திருச்சி, ஏப்.12–

விரு­து­ந­கர் மாவட்­டம் திருச்­சுழி சட்­ட­மன்­றத் தொகு­தி­யில், நேற்று முன்தினம் (10.04.2026) தி.மு.க. தலை­மை­யி­லான மதச்­சார்­பற்ற முற்­போக்கு கூட்­ட­ணி­ யின் சார்­பில் போட்­டி­யி­டும் விரு­து­ந­கர் வடக்கு மாவட்ட செய­லா­ள­ரும், வேட்­பா­ள­ரு­மான தங்­கம் தென்­ன­ர­சுவை ஆத­ரித்து, திருச்­சுழி – காரி­யா­பட்டி, நரிக்­குடி, அருப்­புக்­கோட்டை சாலை சந்­திப்பு பகு­தி­யில் தி.மு.க. துணைப் பொதுச் செய­லா­ள­ரும், நாடா­ளு­மன்ற திமுக குழுத் தலை­வ­ரு­மான கனி­மொழி கரு­ணா­நிதி தேர்­தல் பிரச்­சா­ரம் மேற்­கொண்டு, பொது­மக்­க­ளி­டம் உத­ய­சூ­ரி­யன் சின்­னத்­திற்கு வாக்கு சேக­ரித்­தார்.

அப்­போது பேசிய கனி­மொழி கரு­ணா­நிதி எம்.பி. குறிப்­பிட்­ட­ தா­வது :–

நான் தொடர்ந்து எடப்­பாடி பழ­னி­சா­மியை விமர்­ச­னம் செய்­கி­றேன் என்­ப­தற்­காக, அவர் தரம் தாழ்ந்து என்னை குறி­வைத்­துப் பேசு­கி­றார்; “நீங்­கள் மீண்­டும் சிறைக்­குச் செல்­வீர்­கள்” என்று கூறு­கி­றார்.

எடப்­பாடி பழ­னி­சாமி அவர்­களே, ஒன்றே ஒன்­றைச் சொல்ல விரும்­பு­கி­றேன். என் மீது பொய் வழக்­குப் போடப்­பட்­டது உண்மை. அந்த வழக்கை நான் எதிர்­கொண்டு, என் மீது குற்­றம் இல்லை என்று நிரூ­பிக்­கப்­பட்டு விடு­தலை செய்­யப்­பட்டு இருக்­கி­றேன்.

நான் நினைத்­தி­ருந்­தால் என்னை தவ­றா­கச் சித்­த­ரித்து சிறை­யில் வைத்­த­தற்­காக, வைத்­த­வர்­கள் மீது வழக்­குப் போட்டு இருக்­க­லாம். ஆனால், நான் குற்­ற­மற்­ற­வ­ளாக விடு­தலை செய்­யப்­பட்­டுள்­ளேன்.என் மீதான வழக்கு நிலு­வை­யில் இல்லை; அது மேல்­மு­றை­யீட்­டில் உள்­ளது. இந்த இரண்­டிற்­கும் வித்­தி­யா­சம் உள்­ளது. ஒரு வழக்­கில் குற்­றம் சாட்­டப்­பட்டு சிறைக்­குச் சென்­ற­வர் யார் என்­பதை அவர் நினைத்­துப் பார்க்க வேண்­டும். எடப்­பாடி பழ­னி­சாமி மீது நிறைய வழக்­கு­கள் உள்­ளன; அதை அவர் நினை­வில் வைத்­தி­ருந்­தால் போதும்.

என்­னைப் பார்த்­துச் சொல்­கி­றார், தொடர்ந்து இப்­ப­டிப் பேசிக் கொண்­டி­ருந்­தால் சிறைக்­குச் செல்ல வேண்­டி­ய­தா­கி­வி­டும் என்று. நான் கேட்­கி­றேன்? உங்­களை எதிர்த்­துப் பேசி­னால் சிறைக்கு போவீர்­கள் என்று மிரட்­டு­வீர்­களா? இதையே தான் பா.ஜ.க. செய்து கொண்­டி­ருக்­கி­றது. எதிர்க்­கட்­சி­யில் உள்­ள­வர்­க­ளின் மீது சிபிஐ, வரு­மா­ன­வ­ரித் துறை, அம­லாக்­கத்­துறை ஆகி­ய­வற்­றின் மூலம் வழக்­கு­கள் ஏவப்­ப­டு­கின்­றன. உங்­க­ளுக்­கும் அவர்­க­ளுக்­கும் என்ன வித்­தி­யா­சம்? இத­னால்­தான் நாம் சொல்­கி­றோம். ‘‘அண்ணா தி.மு.க. வை, அமித்ஷா தி.மு.க.வாக மாற்­றி­விட்­டார்­கள்’’ என்று.

எடப்­பாடி பழ­னிச்­சாமி என்னை மிரட்­டப்­பார்க்­கி­றார். நான் அவ­ருக்கு சொல்­கி­றேன், நான் கலை­ஞர் முத்­து­வேல் கரு­ணா­நி­தி­யின் மகள்; இந்­தச் சல­ச­லப்­பு­க­ளுக்கு எல்­லாம் நான் அஞ்­சப்­போ­வ­தில்லை. பெண் என்­ப ­தால் எதை வேண்­டு­மா­னா­லும் பேச­லாம் என்று நினைக்­கா­ தீர்­கள்.

உங்­க­ளைப் போன்ற 100 பேரை வென்ற கலை­ஞ­ரின் மகள் நான். தந்தை பெரி­யா­ரின் பாச­றை­யில் இணைந்து அர­சி­ய­லுக்கு வந்த ஒரு­வ­ராக நான் இருக்­கி­றேன். நீங்­கள் மிரட்ட மிரட்ட, நான் இன்­னும் அதி­க­மா­கப் பேசு­வேன். என்னை மிரட்­டிப் பார்க்­க­லாம் என்று நினைக்­கா­தீர்­கள். தவ­றான விஷ­யங்­க­ ளைப் பேசா­தீர்­கள்.

இவ்­வாறு – கழக துணைப் பொதுச் செய­லா­ளர் கனி­மொழி கரு­ணா­நிதி எம்.பி. குறிப்­பிட்­டார்.