#Title

தோல்வி பயத்தால் முதல்வர் குறித்து தரம் தாழ்ந்து பேச்சு! திமிர்-, வாய்க்கொழுப்புடன் எடப்பாடி பழனிசாமி பேசியுள்ளார்! கழக அமைப்புச் செயலாளர் ஆர்.எஸ். பாரதி காட்டமான பேட்டி!

சென்னை, ஏப்.11

தோல்வி பயத்தால் முதல்வர் குறித்து தரம் தாழ்ந்து பேசுகிறார் பழனிசாமி என்றும், திமிர் மற்றும் வாய்க்கொழுப்புடன் எடப்பாடி பழனிசாமி பேசியுள்ளார் என்றும் கழக அமைப்புச் செயலாளர் ஆர்.எஸ்.பாரதி செய்தியாளர்களுக்கு அளித்த பேட்டியில் குறிப்பிட்டுள்ளார்.

அண்ணா அறிவாலயத்தில் கழக அமைப்புச் செயலாளர் ஆர்.எஸ்.பாரதி செய்தியாளர்களை சந்தித்தார். அப்போது அவர் கூறியதாவது:-

தமிழ்நாடு முழுவதிலும் முதல மைச்சரின் சுற்றுப்பயணத்தில் மக்கள் காட்டுகிறவரவேற்பையும், ஆதரவையும் பார்த்துத் தாங்கிக் கொள்ள முடியாமல், ஒவ்வொருநாளும் வயிற்றெரிச்சலின் காரணமாக ஒவ்வொரு விதமாக எடப்பாடி பழனிசாமி பிதற்றிக்கொண்டி ருக்கிறார்.

தேர்தல் பிரச்சாரத்தில் எப்படிப் பிரச்சாரம் செய்ய வேண்டும். ஒரு தலைவர் எப்படிப் பேச வேண்டும் என்ற இலக்கணம் இருக்கிறது. அந்த இலக்கணத்தை எல்லாம் மீறக்கூடிய வகையில் தரம் தாழ்ந்து, மிகக் கேவலமாக, மனித சமுதாயத்துக்கே புறம்பான பேச்சை எல்லாம் இன்றைக்கு பழனிசாமி பேசி வருகிறார்.

நேற்றைய தினம் அவருடைய வயிற்றெரிச்சலின் உச்சக்கட்டமாக எங்களுடைய உயிரினும் மேலான அன்புத் தலைவர், இரண்டு கோடி தொண்டர்களுடைய மிகப் பெரிய உயிராகமதிக்கப்படுகிற எங்கள் ஒப்பற்ற தலைவர் முதலமைச்சரை மிகவும் கீழ்த்தரமாகப் பேசியிருக்கிறார்.

பழனிசாமி காலத்தில்

பிணக் குவியல்கள்!

கொரோனா நேரத்தில் இந்த நாடு எப்படி இருந்தது என்பது எல்லோருக்கும் தெரியும். இவருடைய ஆட்சிக் காலத்தில் மக்கள் பரிதவித்தார்கள். ஆக்சிஜன் கிடைக்காமல் எல்லாவிதமானஆபத்துக்கும் ஆளாகி, நித்தம் நித்தம் இவருடைய ஆட்சிக் காலத்திலே பிணக் குவியல்கள் இருந்தன.

தமிழ்நாட்டில் தி.மு.க. ஆட்சி ஏற்பட்டு, கழகத் தலைவர் தமிழ்நாட்டின் முதலமைச்சராக வந்தபிறகுதான் கொரோ னாவைக் கட்டுப்படுத்தினார் என்பது உங்களுக்கெல்லாம் மிக நன்றாகத் தெரியும்.

கொரோனா நேரத்தில் பழனிசாமியைப் போன்றவர்கள் வெளியே வருவதற்கே பயந்த நேரத்தில்.முத லமைச்சர் பொறுப்பு ஏற்றுக்கொண்ட எங்கள் தலைவர் கோயம்புத்தூர் மருத்துவமனைக்குச் சென்றார்.

