கீழ்பென்னாத்தூர், ஏப். 14 –
கீழ்பென்னாத்தூர் சட்டமன்றத் தொகுதியில் மதச்சார்பற்ற முற்போக்கு கூட்டணி வேட்பாளர் கு. பிச்சாண்டி அனல் பறக்க கீழ்பென்னாத்தூர் பேரூராட்சிக்குட்பட்ட பல்வேறு பகுதிகளில் பொதுமக்களை நேரில் சந்தித்து வாக்கு சேகரிப்பில் ஈடுபட்டார்.
முற்பகலில் அண்ணா நகர், எலந்தம்புரவடை, மேரி மாதா கோயில், ராஜாதோப்பு, கொட்டாவூர், அம்பேத்கர் நகர், பெரியார் தெரு, அண்ணா தெரு, திண்டிவனம் சாலை, நடுத்தெரு, பட்டித்தெரு, திருவண்ணாமலை சாலை, அந்தோணியார் சாலை உள்ளிட்ட பகுதிகளில் பிரச்சாரம் மேற்கொண்டார்.
இதனைத் தொடர்ந்து பிற்பகலில் கலைஞர் நகர், அரசு மருத்துவமனை, காந்தி தெரு, பட்டி தெரு, அவலூர்பேட்டை ரோடு, சந்தை மேடு, நெடுங்காபூண்டி, மேட்டுப்பாளையம், காசிநகர், கருங்காலிக்குப்பம் உள்ளிட்ட பகுதிகளில் பொதுமக்களை சந்தித்து ஆதரவு கோரினார்.
பிரச்சாரத்தின் போது அவர் பேசுகையில், கடந்த ஐந்தாண்டு காலத்தில் திமுக அரசின் ஆட்சியில் தனது தொகுதியில் பல்வேறு வளர்ச்சி பணிகள் மேற்கொள்ளப்பட்டுள்ளதாக தெரிவித்தார். குறிப்பாக, தி. வலசை – சு. வாழவெட்டி இடையே துணிந்தில் ஆற்றின் குறுக்கே ரூ.6.70 கோடி மதிப்பில் உயர்மட்ட மேம்பாலம் கட்டப்பட்டது என்றும், சூபோலக்கணம் ஊராட்சியில் அரசு உயர்நிலைப் பள்ளிக்கு ரூ.2.60 கோடி மதிப்பில் 8 கூடுதல் வகுப்பறைகள் கட்டப்பட்டதாகவும் கூறினார்.
அதேபோல், நாயுடுமங்கலம் பகுதியில் ரூ.4.50 கோடி மதிப்பில் ஒழுங்குமுறை விற்பனை கூடம், கீழ்பென்னாத்தூர் பேரூராட்சியில் கலைஞர் நகர் புற மேம்பாட்டு திட்டத்தின் கீழ் ரூ.3.51 கோடி மதிப்பில் புதிய பேருந்து நிலையம், ஒருங்கிணைந்த வேளாண்மை விரிவாக்க மையம் ரூ.4.50 கோடி மதிப்பில் அமைத்தல், கருங்காலிக்குப்பம் பகுதியில் ரூ.45 லட்சம் மதிப்பில் புதிய ஆரம்ப சுகாதார நிலைய கட்டிடம் அமைத்தல் போன்ற பணிகள் செய்யப்பட்டுள்ளதாக தெரிவித்தார்.
மேலும், தமிழ்நாடு நுகர்பொருள் வாணிபக் கழகத்தின் மூலம் சிறுகொத்தன் கிராமத்தில் 2500 மெட்ரிக் டன் கொள்ளளவு கொண்ட கிடங்கு ரூ.4.50 கோடி மதிப்பில் அமைக்கப்பட்டுள்ளதாகவும், கீழ்பென்னாத்தூர் பேரூராட்சியில் சிறுவர் விளையாட்டு அரங்கம் உள்ளிட்ட பல்வேறு திட்டங்கள் நிறைவேற்ற ப்பட்டுள்ளதாகவும் கூறினார்.
