கடலூர்,ஏப்,12--–
கடலூர் மேற்கு மாவட்டம், நெய்வேலி சட்டமன்றத் தொகுதியின் மதச்சார்பற்ற முற்போக்கு கூட்டணி வேட்பாளர் சபா.இராசேந்திரனுக்கு ஆதரவாக, காடாம்புலியூர் பேருந்து நிறுத்தம் அருகில் இந்திய கம்யூனிஸ்ட் கட்சியின் முன்னாள் மாநிலத் தலைவர் இரா.முத்தரசன் பொதுமக்களிடம் வாக்கு சேகரித்தார்.
அப்போது பேசிய இரா.முத்தரசன் அவர்கள், பா.ஜ.க. – -அ.தி.மு.க. கூட்டணி ஆட்சி தமிழகத்தில் அமைந்தால் ஏற்படும் பாதிப்புகளை கடந்த கால நிகழ்வுகளைச் சுட்டிக்காட்டி விளக்கினார்.
மத்தியில் ஆளும் பா.ஜ.க.அரசு தொடர்ந்து தமிழ்நாட்டைப் புறக்கணித்து வருவதாகவும், 100 நாள் வேலைத் திட்டம், கல்வி நிலுவைத்தொகை, வரி பகிர்வு உள்ளிட்ட பல்வேறு திட்டங்களில் தமிழ்நாட்டுக்கு உரிய நிதியை வழங்காமல் அலட்சியம் காட்டுவதாகவும் குற்றம் சாட்டினார்.
“ஒன்றிய பா.ஜ.க. அரசின் இத்தகைய அணுகுமுறையை தமிழ்நாட்டில் ஒருபோதும் அனுமதிக்கக் கூடாது”என்று வலியுறுத்திய முத்தரசன், பொதுமக்களிடம் உரையாற்றுகையில், “2026 ஏப்ரல் 23-ஆம் தேதி நீங்கள் அனைவரும் உதயசூரியன் சின்னத்தில் வாக்களித்து, நெய்வேலி சட்டமன்றத் தொகுதியின் வெற்றி வேட்பாளர் சபா.இராசேந்திரன் அவர்களை பெருவாரியான வாக்கு வித்தியாசத்தில் வெற்றி பெறச் செய்ய வேண்டும்” என்று வேண்டுகோள் விடுத்தார்.
பிரச்சாரத்தில் கம்யூனிஸ்ட் கட்சியின் மாவட்ட செயலாளர் துரை, தொகுதி பொறுப்பாளர் எம்.கே.பாஸ்கர், ம.தி.மு.க. மாவட்ட பொருளாளர் செந்தில், கம்யூனிஸ்ட் கட்சியின் பண்ருட்டி வடக்கு ஒன்றிய செயலாளர் ஞானசேகர், பண்ருட்டி தெற்கு ஒன்றிய செயலாளர் வெங்கடேசன், நெய்வேலி நகர செயலாளர் குணசேகரன், மாவட்டக் குழு உறுப்பினர்கள் லாரன்ஸ், மணிவண்ணன், தலைமைப் பொதுக்குழு உறுப்பினர் அறிவழகன், ஒன்றியத் தலைவர் ராஜா, மாவட்டப் பிரதிநிதி ஆடலரசன், ஒன்றியத் துணைச் செயலாளர் செல்வகுமார், சுப்பிரமணியன், மாவட்டப் பொறியாளர்அணி துணை அமைப்பாளர் பாண்டுரங்கன், ஒன்றிய இளைஞர் அணி அமைப்பாளர் அன்பழகன், நெய்வேலிதொகுதி தகவல் தொழில்நுட்ப அணி அமைப்பாளர் ஆனந்தன், சந்தியா கிளை செயலா ளர்கள் முருகன், ஜோதி
உள்ளிட்டோர் உடனிருந்து பிரச்சாரத்தில் ஈடுபட்டனர்.