மருத்துவர்களும்மற்றவர்களும் தடுத்த போதும்கூட மருத்துவமனைக்குள் சென்று கொரோனா நோயாளிகளை நேரில் பார்த்து, அவர்களுக்குச் சிகிச்சை அளிப்பதைப் பார்த்ததனுடைய விளைவுதான் தமிழ்நாட்டில் கொரோனா அச்சம் குறைந்து மக்கள் நிம்மதியாக வாழத் தொடங்கினார்கள் என்பது வரலாறு.

இதை மூடி மறைக்க, வயிற்றெரிச்சலின் காரணமாக எடப்பாடி எவ்வளவு வாய்க்கொழுப்பு இருந்தால். திமிர் இருந்தால் “கொரோனாவிலே தளபதி போய் சேர்ந்திருப்பார்” என்று சொல்லுவார்?

உயிருக்குப் பயந்தவர் அல்ல

எங்கள் தலைவர்!

எங்கள் தலைவரைப் பற்றி அவருக்குத் தெரியாது. கழகத் தலைவராக இன்றைக்கு இருக்கிற முதலமைச்சர், தன் உயிரைத் துச்சமென மதித்து ஓடும் ரயிலின் முன் தண்டவாளத்தில் தலை வைத்துப் படுத்த கலைஞருடைய மகன். அவர் உயிருக்கு பயந் தவர் அல்ல. அன்றைக்கு கொரோனா மருத்துவமனையில் போய் பார்த்துவிட்டு வந்த நேரத்தில் அவருடைய குடும்பத்தினரே, அவருடைய துணைவியாரே கதறி அழுதிருக்கிறார்கள்.

அப்படிப்பட்ட தலைவரைப் பற்றி பழனிசாமி இந்த அளவுக்குக் கேவலமாகப் பேசுகிறார் என்றால் இது ஒன்றும் புதிதல்ல. காரணம் அவருக்குக் கொலை, கொள்ளை இதெல்லாம் கைவந்தகலை.

ஏற்கனவே 1979லே மூன்று பேரைக் கொலை செய்த வழக்கில் கொலைக் குற்றவாளியாக இருந்து, அந்தவழக்கில் அவர் எப்படி வெளியே வந்தார் என்பது எல்லாம் எல்லோருக்கும் தெரியும். அந்தப் பகுதியில் இருக்கிற மக்களுக்கும் தெரியும்.

அன்றைக்கு அ.தி.மு.க. ஆட்சியில் இல்லாமல் இருந்தால், இன்றைக்கு பழனிசாமி ஆயுள் கைதியாகத்தான் இருந்திருப்பார். அப்படிப்பட்ட பழனிசாமிக்கு ஒரு பழமொழி சொல்லுவார்கள், “நாயைக் குளிப்பாட்டி நடுவீட்டில் வைத்தாலும் அதனுடைய புத்தி போகாது” என்று. அதுபோல இவருடைய அந்த கொலைவெறி. அந்த உயிரைப் போக்குகிற மனப்பான்மை இன்னும் போகவில்லை என்பதை நேற்றைய தினம் அவருடைய பேச்சின் மூலமாக வெளிப்படுத்தி இருக்கிறார்.

தமிழ்நாட்டில் இருக்கிற கழகத் தொண்டர்கள் கொதித்துப் போயிருக்கிறார்கள். தமிழ்நாட்டு மக்களும் கொதித்துப் போயிருக்கிறார்கள்.

கழகத்தலைவர் அவர்கள் எல்லோரையும் சமாதானப்படுத்தி இருக்கிறார்.

இவருடைய பழைய கதைகளைஎல்லாம் நாங்கள் பேச ஆரம்பித்தால் அவ்வளவு தான்.

இப்பொழுதுதான் ஒவ்வொரு தீர்ப்பாக வந்து கொண்டிருக்கிறது. பழனிசாமியால் சாத்தான்குளத்தில் மூடி மறைக்கப்பட்ட அந்த கொலை வழக்கில், கழகத் தலைவர் தலையிட்டுப் போராடி சிபிஐ விசாரணை கொண்டு வந்ததால், அத்தனை பேருக்கும் மரணதண்டனை என்ற தீர்ப்பு வந்திருக்கிறது.

