திண்டுக்கல், ஏப். 14 –
திண்டுக்கல் மாவட்டம், ஆத்தூர் சட்டமன்ற தொகுதி வேட்பாளார் ஐ.பெரியசாமி சூறாவளி யாக சுற்றுப் பயணம் செய்து கிராமம் கிராமமாக சென்று உதயசூரியன் சின்னத்திற்கு வாக்குகள் சேகரித்து வருகிறார்.
சித்தையன்கோட்டை பேரூராட்சிக்குட்பட்ட சேடபட்டி, பேருந்து நிலையம், கடை வீதி, அழகர்நாயக்கன்பட்டி, புதுப்பட்டி, நரசிங்கபுரம் ஆகிய பகுதிகளுக்கு திறந்த வேனில் சென்று, அமைச்சர் ஐ.பெரியசாமி அவர்கள் உதயசூரியன் சி ன்னத்திற்கு வாக்குகள் சேக ரித்தார்.
சேடபட்டிக்கு பிரச்சாரத்திற்கு வந்த அமைச்சர் ஐ.பெரியசாமி அவர்களுக்கு நூற்றுக்கும் மேற்பட்டி பெண்கள் உற்சாக வரவேற்பு அளித்தனர். பொதுமக்கள் மத்தியில் பேசிய திமுக வெற்றி வேட்பாளார் ஐ.பெரிய சாமி அவர்கள், தமிழக முதல்வராக ஸ்டாலின்தான் வரவேண்டுமென்று ஒட்டுமொத்த பெண்களும் விரும்புகின்றனர்.
காரணம், கடந்த 5 ஆண்டுகளாக தமிழகத்தில் உள்ள பெண்களின் முன்னேற்திற்காக அவர் செய்த சாதனை திட்டங்கள்தான் என்றார். மே 10-க்கு பிறகு வரும் மாதம் முதல் உங்ளுக்கு மாதந்தோறும் ரூ. 2 ஆயிரம் மகளிர்உரிமைத் தொகையாக வரப்போகிறது. ரூ. 8 ஆயிரத்திற்கான கூப்பன்களை கூட மகளிர் இடத்தில்தான் ஒப்படைக்க வேண்டுமென உத்திரவிட்டுள்ளார்.
காரணம் ஒவ்வொரு வீட்டில் உள்ள குடும்பத் தலைவியும், அந்த கூப்பனுக்கான தொகையை வீணாக்காமல் தங்கள் வீட்டிற்கு தேவைப்படும் பொருட்களை வாங்கி மகிழ்ச்சியடைவதற்குதான் என்றார்.
ஆத்தூர் தொகுதியில் கன்னிவாடி, தாடிக்கொம்பு பேரூராட்சியில் தமிழக அரசின் 100 நாள் வேலைத்திட்டம் செயல்படுவதுபோல் மீதமுள்ள சின்னாளபட்டி, அய்யம்பாளையம், அகரம், ஸ்ரீராமபுரம், சித்தையங் கோட்டை பேரூராட்சி உட்பட 5 பேரூராட்சிகளிலும் தேர்தலுக்கு பிறகு 100 நாள் வேலைத்திட்டம் செயல்படுத்தப்படும். வேலையில்லா திட்டா ட்டமும் ஒழிக்கப்படும் என்றார். 37 ஆண்டுகளாக உங்கள் குடும்பத்தில் ஒருவராக இருக்கும் எனக்கு உதயசூரியன் சின்னத்தில் வாக்களித்து மாபெரும் வெற்றிபெறச் செய்ய வேண்டும் என்றார். தேர்தல் பிரச்சாரத்தில் திமுக தலைமை செயற்குழு உறுப்பினர் ஆத்தூர் நடராஜன், மாவட்ட அவைத்தலைவர் வழக்கறிஞர் காமாட்சி, ஒன்றிய செயலாளர் பாறைப்பட்டி ராமன், முன்னாள் ஒன்றிய செயலாளர் பி.சி.முரளிதரன், மற்றும் நிர்வாகிகள் தோழமைக்கட்சி நிர்வாகிகள் பலர் கலந்து கொண்டனர்.