தொடக்­கம் : 10.8.1942 – முரசு : 84 – ஒலி : 241 – திரு­வள்­ளு­வர் ஆண்டு 2057 – பங்குனி 29 – ஞாயிற்றுக்கிழமை 12 ஏப்ரல் 2026 – திருச்சி • 16 பக்­கங்­கள்

Established : 10.8.1942 - – Volume : 84 - – Issue 241 : Thiruvalluvar Year – 2057 – Panguni 29 – Sunday 12 April 2026 – Trichy • • 16 Pages ₹ 5.00

தஞ்சை, ஏப். 12 –

நெல்­லுக்­கான ஊக்­கத் தொகையை நிறுத்­தக் கூறிய ஒன்­றிய பா.ஜ.க. அரசை எடப்­பாடிபழ­னி­சாமி கண்­டிக்­கத் தயாரா? என்று தஞ்­சை­யில் நடை­பெற்ற தேர்­தல் பிரச்­சா­ரப் பொதுக்­கூட்­டத்­தில் தலை­வர், முதல்­வர் மு.க.ஸ்டாலின்அவர்கள் எச்­ச­ரிக்கை விடுத்­துள்­ளார்.

கழ­கத் தலை­வ­ரும், முத­ல­மைச்­ச­ரு­மான மு.க.ஸ்டாலின் அவர்­கள் நேற்று முன்தினம் (10.04.2026) தஞ்­சை­யில் நடை­பெற்ற சட்­ட­மன்­றத் தேர்­தல் பரப்­பு­ரைப் பொதுக்­கூட்­டத்­தில் ஆற்­றிய உரை வரு­மாறு:–

மாடு கட்டி போர­டித்­தால் மாளாது என்று; யானை கட்டி போர­டித்த மண், இந்த தஞ்சை மண்! காவி­ரித்­தா­யின் மண்­ணுக்கு கலை­ஞ­ரின் மகன் வந்­தி­ருக்­கி­றேன். மே 4 – திரா­விட மாடல் 2.0 வெற்­றியை அறு­வடை செய்ய தஞ்­சா­வூர் தயாரா? தயார் (மக்­கள்). நன்றி... அதற்­கான களத்தை தயார் செய்­யத்­தான் தமிழ்­நாட்­டின் நெற்­க­ளஞ்­சி­யத்­திற்கு நான் வந்­தி­ருக்­கி­றேன்.

அண்­ணன் கோ.சி.மணி­யின்

மண்­ணுக்கு வந்­தி­ருக்­கி­றேன்!

தஞ்­சா­வூர் வந்­த­தும் என்­னு­டைய நினை­வுக்கு வந்­தது, ‘டெல்டாமண்­ணின் மைந்­தர்’ மரி­யா­தைக்­கு­ரிய அண்­ணன் கோ.சி.மணி அவர்­கள்! அவர் எப்­ப­டி­யெல்­லாம் இந்­தப் பகு­தியை வளர்த்­தெ­டுத்­தார், தலை­வர் கலை­ஞ­ரின் நம்­பிக்­கைக்­கு­ரிய போர்ப்­ப­டைத் தள­ப­தி­யாக இருந்­தார் என்­ப­தெல்­லாம் எனக்கு நினை­வுக்கு வரு­கி­றது. அப்­படி அவர் கட்­டிக்­காத்த மண்­ணுக்கு –இந்த தஞ்சை மண்­ட­லத்­திற்கு நான் வந்­தி­ருக்­கி­றேன்.

தஞ்­சைத் தர­ணிக்கு வந்­தாலே, இனம்­பு­ரி­யாத ஒரு கம்­பீ­ரம் பிறக்­கி­றது. தஞ்­சைப் பெரிய கோயி­லைக் கட்டி, சோழ சாம்­ராஜ்­யத்தை மிகப் பெரிய அள­வில் விரி­வு­ப­டுத்­திய ராஜ ராஜ சோழ­னும், கங்கை வரை சென்று வெற்­றிக்­கொடி நாட்­டிய ராஜேந்­திர சோழ­னும்­தான் தமி­ழர்­க­ளின் கம்­பீ­ரத்­துக்கு கார­ணம்!இப்­படி சிறப்­பு­க­ளுக்கு பஞ்­ச­மில்­லாத மாவட்­டத்­துக்கு, சிறப்­பான நம் ஆட்சி தொடர ஆத­ரவு கேட்டு வந்­தி­ருக்­கி­றேன்.

தஞ்­சைக்கு நான் வரு­வது புதிதா? பல்­வேறு நிகழ்ச்­சி­க­ளுக்கு, விழாக்­க­ளுக்கு வந்­ததுஉண்டு.அரசு நலத்­திட்ட விழாக்­கள், கல்­ல­ணை­யில் இருந்து பாச­னத்­திற்­காக நீர் திறந்து விடும் நிகழ்வு, பீம­னோடை தூர்­வா­ரும் பணி­கள் ஆய்வு, ஆலக்­கு­டி­யில் தூர்­வா­ரும் பணி­கள் ஆய்வு, திரா­வி­டர் கழ­கம் நடத்­திய கலை­ஞர் நூற்­றாண்டு விழா, இங்கு மேடை­யில் இருக்­கும் சகோ­த­ரர் துரை சந்­தி­ர­ சே­க­ரன் இல்­லத் திரு­மண விழா, நாடா­ளு­மன்­றத் தேர்­தல் பரப்­புரை என்று தொடர்ந்து வந்து கொண்டே இருக்­கி­றேன்.

200 தொகு­தி­க­ளை­யும் தாண்டி

வெல்­வோம் என்ற நம்­பிக்கை உள்­ளது!

அண்­மை­யில்­கூட, நம்­மு­டைய அரு­மைச் சகோ­த­ரர் வைத்­தி­லிங்­கம் தலை­மை­யில், பல்­லா­யி­ரம் பேர் கழ­கத்­தில் இணைந்த நிகழ்ச்­சி­யில் கலந்து கொண்டு, அது முடிந்­த­தும், டெல்டா மண்­டல ‘வெல்­லும் தமிழ்ப் பெண்­கள்’ மாநாட்டை தஞ்­சா­வூ­ரில் நடத்­தி­னோம். அதற்­கா­க­வும் வந்­தி­ருந்­தேன்.

அடுத்து இப்­போது, என்­னு­டைய பரப்­பு­ரைப் பய­ணத்தை தொடங்­கி­ய­தும், இதே ஒருங்­கி­ணைந்த தஞ்சை மாவட்­டத்­தைச் சேர்ந்த, திரு­வா­ரூ­ரில்­தான்! தொடர்ந்து, மாநி­லத்­தில் தெற்கு, மேற்கு, வடக்கு என்று சுற்றி, மீண்­டும் இத­யப்­ப­கு­தி­யான டெல்­டா­வுக்கே வந்­து­விட்­டேன். திரா­விட மாடல் நல்­லாட்சி தொடர வேண்­டும் என்று தமிழ்­நாடே இன்­றைக்கு சொல்­கி­றது. அதற்கு, தஞ்­சை­யும் தயாரா? தயார் (மக்­கள்). 200 உறு­தியா? உறுதி (மக்­கள்). நன்றி! 200 தொகு­தி­கள் என்று சொல்­லிக் கொண்­டி­ருந்­தேன்.