பழனிசாமி ஆட்சியில் அவர் மறைத்த அந்த வழக்குக்கு இன்று மரண தண்டனை கொடுக்கப்பட்டிருக்கிறது என்பதை அவர் புரிந்துகொள்ள வேண்டும்.

சாலையில் சுற்றிக்கொண்டிருந்த உங்களை அடையாளம் காட்டி உயர்த்தியவர் ஜெயலலிதா. ஆனால், அவர் வாழ்ந்த கோடநாடு பங்களாவிலேயே எடப்பாடி பழனி சாமியின் ஆட்சிக்காலத்தில் பல கொலைகள் நடந்தன. கோடிக்கணக்கான சொத்துக்களும், பணமும் நகைகளும் கொள்ளையடிக்கப்பட்டன.

அந்த நான்கு கொலைகளைப் பற்றி விசாரணை நடந்து கொண்டிருக்கிறது. எப்படிசாத்தான்குளம் வழக்கில் குற்றம் சாட்டப்பட்ட அத்தனை பேருக்கும் தூக்குத் தண்டனை கிடைத்ததோ, அதேபோல் கோடநாடு வழக்கு முடிந்தவுடன் சம்பந்தப்பட்ட அத்தனை பேருக்கும் இதேபோல தீர்ப்பு வரும் தண்டனை கிடைக்கும்.

மலிவான அரசியல்

செய்யும் பழனிசாமி!

தற்போதைய ஆட்சியின் சாதனைகளில் அவரால் எந்தக் குறையும் சொல்ல முடியவில்லை. ஒவ்வொரு திட்டமும் மக்களைச் சென்றடைந்து மக்கள் மகிழ்ச்சியாக இருக்கிறார்கள். தி.மு.க.வின் தேர்தல் வாக்குறுதிகளுக்கு மக்களிடம் மிகுந்த வரவேற்பு உள்ளது. இதனைத் தாங்கிக் கொள்ள முடியாமலும், உளவுத்துறை தகவல்களின்படி திமுக 200 க்கும் மேற்பட்ட இடங்களில் வெற்றி பெறப்போகிறது என்பதை அறிந்தும் அவர் இத்தகைய மலிவான அரசியலில் ஈடுபட்டு வருகிறார்.

பாஜகவினரே அவரைப் பாராமுகமாக நடத்துவதற்குக் காரணமும் இதுதான். அ.தி.மு.க.வினர் திமுக பக்கம் வரத் தொடங்கியதைப் பார்த்த வயிற்றெரிச்சலின் உச்சமாகவே, முதலமைச்சர் அவர்களையும் துணை முதலமைச்சர் அவர்களையும் குறித்து பழனிசாமி கீழ்த்தரமாகப் பேசி வருகிறார்.

பழனிசாமிக்கு

வரலாறு தெரியவில்லை!

பழனிசாமிக்கு வரலாறு தெரியவில்லை. 1959இல் மாநகராட்சியை திமுக யைப்பற்றியபோது, அண்ணாவுக்குச் சிலை வைக்க விரும்பிய நேரத்தில், “பச்சைத் தமிழர் காமராஜருக்கே முதலில் சிலை வைக்க வேண்டும்” என்று அண்ணா கூறினார். அதன்படி, உயிரோடு இருந்த காமராஜருக்கு அண்ணா சாலையில் சும்பீரமான சிலையை அமைத்தது திமுகதான்.

காமராஜர் குடியாத்தம் தேர்தலில் போட்டியிட்ட போது அவரை ஆதரித்ததும் திமுகவே.டெல்லியில் காமராஜர் வீட்டை ஆர்எஸ்எஸ் தீவிரவாதிகள் கொளுத்திய போது அவரைப் பாதுகாத் தது கோதண்டபாணி என்ற தி.மு.க. தொண்டரும் அசோகா ஓட்டலில் பணிபுரிந்த ஊழியரும்தான்.

