புதுக்கோட்டை,ஏப். 12 –

கழகத் தலைவர் – முதலமைச்சர் மு.க.ஸ்டாலின் அவர்கள் நேற்று விராலி மலை தொகுதி இலுப்பூரில் நடைபயிற்சி மேற்கொண்டு பொதுமக்களிடம் வாக்குச் சேகரித்தார். அப்போது முதல்வர் அவர்கள் செய்தியாளர்களுக்கு அளித்த பேட்டியில் “தி.மு.கழகக் கூட்டணி 234 தொகுதி களிலும் வெற்றிபெறும்” என்று உறுதிபடக் கூறினார்.

“திரா­விட முன்­னேற்­றக் கழ­கத் தலை­வர்முதல்வர் மு.க.ஸ்டாலின் அவர்­கள் புதுக்­கோட்டை மாவட்­டம் விரா­லி­மலை தொகுதி தி.மு.க. வேட்­பா­ளரை ஆத­ரித்து இலுப்­பூ­ரில் நடைப்­ப­ய­ணம் மேற்­கொண்டு வாக்கு சேக­ரித்­தார்.”

“பொது­மக்­கள் மற்­றும் வியா­பா­ரி­க­ளைச் சந்­தித்து கலந்­து­ரை­யா­டி­னார். “தேநீர் கடைக்குச் சென்று தேநீர் அருந்­திய முத­ல­மைச்­சர்” “ அ.தி­.மு.­க.வை டெல்­லி­யில் எடப்­பாடி பழ­னிச்­சாமி அட­மா­னம் வைத்­துள்­ளார். அ.தி.­மு.க. போன்ற கட்­சி­கள் டெல்­லிக்கு அடி­மை­யா­னது வேதனை அளிக்­கி­றது வெட்­கப்­ப­டு­கி­றோம்” என்று கூறி முத­ல­மைச்­சர் மு.க.ஸ்டாலின் பேட்டியளித்தார்.

முத­ல­மைச்­சர் மு.க.ஸ்டாலின் அவர்கள் தஞ்­சா­வூ­ரில் நேற்று முன்தினம் நான்­காம் கட்ட பிரச்­சா­ரத்தை தொடங்­கிய நிலை­யில் நேற்று புதுக்­கோட்டை மற்­றும் சிவ­கங்கை மாவட்­டம் திருப்­பத்­தூ­ரில் நடை­பெ­ற்ற பொதுக் கூட்­டத்­தில் கலந்துக் கொண்டு மத­ச்சார்­பற்ற முற்­போக்கு கூட்­டணிக் கட்­சி­க­ளின் வேட்­பா­ளர்­களை ஆத­ரித்து வாக்கு சேக­ரித்தார்.

இந்த நிலை­யில் இலுப்­பூ­ரில் விரா­லி­மலை தொகுதி தி.மு.க. வேட்­பா­ளர் கே.கே.செல்­ல­பாண்­டி­யனை ஆத­ரித்து நேற்று நடை­ப­ய­ணம் மேற்­கொண்டு உத­ய­சூ­ரி­யன் சின்­னத்­திற்கு வாக்குச் சேக­ரித்­தார்.

இலுப்­பூர் பெரிய கடை­வீ­தி­யில் நடந்து சென்று பொது­மக்­களை சந்­தித்து முத­ல­மைச்­சர் வாக்கு சேக­ரித்­தார். தொடர்ந்து புதிய பேருந்து நிலை­யம் அருகே நடந்து சென்று பொது­மக்­கள் மற்­றும் வியா­பா­ரி­ களை சந்­தித்து கலந்­து­ரை­யா­டி­னார், அதே­போல் சாலை­யில் சென்ற பேருந்­து­க­ளில் பய­ணித்த பொது­மக்­கள் முத­ல­மைச்­ச­ரைக் கண்டு ஆர­வா­ரம் செய்­த­னர்.

விரா­லி­மலை சாலை இலுப்­பூ­ரில் உள்ளதேநீர் கடைக்குச் சென்று முத­ல­மைச்­சர் தேநீர் அருந்­தி­னார். மேலும் விரா­லி­மலை பிர­தான சாலை அன்­ன­வா­ச­லில் நடந்து சென்று பொது மக்­களை சந்­தித்து தி.மு.க. தலை­மை­யி­லான மதச்­சார்­பற்ற முற்­போக்குக் கூட்­டணி கட்­சி­யின் விரா­லி­மலை வேட்­பா­ளர் கே.கே.செல்­ல­பாண்­டி­ய­னுக்­காக வாக்குச் சேக­ரித்­தார்.

