நாமக்கல், ஏப்.12 --–
ஈரான் போரால் தடைபட்ட முட்டைகள் ராஜேஸ்குமார் எம்.பி. முயற்சியால் ஓமன் நாட்டிற்கு அனுப்பப்பட்டதால் ஏற்றுமதியாளர்கள் மகிழ்ச்சி அடைந்து உள்ளனர்.
தமிழ்நாடு கோழிப்பண்ணையாளர்கள் சங்கத்தின் ஆலோசனைக் கூட்டம் நாமக்கல் சேலம் சாலையில் உள்ள சங்க அலுவலகத்தில் சங்கத் தலைவர் சிங்கராஜ் தலைமையில் நடந்தது. செயலாளர் சுந்தர்ராஜன் வரவேற்று பேசினார். நாமக்கல் நாடாளுமன்ற உறுப்பினர் வி.எஸ்.மாதேஸ்வரன்,தி.மு.க. வேட்பாளர்கள் ராணி (நாமக்கல்), கே.எஸ்.மூர்த்தி (பரமத்திவேலூர்), பூமலர் (சேந்தமங்கலம்) ஆகியோர் முன்னிலை வகித்தனர்.
இக்கூட்டத்தில் நாமக்கல் கிழக்கு மாவட்ட தி.மு.க. செயலாளம், மாநிலங்களவை உறுப்பினரும் நாமக்கல் மாவட்ட மத்திய கூட்டுறவு வங்கி தலைவருமான கே.ஆர்.என். இராஜேஸ்குமார் சிறப்பு அழைப்பாளராக கலந்து கொண்டு பேசினார்.
அவர் பேசும் போது கடந்த பிப்ரவரி மாதம் 28-ந் தேதி தொடங்கிய அமெரிக்கா -ஈரான் போரால் நாமக்கல்லில் இருந்து வெளிநாடுகளுக்கு முட்டை ஏற்றுமதி தடைபட்டது.இதனால் நாமக்கல்லில் இருந்து வெளிநாடுகளுக்கு அனுப்பி வைக்கப் பட்ட முட்டைகள் 64 கண்டெய்னர்களில் மும்பை துறைமுகத்தில் சிக்கியது.
இந்த பாதிப்பை உணர்ந்து, மத்திய கப்பல் போக்குவரத்து துறை மூலம் நடவடிக்கை எடுத்து, மும்பையில் சிக்கிய கண்டெய்னர்களை உடனடியாக ஏற்றுமதி செய்ய முயற்சி மேற் கொண்டேன். தற்போது அந்த முட்டைகண்டெய்னர்கள் ஓமன் நாட்டிற்கு அனுப்பி வைக்கப்பட்டு உள்ளதாக கப்பல் போக்குவரத்து அமைச்சகம் எனக்கு கடிதம் அனுப்பி உள்ளது. இதனால்ஏற்றுமதியாளர்கள் மகிழ்ச்சி அடைந்து உள்ளனர்.
தொடர்ந்து கோழிப்பண்ணை தொழில் வளர்ச்சிக்கு தற்போதைய முதல்-
அமைச்சர் மு.க.ஸ்டாலின் உதவி செய்து வருகிறார். எனவே வருகிற தேர்தலில் கோழிப்பண்ணையாளர்கள் மற்றும் அவர்களது குடும்பத்தினர் அனைவரும் தி.மு.க. வேட்பாளர்களுக்கு உதயசூரியன் சின்னத்தில் வாக்களித்து மீண்டும் தி.மு.க. ஆட்சி அமைய உதவிட வேண்டும் என கூறினார்.
தொடர்ந்து கே.ஆர்.என். இராஜேஸ்குமார் எம்.பி மற்றும் வேட்பாளர்களுக்கு பொன்னாடை மற்றும் மலர்மாலை அணிவித்து வாழ்த்துகளை தெரிவித்தனர். இந்
நிகழ்ச்சியில் மேயர் கலாநிதி, துணை மேயர் பூபதி, நாமக்கல் தெற்கு நகர செயலாளர் ராணா ஆனந்த் மற்றும் கோழிப்பண்ணையாளர்கள் சங்க நிர்வாகிகள் பலரும் கலந்து கொண்டனர்.