சென்னை, ஏப். 12–

தலை­வர், முதல்­வர் மு.க. ஸ்டாலின் அவர்­கள் நேற்று முன்தினம் (10.4.2026) சென்னை சென்ட்­ர­லி­லி­ருந்து தேனாம்­பேட்டை வரை மெட்ரோ ரயி­லில் பய­ணித்து பொதுமக்­க­ளி­டம் வாக்­குச் சேக­ரித்­தார். இந்த நிகழ்வை சமூக வலை­த­ளப் பதி­வில் பதி­விட்­டுள்ள முதல்­வர் அவர்­கள், மெட்ரோ ரயில் திட்­டம் கொண்டுவர தான் துணை முதல்­வ­ராக இருந்­த­போது ஜப்­பான் நாட்டிற்­குச் சென்று அந்­தத் திட்­டத்தை கொண்­டு­ வந்­ததை நெகிழ்ச்­சி­ யு­டன் நினைவுகூர்ந்­துள்­ளார்.

கழ­கத் தலை­வர், முதல்­வர் மு.க.ஸ்டாலின்அவர்­க­ளின் சமூக வலை­த­ளப் பதிவு வரு­மாறு:–

மக்­க­ளின் அன்­பில் நனைந்­த­ப­டி­யும், மெட்ரோ இர­யில் திட்­டம் உரு­வா­கப் பாடு­பட்ட நாட்­க­ளின் நினை­வு­க­ளைச் சுமந்­த­ ப­டி­யும் ஒரு பய­ணம்…

துணை முத­ல­மைச்­ச­ராக இருந்­த­போது, ஜப்­பான் நாட்­டிற்­குச் சென்று JICA–வின் நிதி ­யு­த­வி­யைப் பெற்று வந்து, நான் முன்­னின்று செய்த திட்­டம்!

விம்கோ நகர் முதல் விமான நிலை­யம் வரை­யி­லும், சென்ட்­ரல் முதல் பரங்­கி­மலை வரை­யி­லும் இயங்­கி­வ­ரும் முதற்­கட்­டத் திட்­டத்­தில் இது­வ­ரை­யில் கோடிக்­க­ணக்­கான பய­ணங்­களை மக்­கள் மேற்­கொண்­டுள்­ள­னர்.

அதி­வே­க­மாக நடை­பெற்­று­ வ­ரும் மாத­வ­ரம் – சிறு­சேரி, கலங்­கரை விளக்­கம் – பூந்­த­மல்லி, மாத­வ­ரம் – சோழிங்­க­நல்­லூர் இடை­யே­யான இரண்­டாம்­ கட்­டத் திட்­டப் பணி­க­ளை­யும் விரை­வில் மக்­க­ளின் பயன்­பாட்­டுக்கு ஒப்­ப­டைப்­போம்.

விமான நிலை­யம் – கிளாம்­பாக்­கம், கோயம்­பேடு – பட்­டா­பி­ராம், பூந்­த­மல்லி – சுங்­கு­வார்­சத்­தி­ரம், தாம்­ப­ரம் – கிண்டி, கலங்­கரை விளக்­கம் – உயர்­நீ­தி­மன்­றம், சிறு­சேரி – கலை­ஞர் பன்­னாட்டு அரங்­கம் என மெட்ரோ விரி­வாக்­கப் பணி­க­ளெல்­லாம் நிறை­வு­றும்­போது, இந்­தி­யா­வி­லேயே மெட்ரோ வழி­யாகஅதிக தூரத்தை இணைக்­கும் நக­ரங்­க­ளுள் ஒன்­றா­கச் சென்னை விளங்­கும்!

சென்­னையை வளர்த்­தெ­டுக்­கும் நமது கனவு வெல்­லட்­டும்! வெல்­வோம்_­­ஒன்­றாக!

இவ்­வாறு தலை­வர், முதல்­வர் மு.க.ஸ்டாலின் அவர்­கள் குறிப்­பிட்­டுள்­ளார்.