திருவண்ணாமலை, ஏப். 13–
முதலமைச்சர் மு.க.ஸ்டாலின் அவர்களின் முத்தான திட்டமான நான் முதல்வன் திட்டத்தால், தமிழகத்தில் 56க்கும் மேற்பட்ட ஐ.ஏ.எஸ். அதிகாரிகள் உருவாகி இருக்கிறார்கள் என்று திருவண்ணாமலையில் வீதி, வீதியாக வாக்குசேகரித்து பொதுப்பணித்துறை அமைச்சரும், கழக வேட்பாளருமான எ.வ.வேலு உரையாற்றும்போது குறிப்பிட்டார்.
12.04.2026 ஞாயிற்றுக்கிழமை காலை 7.00மணிக்கு, திருவண்ணா மலை திருவள்ளுவர் சிலை அருகிலிருந்து, மதச்சார்பற்ற முற்போக்குக் கூட்டணியின், திருவண்ணாமலை சட்டமன்றத் தொகுதி கழக வேட்பாளரும், பொதுப்பணித்துறை அமைச்சருமான எ.வ.வேலு அவர்கள் பொதுமக்களிடம் வாக்குசேகரித்தலை தொடங்கினார்.
திருவள்ளுவர் சிலை அருகிலிருந்து தொடங்கிய வாக்குசேகரிக்கும் நிகழ்ச்சி கோபால் தெரு, முகல்புறாத் தெரு, கல் நகர், மாரியம்மன் கோயில் 12 தெருக்கள், சமுத்திரம் காலனி வரை, வீதி, வீதியாக பொதுமக்கள் மற்றும் வியாபாரி களிடம் பொதுப்பணித்துறை அமைச்சர் எ.வ.வேலு அவர்கள் வாக்கு
சேகரித்தார்.
வாக்குசேகரிப்பின்போது அவர் பேசியதாவது:–
இந்தியாவிற்கே வழிகாட்டும் திராவிட மாடல் நாயகன், அண்ணன் மு.க.ஸ்டாலின் அவர்களின் ஆசியோடு இந்ததொகுதியில் உங்கள் வேட்பாளராக நான் போட்டியிடுகிறேன்.
நமது நகராட்சி மக்களின் வேண்டுகோளுக்கிணங்க மாநகராட்சியாக மாற்றப்பட்டிருக்கிறது. அப்படி மாற்றப்பட்ட மாநகராட்சி அதற்குரிய வசதி வாய்ப்புகளோடு இயங்க வேண்டும்.
இது நம்முடைய மண்
இதற்காக தொடர்ந்து உழைப்பேன்!
வளர்ச்சி என்பது நாளுக்கு நாள் வளர்ந்து கொண்டே இருப்பது. தேவைகளும் கூடிக்கொண்டே இருக்கும். அதனால், மாநகரத்தை வளர்ச்சிக்கேற்றாற்போல் கட்டமைத்திட வேண்டும். அரசின் அத்தனை திட்டங்களும் மாநகராட்சிக்கு கிடைத்திட வேண்டும். நான் என்
சக்திக்குமீறி இந்த தொகுதிக்காக பல திட்டங்களையும், வசதி வாய்ப்புகளையும் உருவாக்கியுள்ளேன். இதுபோதுமா என்று கேட்டால், மாநகரம் வளர வளர நாம் திட்டங்களை யும் அதிகப்படுத்திக்கொண்டே செல்ல வேண்டும். இது நம்முடைய மண். இதற்காக நான் தொடர்ந்து உழைப்பேன்.
இந்திய ஆட்சிப்பணி, காவல் பணிக்கான தேர்வுகள் அனைத்தும் ஒன்றிய அரசின் கட்டுப்பாட்டில் உள்ளது. இத்தனை ஆண்டுகாலமாக தொடர்ந்து வட மாநிலங்களான உத்திரப்பிரதேசம், பீகார், மத்தியபிரதேசம் போன்ற மாநிலங்களைச் சேர்ந்தவர்கள்தான், மாவட்ட ஆட்சித் தலைவர்களாக, துறைச் செயலாளர்களாக நம்மை ஆண்டார்கள். நமது மொழி புரியாமல், பண்பாடு புரியாமல் அவர்களின் வசதிக்கேற்ப நம்மை ஆண்டு கொண்டி
ருந்தார்கள்.
