புதுடெல்லி, ஏப். 12–
திராவிட முன்னேற்றக் கழகப் பொருளாளரும், கழக நாடாளுமன்ற மக்களவைக் குழுத் தலைவருமான டி.ஆர்.பாலு அவர்கள், தனது திருப்பெரும்பு தூர் நாடாளுமன்றத் தொகுதிக்கு உட்பட்ட பொதுமக்கள் பலரின் பல்வேறு மருத்துவ சிகிச்சை களுக்காக, சில சிறப்பு சூழ்நிலை களில் ஏழை மக்களுக்கு இதய அறுவை சிகிச்சை, புற்றுநோய் சிகிச்சை போன்ற பல்வேறு சிகிச்சைகளுக்கு, பிரதமர் தேசிய நிவாரண நிதியிலிருந்து வழங்கப்படும் பகுதி நிதியுதவியில் இருந்து “25 லட்சம் ரூபாய் “ பெற்றுத் தந்துள்ளார்.
அதன் விபரம் பின்வருமாறு:–
அம்பத்தூர் மற்றும் பல்லாவரம் பகுதிகளைச் சேர்ந்த லோகநாதன் மற்றும் நல்லதம்பி ஆகியோரது சிறுநீரக மாற்று அறுவை சிகிச்சைக்காகவும், செங்கல்பட்டு மாவட்டம், திரிசூலம் பகுதியைச் சேர்ந்த இராமதாஸ், பல்லா வரத்தைச் சேர்ந்த திருமதி சரினா, குன்றத்தூர் பகுதியைச் சேர்ந்த சிறுவன் தர்ஷித், திருப்பெரும் புதூர், ஆர்.பி.சத்திரம் பகுதியைச் சேர்ந்த திருமதி சாவித்திரி, குரோம்பேட் டையைச் சேர்ந்த முருகன், அம்பத்தூர் பகுதியைச் சேர்ந்த திருமதி அலமேலு மற்றும் தாம்பரம் பகுதியைச் சேர்ந்த திருமதி லாவண்யாஆகியோரது புற்றுநோய் சிகிச்சைகளுக்காகவும், அம்பத்தூர் பகுதியைச் சேர்ந்த சவரிமுத்து என்பவரது இதயநோய் சிகிச்சைக்காகவும் பிரதமர் தேசிய நிவாரண நிதியிலிருந்து உதவிடுமாறு முறையே ஜனவரி மற்றும் பிப்ரவரி மாதங்களில் பிரதமர் நரேந்திர மோடி அவர்களுக்குத் தனித்தனியே கடிதங்கள் எழுதி யிருந்தார்.
டி.ஆர்.பாலு அவர்களின் பரிந்துரையினையும் வேண்டுகோளினையும் ஏற்ற பிரதமர் அவர்கள், பிரதமர் தேசிய நிவாரண நிதியிலிருந்து நல்லதம்பி அவர்களின் சிறுநீரக மாற்று அறுவை சிகிச்சைக் காக இரண்டு லட்சத்து இருபத்தைந்தாயிரம் ரூபாயும், லோகநாதன் அவர்களின் சிறுநீரக மாற்று அறுவை சிகிச்சை க்காக மூன்று லட்சம் ரூபாயும், இராமதாஸ், முருகன், சிறுவன் தர்ஷித் ஆகியோரின் புற்றுநோய் சிகிச்சைக ளுக்காக தலா மூன்று லட்சம் ரூபாயும், திருமதி சரினா, திருமதி சாவித்ரி, திருமதி அலமேலு மற்றும் திருமதி லாவண்யா ஆகியோரின் புற்றுநோய் சிகிச்சைகளுக் காக தலா இரண்டு லட்சத்து ஐம்பதாயிரம் ரூபாயும், சவரிமுத்து அவர்களின் இதயநோய் சிகிச் சைக்காக ஐம்பதாயிரம் ரூபாயும் உதவித்தொகை யாக வழங்கப்படுவதாகத் தெரிவித்துள்ளார்.
இது விஷயம் தொடர்பாக டி.ஆர்.பாலு,எம்.பி. அவர்களுக்கு பிரதமர் அலுவலகம் எழுதிய கடிதத்தில் தெரிவிக்கப் பட்டுள்ள விவரம் பின்
வருமாறு:
பிரதமரின் தேசிய நிவாரண நிதியி லிருந்து, மருத்துவ சிகிச்சைகளுக்காக வழங்கப்படும் உதவித் தொகை யானது மேற்கண்ட பயனாளர்கள் சிகிச்சை பெறும் - பிரதமர் தேசிய நிவாரண நிதி யின்கீழ் பட்டியலிடப்பட்ட மருத்துவமனைகளான புதுச்சேரி ஜிப்மர் மருத்துவமனை, கோயம்புத்தூர் கிட்னி சென்டர் & ஸ்பெசாலிட்டி ஹாஸ்பிடல்ஸ், சென்னை அடையாறு புற்றுநோய் மையம் மற்றும் சென்னை மெட்ராஸ் மெடிக்கல் மிஷன் ஆகிய மருத்துவமனைகளுக்குவழங்கப்படும் என்றும், சிகிச்சை முடிவ டைந்த பின்னர், உரிய ஆவணங்களின் நகலைப் பிரதமர் அலுவலகத்திற்கு அனுப்பி வைக்க வேண்டும் என்றும், ஆவணங்கள் கிடைத்த பின்னர், உதவித் தொகையானது உடனடியாக மேற்கண்ட மருத்துவமனைகளுக்கு அனுப்பிவைக்கப்படும் என்றும், பிரதமர் அலுவலகக் கடிதத்தில்தெரிவிக்கப்பட்டுள்ளது.