வேலூர், ஏப்.11–
மீண்டும் தி.மு.க. ஆட்சிக்கு வரும் அப்போது
37 ஆயிரம் பெண்களுக்கு மாதந்தோறும் ரூ.2000 உரிமைத் தொகை வழங்கப்படும் என்று அமைச்சர் துரைமுருகன் அவர்கள் தீவிர வாக்கு சேகரிப்பில் ஈடுபட்டார். காட்பாடி
சட்டமன்றத் தொகுதி
தி.மு.க. வேட்பாளரும் அமைச்சருமான துரைமுருகன் அவர்கள் வேலூர் மாநகராட்சி 16 வது வார்டு சேண்பாக்கம் அம்பேத்கர் தெரு, காந்தி சிலை,நேதாஜி தெரு நுழைவாயில் அருகே மற்றும் முள்ளிபாளையம் பகுதியில் தீவிர பிரச்சாரம் மேற்கொண்டார். அப்போது அவர் தி.மு.க. ஆட்சி காலத்தில் செய்த சாதனைகள் நலத்திட்டங்களை கூறி உதயசூரியன் சின்னத்துக்கு வாக்கு சேகரிப்பில் ஈடுபட்டார். அப்போது அவர் பேசியதாவது சட்டமன்றத் தேர்தலில் தி.மு.க. அதிக இடங்களில் வெற்றி பெற்று ஆட்சி அமைக்கும் முதலமைச்சர் மு.க.ஸ்டாலின் மீண்டும் முதலமைச்சர் ஆக வேண்டும் அதற்கு பொதுமக்கள் அனைவரும் உதயசூரியன் சின்னத்துக்கு வாக்களிக்க வேண்டும் .
தி.மு.க. மீண்டும் ஆட்சிக்கு வர வேண்டும் என்று நினைப்பது பதவிக்காக அல்ல தமிழ்நாட்டை பல்வேறு துறைகளில் மேலும் முன்னேற்ற வேண்டும் என்பதற்காகத்தான். முதலமைச்சர் மு.க.ஸ்டாலின் வெளிநாடுகளுக்கு சுற்று பயணம் செய்து அதிக அளவில் வெளிநாட்டு முதலீடு களை தமிழ்நாட்டில் கொண்டு வந்துள்ளார்.
5 ஆண்டுகால தி.மு.க. ஆட்சியில் சட்டம்- ஒழுங்கு சிறப்பாக இருந்தது. தி.மு.க. ஆட்சியில் கொண்டு வரப்பட்ட மகளிர் உரிமைத்தொகை, உயர் கல்வி பயிலும் மாணவிகளுக்கு கல்வி உதவித்தொகை, டவுன் பஸ்களில் மகளிர்க்கு கட்டணமில்லா பயணம் மூலம் ஏராளமான பெண்கள் பயனடைந்தனர்.காட்பாடி தொகுதியில் 37,000 பெண்களுக்கு மாதந்தோறும் ஆயிரம் ரூபாய் உரிமைத் தொகை வழங்கப்படுகிறது. மீண்டும் தி.மு.க. ஆட்சிக்கு வந்தால் 37,000 பேருக்கும் மகளிர் உரிமைத் தொகை 2000 ஆக உயர்த்தி வழங்கப்படும். மகளிர்குழு உறுப்பினர்கள் தொழில் தொடங்குவதற்கு 5 லட்சம் வரை பிணையம் இன்றிவங்கி கடன் உதவி வழங்கப்படும். சேண்பாக்கம் பகுதியில் பல கோடி ரூபாய் மதிப்பில் தார்-சிமெண்ட் சாலைகள் கால்வாய், அங்கன்வாடிமையம், ரேஷன் கடைகள் உள்ளிட்ட வற்றைகட்டி கொடுத்து உள்ளேன். மீண்டும் உங்களுக்காக பணியாற்ற உதய சூரியன் சின்னத்தில் வாக்களித்து என்னை வெற்றி பெற செய்ய வேண்டும். இவ்வாறு அவர் பேசினார் பிரச்சாரத்திற்கு சென்ற இடங்களில் எல்லாம் அமைச்சர் துரை முருக னுக்கு பெண்கள் ஆரத்தி எடுத்து உற்சாக வரவேற்பு அளித்தனர். அவருடன் மாநகராட்சி மேயர் சுஜாதா ஆனந்தகுமார்,
மாநகர மாவட்ட காங்கிரஸ் தலைவர் வாஹித் பாஷா ,பகுதி செயலாளர் முருகப்பெருமாள் மற்றும் கூட்டணி கட்சி நிர்வாகி கள் கலந்து கொண்டனர்.