தொடர்ந்து, வரும் ஆட்சிக்காலத்தில் மக்கள் நலனை முன்னிறுத்தி பல்வேறு திட்டங்கள் செயல்படுத்தப்படும் என்றும் தெரிவித்தார். கலைஞரின் கனவு இல்லத் திட்டத்தின் கீழ் தமிழ்நாட்டில் 10 லட்சம் புதிய கான்கிரீட் வீடுகள் கட்டி வழங்கப்படும் என்றும், கிராமப்புற சாலைகளுக்கு ரூ.10,000 கோடி ஒதுக்கீட்டில் மேம்பாடு செய்யப்படும் என்றும் கூறினார்.
விவசாயிகளுக்கு மீட்டர் இல்லாத நவீன மின்சார பம்பு செட்டுகள் வழங்கப்படும் என்றும், நெல் கொள்முதல் விலை குவிண்டால் ஒன்றுக்கு ₹3500 ஆகவும், கரும்பு டன் ஒன்றுக்கு ₹4500 ஆகவும் உயர்த்தப்படும் என்றும் தெரிவித்தார். “உங்களுடன் ஸ்டாலின்”, “நலம் காக்கும் ஸ்டாலின்” முகாம்கள் மூலம் அரசு சேவைகள் நேரடியாக மக்களை சென்றடையும் என்றும் கூறினார்.
மேலும், இல்லத்தரசி திட்டத்தின் கீழ் ₹8000 மதிப்புள்ள கூப்பன் வழங்கப்படும் என்றும், ஆண்டு வருமானம் ₹5 லட்சம் வரை உள்ள குடும்பங்களுக்கு அரசு மற்றும் தனியார் மருத்துவமனைகளில் ₹10 லட்சம் வரை காப்பீட்டு சிகிச்சை வழங்கப்படும் என்றும் தெரிவித்தார்.
“தமிழக முதல்வர் மு.க. ஸ்டாலின் அவர்கள் அறிவித்துள்ள அனைத்து வாக்குறுதிகளையும் இத்தொகுதியில் முழுமையாக நிறை வேற்றுவதற்கு பாடுபடுவேன். ஆகையால், என்னை பெருவாரியான வாக்கு வித்தியாசத்தில் வெற்றி பெறச் செய்து உதயசூரியன் சின்னத்தில் வாக்களிக்க வேண்டும்” என பொதுமக்களிடம் கேட்டுக்கொண்டார்.
இந்த பிரச்சாரத்தில் பேரூர் செயலாளர் சி.கே. அன்பு, பொறுப்புக் குழு உறுப்பினர்கள் பன்னீர்செல்வம், எம். சுந்தர மூர்த்தி, ஜி. குமார், கோ. சரவணன், எஸ். பழனி, எஸ். இளங்கோ, டி. வெங்கடேசன் (பாபு), கே. ராஜேஷ், எஸ். வினோத் உள்ளிட்டோர் கலந்து கொண்டு வாக்கு சேகரிப்பில் ஈடுபட்டனர்.
மேலும் கூட்டணி கட்சிகளைச் சேர்ந்த நிர்வா கிகள், தொண்டர்கள், இளைஞர் அணி, மகளிர் அணி உறுப்பினர்கள் பெருந்திரளாக கலந்து கொண்டனர்.
பொதுமக்கள் உற்சாகமாக வேட்பாளரை வரவேற்று, பெண்கள் ஆரத்தி எடுத்தும், மாலை அணிவித்தும், சால்வை அணிவித்தும் ஆதரவு தெரிவித்தனர். “உதயசூரியன் வெற்றி பெற வேண்டும்” என கோஷங்கள் எழுப்பி உற்சாகத்தை வெளிப்படுத்தினர்.