திருவாரூர், ஏப்-. 11 –
2026 சட்டமன்ற பொதுத் தேர்தலுக்கான வேட்புமனு தாக்கல் முடி வடைந்து, பிரச்சாரம் துவங்கிய நிலையில், மதச்சார்பற்ற முற்போக்குக் கூட்டணியின் சார்பில் போட்டியிடும் வேட்பாளர்கள் தங்களது பிரச்சார பயணங்களை தீவிரப்படுத்தி உள்ளனர்.
திருவாரூர் சட்டமன்றத் தொகுதிக்கு கழக தலைவர் – மு.க.ஸ்டாலின் அவர்களின் வழிகாட்டுதல்களின்படி கழகத்தின் சார்பில் போட்டியிடும் பூண்டி கே.கலைவாணன், மன்னார்குடி சட்டமன்றத் தொகுதியில் கழகத்தின் சார்பில் போட்டியிடும் முனைவர் டி.ஆர்.பி.ராஜா, உதயசூரியன் சின்னத்திற்கு வாக்கு கேட்டு தீவிர தேர்தல் பிரச்சார பயணத்தில் ஈடுபட்டனர்.
திருவாரூர், கொரடாச்சேரி ஒன்றிய பகுதிகளில் தனது தீவிர பிரச்சார பயணத்தில் ஈடுபட்ட பூண்டி கே.கலைவாணன் மன்னார்குடி, நீடாமங்கலம் ஒன்றிய பகுதிகளில் பிரச்சாரத்தில் ஈடுபட்ட முனைவர் டி.ஆர்.பி.ராஜா செல்லுகின்ற வழியெங்கும் பெருமளவில் மக்கள் கூட்டம் திரண்டு நின்று வரவேற்பு அளித்து வருகின்றனர்.
வேட்பாளர்களுக்கு கிராமிய முறைப்படி பூரணகும்ப வரவேற்பும், ஆரத்தி எடுத்து வாழ்த்துக்களையும் தெரிவித்து திராவிட முன்னேற்றக் கழகத்தின் ஆட்சி 2026லும் முத்துவேல் கருணாநிதி ஸ்டாலின் அவர்களுடைய தலைமையில் தொடரும் என்கின்ற உத்தரவாதத்தை அளிக்கும் விதமாக வேட்பாளர்களை வாழ்த்தி வருகின்றனர்.
பிரச்சாரத்தில் ஈடுபடும் கழக வேட்பாளர்கள் கழகத்தின் சார்பில் கடந்த ஐந்து ஆண்டுகளில் நிறைவேற்றப்பட்ட திட்டங்களை பட்டியலிட்டும் திருவாரூர் மற்றும் மன்னார்குடிபகுதிகளில் கழகத்தின் சார்பில் செய்துமுடிக்கப்பட்ட பணிகளையும் பட்டியலிட்டும் வாக்குகளை சேகரித்தனர்.
மேலும் திராவிட முன்னேற்றக் கழகத்தின் தலைமையிலான ஆட்சி 2026லும் ஏன் தொடர வேண்டும், தமிழ்நாட்டையும் தமிழ்மக்களையும் சூழ்ந்துள்ள மதவாத சக்திகளின் வெறியாட்டம் நிறைவு பெறவும், நம் வருங்கால சந்ததியினர் தலை நிமிர்ந்து வாழவும், திராவிட முன்னேற்றக் கழகத்தின் தலைமையிலான ஆட்சிதொடர வேண்டும் என்பதை வலியுறுத்தியும் பிரச்சாரத்தில் ஈடுபட்டனர்.
இந்த பிரச்சாரத்தில் மதசார்பற்றமுற்போக்கு கூட்டணியில் இடம் பெற்றுஇருக்கின்ற கட்சிகளின் நிர்வாகிகளும், கழகத் தோழர்களும் பல்வேறு சமூக அமைப்புகளும் பொதுமக்களும் திரண்டு வந்து ஆதரவை தெரிவித்து வருகின்றனர்.
undefined