நாமக்கல், ஏப். 12 –
நாமக்கல் மேற்கு மாவட்டம் பரமத்தி வேலூர் சட்டமன்றத் தொகுதியில் தி.மு.க. சார்பில் போட்டியிடும் முன்னாள் சட்டமன்ற உறுப்பினரும் நாமக்கல் மேற்கு மாவட்ட தி.மு.க. பொறுப்பாளருமான கே.எஸ்.மூர்த்தி தீவிர வாக்கு சேகரிப்பில் ஈடுபட்டு வருகிறார்.
அதன் ஒரு பகுதியாக பரமத்தி அருகிலுள்ள மாவுரொட்டி, ஓவியம்பாளையம், வெள்ளாளபாளையம், கரட்டுப்பாளையம், தேவிபாளையம், கீழக்கரை மறவாபாளையம் உள்ளிட்ட பகுதிகளில் வீடு வீடாகச் சென்று பொதுமக்களைச் சந்தித்து வாக்கு சேகரித்தார்.
அப்போது நூற்றுக்கும் மேற்பட்ட பெண்கள் வரிசையாக நின்று பூக்கள் தூவியும், ஆரத்தி எடுத்தும் அவருக்கு உற்சாக வரவேற்பு அளித்தனர்.
பொதுமக்களிடம் பேசிய கே.எஸ்.மூர்த்தி, தாம் வெற்றி பெற்ற பின்னர் அப்பகுதி மக்களின் கோரிக்கைகளை நிறைவேற்ற நடவடிக்கை எடுப்பேன் என உறுதியளித்தார்.
இந்த வாக்கு சேகரிப்பின் போது நாமக்கல் மேற்கு மாவட்ட தி.மு.க. விளையாட்டு மேம்பாட்டு அணி துணை அமைப்பாளர் மகிழ் பிரபாகரன், பரமத்தி பேரூர் செயலாளர் ரமேஷ் பாபு, பரமத்தி பேரூராட்சித் தலைவர் மணி, நாமக்கல் மேற்கு மாவட்ட பொறியாளர் அணி தலைவர் அருண்பிரதாப் சக்கரவர்த்தி உள்ளிட்டபலர் கலந்து கொண்டனர்.