திண்டுக்கல், ஏப்.11-–
ஆத்தூர் சட்டமன்றதொகுதி கழக வேட்பாளரும், ஊரக வளர்ச்சி துறை அமைச்சரு மான இ.பெரியசாமி ரெட்டியார்சத்திரத்திற்குட்பட்ட நீல மலைக்கோட்டை, புதுச்சத்திரம், பழக்கனுத்து, முரு நெல்லிக்கோட்டை, நடுப்பட்டி குருநாதர்நாயக்கனூர் மற்றும் சின்னாளப்பட்டி பேரூராட்சி உள்ளிட்ட பகுதிகளில் தீவிர வாக்குசேகரிப்பில் ஈடு பட்டார்.
அப்போது பொதுமக்கள் மத்தியில் அவர் பேசியதாவது:-
100 நாள் வேலை திட்டத்தில் மத்திய அரசு தமிழ்நாட்டிற்கு கொடுக்கும் நிதியை சரிவர கொடுக்காமல் இழுத்து அடித்து வருகிறது. தினமும் எங்களிடம் அனுமதி பெற்று 100 நாள் வேலைக்கு வர வேண்டும் என்ற அளவில் கொண்டு வருகிறார்கள். தமிழக அரசு இருக் கும்போது இவர்களிடம் எதற்கு அனுமதி பெற வேண்டும். தமிழர்கள் கட்டும் ஜி.எஸ்.டி.யில் நமக்கு சேர வேண்டிய பங்கை பிரித்து தராமல் குஜராத், அசாம், மத்திய பிரதேச மாநிலங்க ளுக்கு சிறப்பு நிதி என கொடுக்கிறார்கள். அவர்கள் யாரும் ஜி.எஸ்.டி., கட்டுவது கிடையாது.
தேர்தல் முடிந்த பின்பு ஒன்றிய அரசு 100 நாள் வேலைக்கு பணம் கொடுத்தாலும், கொடுக்கவில்லை என்றாலும், நமது முதல்-அமைச்சர் மு.க.ஸ்டாலின் அனைவருக்கும் 100 நாள் வேலை கொடுப்பார்கள். அதற்கான சம்பளமும் கொடுக்கப்படும். எல்லோருக்கும் எல்லாமும் கிடைக்க வேண்டும் என்பதில் மிகவும் கவனமாக முதல்-அமைச்சர் மு.க.ஸ்டாலின் செயல்பட்டு வருகிறார். வருகிற சட்ட மன்றத்தேர்தலில் 200-க்கும் மேற்பட்ட இடங்களில் தி.மு.க. கூட்டணி வெற்றி பெறும். நமது ஆத்தூர் தொகுதியில் குறைகள் இருந்தால் நேரில் வந்து கூறுங்கள். தேர்தல் முடிந்த பின்பு அனைத்தும் பூர்த்தி செய்யப்படும்.
நீலமலைக்கோட்டைக்கு காவிரி தண்ணீர் வருவதற்கு அனைத்து ஏற்பாடுகளும்
செய்யப் பட்டு தேவையான அளவு தண்ணீர் வருகிறது. இந்த பகுதிக்கு அனைத்து வசதிகளும் செய்து கொடுக்கப்பட்டுள்ளது. நான், அமைச்சர் .சக்கரபாணி, காந்திராஜன், இ.பெ.செந்தில் குமார் ஆகிய 4 பேரும் முதல்-அமைச்சரி டம் மனு கொடுத்தோம். நீங்கள் ஏன் மனு கொடுக் கிறீர்கள் என்று முதல்-அமைச்சர் கேட்டார். அதற்கு வைகை அணையில் இருந்து எங்கள் பகுதிக்கு தண்ணீர் கொடுத்து உதவுங்கள் என்று கேட்டோம்.திண்டுக்கல் மாவட்டத்தில் உள்ள அனைத்து குளங்களும் நிரம்புவதற்கு உதவி செய்யுங்கள் என்று கூறினோம். வைகை அணை யின் உள்பகுதியில் இருந்து நமக்கு தண்ணீர் வருவதற்கு உடனடியாக அனுமதி அளித்து, அதிகாரிகளிடம் கூறி திட்ட அறிக்கை தயாரிக் கும்படியும், உடனடியாக சுமார் ரூ.800 கோடி நிதி ஒதுக்கீடு செய்யப்பட்டது. தேர்தல் முடிந்த வுடன் அதற்கான வேலைகள் தொடங்க உள்ளன. தேர்தல் முடிந்தவுடன் 1.31 கோடி மகளி ருக்குஅவர
வரர் வங்கி கணக்கில் தலா ரூ.2 ஆயிரம் வரவு வைக்கப்படும். இல்லத்தரசிக ளுக்கு வீட்டு உபயோக பொருட்கள் வாங்க ரூ.8 ஆயிரம் கூப்பன் கொடுக்கப்படும்.
இவ்வாறு அவர் கூறினார்.
இதில், திண்டுக்கல் மாவட்ட தி.மு.க. பொருளாளர் சத்யமூர்த்தி, ஒன்றிய செயலா ளர்கள் ப.க.சிவகுருசாமி, மணி, மாவட்ட மாணவரணி துணை அமைப்பாளர் ராஜேஷ் பெருமாள், கட்சி பொறுப்பாளர்கள் விவேகா னந்தன், ஹரி, சுபாஷ், கபிலன், அருண் பன்றி மலை ஜெகநாதன், ஸ்ரீராமபுரம் பேரூராட்சி தலைவர் ஷகிலா ராஜா, துணைத்தலைவர் முருகேசன், அகரம்பேரூராட்சி தலைவர் மணி, முன்னாள் ஊராட்சி தலைவர்கள் சுவாமிநா தன், மெர்சி என்கிற லெட்சுமி, சின்னு என்கிற முருகன், காங்கிரஸ் வட்டார தலைவர்கள் முரு கானந்தம், முருகேசன், முன்னாள் ஊராட்சி ஒன்றிய கவுன்சிலர்கள் சுமதி, ரமேஷ், மலைச் சாமி, கொம்பன் என்கிற பாலசுப்பிரமணி, மாவட்ட பிரதிநிதி ராமகிருஷ்ணன், கட்சி நிர் வாகிகள் மற்றும் பலர் கலந்து கொண்டனர்.