காமராஜர் மறைந்தபோது அவருக்குச் செய்ய வேண்டிய அத்தனை மரியாதைகளையும் செய்தவர்கலைஞர். எமர்ஜென்சி காலத்தில் காமராஜரைக் கைது செய்ய மறுத்த காரணத்தினாலேயே திமுக ஆட்சி கலைக்கப்பட்டது.

காமராஜர் மறைந்தபோது எங்கே அடக்கம் செய்வது என்ற குழப்பம் இருந்த போது, அவர் வாழ்நாள் முழுவதும் காந்தியவாதியாக வாழ்ந்ததால் காந்தி மண்டபம் அருகிலேயே அடக்கம் செய்ய வேண்டும் என்று முடிவெடுத்தவர் கலைஞர்.

கொட்டும் மழையில் இரவோடு இரவாக அந்த இடத்தை நிலத்தைச் சீர்படுத்தி அவருக்கு இறுதி மரியாதை செலுத்தப்பட்டது. “காமராஜருக்குக் கொள்ளி வைக்க மகன் இல்லை என்ற குறையை கருணாநிதி தீர்த்து வைத்தார்” என்று அன்றைய காங்கிரஸ் தலைவர்களே மனதாரப் பாராட்டினர்.

ஜானகி அம்மையார்

குறித்துப் பேச தகுதியில்லை!

ஜானகி அம்மாள் குறித்துப் பேச பழனிசாமிக்குத் தகுதியே கிடையாது. எம்.ஜி.ஆர். ஜானகி திருமணத்தை நடத்தி வைத்ததே கலைஞர் தான். 1989இல் கலைஞர் முதலமைச்சரானபோது அவரை முதலில் வாழ்த்தியவர் ஜானகி அம்மாள். இன்று பழனிசாமி அமர்ந்திருக்கும் அ.தி.மு.க. அலுவலகக் கட்டடமே ஜானகி அம்மாள் தானமாக வழங்கிய இடம்தான். ஜானகி அம்மாள் மீது இவ்வளவு பாசம் காட்டும் பழனிசாமி, முதலமைச்சராக இருந்த நான்கு ஆண்டுகளில் அவருக்கு ஒரு சிலையாவது அங்கோ அல்லது ராமாபுரம் தோட்டத்திலோ வைத்துள்ளாரா? இன்று ராமாபுரம் தோட்டம் சுடுகாடு போலக் கிடக்கிறது. ஜானகி அம்மாளின் பிறந்தநா ளுக்கோ அல்லது நினைவுநாளுக்கோ ஒரு மலர் வளையமாவது பழனிசாமி வைத்ததுண்டா?

தேர்தல் நேரத்தில் இத்தகைய தில்லுமுல்லான, திருட்டுத்தனமான பேச்சுக்களைப் பேசுவதைப் பழனிசாமி வாடிக்கையாகக் கொண்டுள்ளார். அவர் இவ்வளவு கீழ்த்தரமாகப் பேசுவதால் எங்களுக்கு வாக்குகள் கூடுமே தவிரக் குறையாது. உண்மையான காங்கிரசார் அனைவரும் எங்கள் பக் கமே இருக்கிறார்கள்.

இவ்வாறு கழக அமைப்புச் செயலாளர் ஆலந்தூர் பாரதி கூறினார்.

மதுரை முனிச்சாலையில் நடைபெற்ற பொதுக்கூட்டத்தில் ம.தி.மு.க. பொதுச் செயலாளர் வைகோ அவர்கள் மதுரை தெற்கு சட்டமன்ற தொகுதி மதச்சார்பற்ற முற்போக்கு கூட்டணி ம.தி.மு.க. வேட்பாளர் மு.பூமிநாதனை ஆதரித்து உதயசூரியன் சின்னத்திற்கு வாக்குகள் சேகரித்தார். உடன் தொகுதி பொறுப்பாளர் வ.வேலுசாமி, மதிமுக மாவட்ட செயலாளர்கள் முனியசாமி, மார்நாடு உள்ளிட்ட கழக நிர்வாகிகள், கழகத்தினர், கூட்டணி கட்சி நிர்வாகிகள், ஆயிரத்திற்கும் மேற்பட்ட பொதுமக்கள் என ஏராளமானோர் பங்கேற்றனர்.