ஏராளமான திட்டங்கள் செயல் படுத்தப்பட்டு வருகின்றன. தமிழ்நாட்டு பெண்கள் ஒவ்வொருவரையும் தனது சகோதரியாக நினைத்து முதலமைச்சர் திட்டங்களை செயல்படுத்தி வருகிறார்.
திருவேற்காடு நகராட்சியில் ரூ.510.63 கோடி மதிப்பில் பாதாள சாக்கடை திட்டம் செயல்படுத்தப் படுகி றது. ரூ.110 கோடி மதிப்பீட்டில், திருவேற்காடு நகராட்சிக்கு, செம்பரம்பாக்கம் ஏரியில் இருந்து பாதுகாக்க ப்பட்ட குடிநீர் வழங்கும் பொருட்டு, சென்னை பெருநகர குடிநீர் வழங்கல் வாரியம் மூலம் குடிநீர் திட்டப் பணிகள் செயல்படுத்தப்பட உள்ளது.
திருவேற்காடு தேவி கருமாரியம்மன் கோயிலில் ரூ.87 கோடி மதிப்பில் திருப்பணி கள் நடைபெற்று வருகிறது. மக்களுக்கான நல்ல திட்டங்கள் தொடர்வதற்கு, மீண்டும் மு.க.ஸ்டாலின் முதலமைச்சராக தொடர்வதற்கு இந்த தேர்தலில் உதய சூரியன் சின்னத்தில் எனக்கு வாக்களித்து மாபெரும் வெற்றி பெறச் செய்யுமாறு இருகரம் கூப்பி கேட்டு கொள்கிறேன் என்றார் அவர்.
இந்த பிரச்சாரத்தில் பொதுக்குழு உறுப்பினர் எஸ்.சங்கர், மாவட்ட வர்த்தக அணி அமைப்பாளர் ஏ.ஜெ.பவுல், தேமுதிக மாநகர செயலாளர் ந.மு.ந.சங்கர், காங்கிரஸ் நகர தலைவர் சாந்தராமன்,
தேமுதிக நகர செயலாளர் மகேந்திரன், விசிக நகர செயலாளர் ஆசிர்வாதம், மணிமாறன், மதிமுக நகர செயலாளர் பார்த்திபன், கம்யூனிஸ்ட் நகர செயலாளர் மனோகரன், திமுக நகர நிர்வாகிகள் பெனியமின் , அ.க. நடராஜ், வெ.குமாரசாமி, அரசுபானு, ஜெ.சரவணன், செல்வதுரை, ஜோதிநாதன், பாண்டுரங்கன்,
வட்ட செயலாளர்கள் பி.உமாபதி, பொன்.மனோகரன், துரைகோபால், கே.பி.எஸ்.சுதாகர், பிரதானம், தெய்வசிகாமணி, ம.விநாயகம், என்.ராஜி, ரங்கதுரை, பரிசமுத்து, பன்னீர்செல்வம், சாது, ஜெகன், ஜேக்கப், ஆசைத்தம்பி, இம்மானுவேல், நித்தீஷ், அலேக்ஸ், இளைஞரணி நிர்வாகிகள் மா.அப்பு(எ) ஜெபராஜன், ஆ.நாராயணன்,எம்.சுரேஷ், நரேஷ், குடியரசு, ஜான், பிரபு, முருகன், மனோஜ் உள்பட பலர் கலந்து கொண்டனர்.