முன்­ன­தாக செய்­தி­யா­ளர்­க­ளி­டம் முத­ல­மைச்­சர் மு.க.ஸ்டாலின் அவர்கள் கூறும்போது,

பா.ஜ­.க.வைச் சேர்ந்த எத்­தனை பேர் தமிழ்­நாட்­டிற்கு வந்­தா­லும் தி.மு.க. தலை­மை­யி­லான மதச்­சார்­பற்ற முற்­போக்கு கூட்­ட­ணி­தான் வெற்றி பெறும் என நம்­பிக்கை தெரி­வித்த முத­ல­மைச்­சர், பா.ஜ.க. என்ன வேண்­டு­மா­னா­லும் செய்­யட்­டும் அதைப் பற்றி நான் கவ­லைப்­ப­ட­வில்லை என்­றார். மேலும் பேசிய அவர் எடப்­பாடி தோல்­வி­யின் விளிம்­பில் இருக்­கி­றார் அத­னால் பல விமர்­ச­னங்­களை வைப்­ப­தா­க­வும் அ.தி­.மு­.க.வை டெல்­லி­யில் எடப்­பாடி பழ­னிச்­சாமி அட­மா­னம் வைத்­துள்­ள­தா­க­வும் அ.தி­.மு­.க.வை பா.ஜ.க. தான் நடத்தி வரு­வ­தா­க­வும் அ.தி­.மு.க. போன்ற கட்­சி­கள் டெல்­லிக்கு அடி­மை­யா­னது வேதனை அளிக்­கி­றது வெட்­கப்­ப­டு ­கி­றோம் என்­றும் கூறி­னார்.

புதிய நடி­கர் கட்சி தொடர்­பான செய்­தி ­யா­ளர்­க­ளின் கேள்­விக்கு பதில் அளித்த முத­ல­மைச்­சர். “யார் வந்­தா­லும் கவ­லை­யில்லை; நாங்­கள் எங்­க­ளு­டைய வேலையை செய்து வரு­கி­றோம், மக்­கள் கொடுக்­கக்­கூ­டிய எழுச்­சியை பார்க்­கும் பொழுது 234 தொகு­தி­க­ளி­லும் தி.மு.க. கூட்டணி வெற்றி பெறும் என்று தெரி­வித்­தார்”.

முத­ல­மைச்­சர் மு.க.ஸ்டாலின் அவர்­கள் வாக்கு சேக­ரித்­த­போது பொது­மக்­கள், இளை­ஞர்­கள், பெண்­கள் பெருந்­தி­ர­ளா­கக் கூடி ‘திரா­விட மாடல்’ அரசு செயல்­ப­டுத்தி வரும் திட்­டங்­க­ளால் பெரி­தும் பய­ன­டைந்­துள்­ளோம். இந்த ஆட்சி மக்­க­ளுக்­கான ஆட்சி, சுய­ம­ரி­யா­தை­மிக்க ஆட்சி, அனை­வ­ரை­யும் தன்­மா­னத்­து­டன் தலை­நி­மிர்ந்து வாழச் செய்­கிற ஆட்சி. அதி­லும் குறிப்­பாக பெண்­கள் தன்­னம்­பிக்­கை­யு­டன் பொரு­ளா­தா­ரத்­தில் முன்­னேற்­றம் அடைந்து குடும்­பச் சுமை­கள் பெரி­தும் குறைந்து மகிழ்ச்­சி­யாக வாழ்­வ­தா­கத் தெரி­வித்­தார்­கள். உங்­கள் அறி­விப்­பு­கள் அனைத்­தும் வர­வேற்கத்தக்­கதாக உள்­ள­தாக தெரி­வித்­த­னர். 2026 தி.மு.க. தேர்­தல்அறிக்கை அனை­வ­ருக்­கும் பயன்­­அளிப்­ப­தாக அமைந்­துள்­ளது என்­றும் மகிழ்ச்சி பொங்க தெரி­வித்­த­னர். எங்­கள் அனை­வ­ரு­டைய வாக்­கு­க­ளும் தி.மு.க தலை­மை­யி­லான கூட்­ட­ணிக்கே என்று முதல்வர் மு.க.ஸ்டாலின் அவர்கள் தெளி­வாக கூறி­னார்­கள்.