பெரம்பலூர், ஏப்.11–
இளைஞரணிச் செயலாளரும், துணை முதலமைச்சருமான
உதயநிதி ஸ்டாலின் அவர்கள் குன்னம் சட்டமன்றத் தொகுதி வேட்பாளர் அமைச்சர் சா.சி.சிவசங்கர், பெரம்பலூர் சட்டமன்றத் தொகுதி வேட்பாளர் டாக்டர் ஜெய லெட்சுமி ஆகியோரை ஆதரித்து, குன்னம் கடைவீதியில் பிரச்சாரம்
செய்தார்,
அப்போது அவர் பேசும்போது:– தி.மு.க. தலைவர் மு.க. ஸ்டாலின் அவர்கள் கடந்த ஐந்தாண்டில்எண்ணற்ற நல்ல பல திட்டங் களைகொண்டு வந்துள்ளார். குறிப்பாக பெண்களுக்கு இலவச பேருந்து பயணம், மகளிர் உரிமைத் தொகை மற்றும் நான் முதல்வன் திட்டம், கல்லூரி படிக்கும் மாணவர்களுக்கு லேப்டாப் உள்ளிட்ட எண்ணற்ற திட்டங் களை செய்துள்ளார்.
மேலும் குன்னம் சட்டமன்ற தொகுதிக்கு அறிவிக்கப்பட்ட அனைத்து திட்டங்களையும் முழுமையாக செய்துள்ளதாகவும் தெரிவித்தவர், தற்பொழுது குன்னம் தொகுதிக்கு கேட்கப்பட்டுள்ள அனைத்து திட்டங்களும் தி.மு.க. ஆட்சி அமைந்தவுடன் உடனடியாக செய்து தரப்படும் என தெரிவித்தவர், எடப்பாடி பழனிச்சாமி என்னை பற்றி பல இடங்களில்அதிகமாக பேசி வருகிறார்,
அதிலும் குறிப்பாக எனக்கு அனுபவம் இல்லை என தெரிவிக்கிறார் அது உண்மைதான் அவரைப்போல எனக்கு அனுபவம் கிடையாது அவர் அ.தி.மு.க.வில் முதலில் ஜெயலலிதா காலில் விழுந்தவர், பின்பு சசிகலா காலில் விழுந்து ஆட்சியைப் பிடித்தார். அதனை தொடர்ந்து தற்போது மோடியின் காலில் விழுந்து கிடக்கிறார் என அவர் படத்துடன் காட்டி பேசியவர், எடப்பாடி போல் நான் யார் காலில் விழுந்தும் பதவிக்கு வரவில்லை, அந்த அனுபவம் எனக்கு இல்லை அவர் எப்பொழுதும் அ.தி.மு.க.வில் பொதுச் செயலாளராக நீடிக்க வேண்டும். அப்போதுதான் தி.மு.க. வெற்றி பெறும், இந்த முறை அதையும் தாண்டி அவரை வீட்டுக்கு அனுப்ப மக்கள் அனைவரும் உதயசூரியன் சின்னத்தில் வாக்களிக்க வேண்டும் என கேட்டுக் கொண்ட அவர் தி.மு.க. தற்போது தேர்தல் வாக்குறுதியாக அறிவித்துள்ள 2000 மகளிர் உரிமைத்தொகை, 8000- த்திற்கான கூப்பன் ஆகியவைகள் குறித்து எடுத்துரைத்து பேசியவர், குன்னம் சட்டமன்ற தொகுதியில் அமைச்சராக இருந்த சிவசங்கர் அ.தி.மு.க. ஆட்சியில் ஓடிய டப்பாபேருந்துகளை அனைத்தும் புதிய பேருந்துகளாக கொண்டு வந்து தமிழகத்தை அனைத்து பகுதிகளுக்கும் பேருந்துகளை இயக்கியுள்ளார்.
ஆகவே இவரை 50 ஆயிரம் வாக்கு வித்தியாசத்தில் வெற்றி பெற செய்ய வேண்டும் என கேட்டுக்கொண்டார்.
கடலூர் கிழக்கு மாவட்டம், புவனகிரி சட்டமன்றத் தொகுதி கழக வேட்பாளர் துரை.கி.சரவணனை ஆதரித்து, கீரப்பாளையம் ஒன்றியத்தில் மாவட்டக் கழக செயலாளர், அமைச்சர் எம்.ஆர்.கே.பன்னீர்செல்வம் தீவிர வாக்குச் சேகரிப்பில் ஈடுபட்டார். மாவட்டக் கழக பொருளாளர் எம்.ஆர்.கே.பி.கதிரவன், மதச்சார்பற்ற முற்போக்குக் கூட்டணி கட்சி நிர்வாகிகள், கழக நிர்வாகிகள் உள்ளிட்டோர் உடனிருந்தனர்.