பெரம்பலூர், ஏப். 12–
பெரம்பலூர் மாவட்டம்,குன்னம் தொகுதியில் போட்டியிடும் தி.மு.க. வேட்பாளர் அமைச்சர் சா.சி.சிவசங்கர் மீது அவதூறாகவும், அரியலூர் மாணவி அனிதா தற்கொலை குறித்தும் சமூக வலைதளங்களில் பொய்யான தகவல்களை பரப்பி வரும்
அ.தி.மு.க. கூட்டணி கட்சியான ஐ.ஜே. கே.சார்பில் போட்டியிடும் வேட்பாளர் சரண்யா அன்பழகன் மீது குன்னம் காவல் நிலை யத்தில் அமைச்சர் சா.சி.சிவசங்கர் புகார் அளித்துள்ளார்.
அரசியல் நாகரிகம் இல்லாமலும், அடிப்படை நாகரிகம் இல்லாமலும்பேசி வருவதாகவும் வழக்கறிஞர்களுடன் ஆலோசனை செய்து அவர் மீது சட்டப்படி நடவடிக்கை எடுக்கப்படும் எனவும் செய்தியாளர்களிடம் தெரிவித்தார்!
பெரம்பலூர் மாவட்டம், குன்னம் தொகுதியில் போட்டியிடும் தி.மு.க. வேட்பாளர் போக்குவரத்து மற்றும் மின்சாரத்துறை அமைச்சர் சா.சி.சிவசங்கர் மீது, அ.தி.மு.க.கூட்டணி கட்சியான ஐ.ஜே.கே.சார்பில் குன்னம் தொகுதியில் போட்டியிடும் வேட்பாளர் சரண்யா அன்பழகன், அரியலூர் மாணவி அனிதா குறித்தும், வேட்பாளர் சிவசங்கர் குறித்தும் சமூக வலைதளங்களில் தவறான செய்தி பரப்பி வருவதாகவும் அவர் மீது நடவடிக்கை எடுக்க வேண்டும் என்றுகூறி குன்னம் காவல் நிலைய ஆய்வாளர் பெ. கண்ணனிடம் தி.மு.க. வேட்பாளர் அமைச்சர் சா.சி.சிவசங்கர் புகார் அளித்துள்ளார். புகார் அளித்த பின் செய்தியாளர்களிடம் பேசிய அமைச்சர் சா.சி.சிவசங்கர், கடந்தஇரண்டு நாட்களாக சமூக வலைதளங்களில் அரியலூர் மாணவி அனிதா சாவுக்கு காரணம் அமைச்சர் சிவசங்கர் என்றும் , நீட் தேர்வு தோல்வியால் தற்கொலை செய்து கொண்ட அரியலூர் மாணவி அனிதா,அவரதுகுடும்பத்தினர் மீதும் அ.தி.மு.க. கூட்டணி கட்சியான ஐ.ஜே.கே.சார்பில் போட்டியிடும் வேட்பாளர் சரண்யா அன்பழகன் என்பவர் சமூக வலைதளங்களில் பொய்யான தகவல்களை பரப்பி வருகிறார். அவர் தோல்வி பயத்தில் இப்படி பேசி வருகிறார்.
அரசியல் நாகரிகம் இல்லாமலும், அடிப்படை நாகரிகம் இல்லாமலும் பேசி வருகிறார். இந்த நிலை தொடர்ந்தால் வழக்கறிஞர்களுடன் ஆலோசனை செய்து அவர் மீது சட்டப்படி குற்ற நடவடிக்கை எடுக்கப்படும் எனவும் போக்குவரத்து மற்றும் மின்சாரத் துறைஅமைச்சர் சா.சி.சிவசங்கர் செய்தியாளர்களிடம் தெரிவித்தார்.