தற்போது இந்தியாவிற்கே வழிகாட்டும் திராவிட மாடல் அரசின் நாயகனான அண்ணன் மு.க.ஸ்டாலின் அவர்களின் முத்தான திட்டங்களில் ஒன்றான நான் முதல்வன் திட்டத்தால், தமிழ்நாட்டில் படித்த பட்டதாரி மாணவர்களுக்கு கல்வி உதவித் தொகை கிடைத்தது, இலவச பயிற்சி கிடைத்தது. அதனுடைய விளைவு தற்போது தமிழர்கள் 56பேர் ஐஏஎஸ் அதிகாரிகளாக உருவாகி இருக்கிறார்கள்.
தற்போது தேர்தல் கதாநாயகனான கழகத் தேர்தல் அறிக்கையில் இல்லதரசி திட்டத்தில், தாய்மார்கள் விரும்பும் பொருட்களை வாங்க ரூ.8,000 கூப்பன், கலைஞர் மகளிர் உதவித் தொகை ரூ.1000 லிருந்து ரூ. 2000ஆகவும், புதுமைப் பெண், தமிழ் புதல்வன் திட்டத்தில் ரூ.1000லிருந்து ரூ.1500 ஆகவும், தேர்தல் முடிந்தவுடன் வழங்கு வதாக அண்ணன் மு.க.ஸ்டாலின் அறிவித்துள்ளார்.
சாதனை ஆட்சிசியான, திராவிட மாடல் ஆட்சி தொடர்ந்திட, முதல்வர் மு.க.ஸ்டாலின் அவர்களின் கரத்தினை வலுப்படுத்திட கேட்டுக் கொள்கிறேன்.
இவ்வாறு வாக்குசேகரிப்பின்போது அமைச்சர் எ.வ.வேலு அவர்கள் கூறினார்.
வாக்குசேகரிப்பு நிகழ்ச்சியில் தலைமைச் செயற்குழு உறுப்பினர் இரா.ஸ்ரீதரன், மாவட்ட பொருளாளர் எஸ்.பன்னீர்செல்வம், மாநகர செயலாளர் ப.கார்த்திவேல்மாறன், மாவட்ட துணை செயலாளர் பிரியா விஜயரங்கன், காங்கிரஸ் மாவட்டத் தலைவர் கே.குணசேகரன், தி.க. தலைவர் சி.மூர்த்தி, ம.தி.மு.க. மாவட்ட செயலாளர் சீனி.கார்த்திகேயன், தே.மு.தி.க. மாவட்ட செயலாளர் வி.எம்.நேரு, சி.பி.எம். எம்.சிவக்குமார், சி.பி.ஐ., மாவட்ட செயலாளர் இரா.திருமலை, முஸ்லீம் லீக் மாவட்ட தலைவர் ஐ.எம்.சுலைமான் கான், விடுதலை சிறுத்தைகள் மாவட்ட செயலாளர் ச.நியூட்டன், மனிதநேய மக்கள் கட்சி மாவட்டத் தலைவர் நாசர் உசேன், மக்கள் நீதி மைய்யம் மண்டல பொறுப்பாளர் இரா.அருள், மனிதநேய ஜனநாயக கட்சி ஜி.கேட் குமார், எஸ்.டி.பி.ஐ.மாவட்ட தலைவர் முஸ்தாக் பாஷா, தமிழக முன்னேற்றக் கழக நிறுவனத் தலைவர் கு.ராஜாராம், தமிழக விவசாய தொழிலாளர் பி.வாசு, ஆதித் தமிழர் பேரவை எஸ்.கந்தன், தலித் விடுதலை இயக்கம் என்.ஏ.கிச்சா மற்றும் துணை மேயர் சு.ராஜாங்கம், பகுதி பொறுப்பாளர்கள் சு.விஜி(எ) விஜயராஜ், அ.கோவிந்தன், ந.சீனுவாசன், குட்டி க.புகழேந்தி, சி.சண்முகம், பா.ஷெரீப் மற்றும் கூட்டணி
இயக்கத்தினர், பொதுமக்கள் கலந்து கொண்டனர்.