வேலூர், ஏப்.14-–
தி.மு.க. ஆட்சிக்காலத்தில் மாணவர்களின் கல்வி நலனுக்காக பல்வேறு நலத்திட்டங்கள் கொண்டு வரப்பட்டுள்ளன என்று அமைச்சர் துரைமுருகன் வாக்கு சேகரிப்பின் போது பெருமிதத்துடன் கூறினார்.
வேலூர் மாவட்டம் காட்பாடி சட்டமன்ற தொகுதி தி.மு.க. வேட்பாளர்-, அமைச்சர் துரைமுருகன் வேலூர் மாநகராட்சிக்கு உட்பட்ட 8-வது வார்டு பாரதிநகர், குளக்கரை, கஸ்தூரிபாய் தெரு, 6-வது வார்டு பழைய காட்பாடி, திருவள்ளுவர் நகர் மற்றும் மந்தைவெளி, திருநகர், பேங்க்நகர், அருப்புமேடு உள்ளிட்ட பகுதிகளில் உதயசூரியன் சின்னத்துக்கு வாக்கு சேகரித்தார். அப்போது அவருக்கு பொதுமக்கள் மலர்தூவியும், ஆரத்தி எடுத்தும், மேள
தாளங்கள் முழங்க சிறப்பான வரவேற்பு அளித்தனர். வாக்கு சேகரிப்பின் போது அமைச்சர் துரைமுருகன், பொதுமக்களிடம் கூறியதாவது:- காட்பாடி தொகுதியில் உள்ள அருப்புமேடு உள்பட பல்வேறு இடங்கள் சென்னையை போன்று சிறப்பான வளர்ச்சிஅடைந்துள்ளன. தி.மு.க. ஆட்சிக்காலத்தில் தான் பெரும்பான்மை யான வளர்ச்சி ஏற்பட்டது. திருவள்ளுவர் நகரில் ரூ.13 லட்சத்தில் ரேஷன்கடை கட்டி திறக்கப்பட்டுள்ளது. குடிநீர் சுத்திகரிப்பு நிலைய பணிகள் நிறைவடைந்து விட்டது. தேர்தலுக்கு பின்னர் பொதுமக்களின் பயன்பாட்டிற்கு குடிநீர் சுத்தி
கரிப்பு நிலையம்கொண்டு வரப்படும். ஒரு சமுதாயம் முன்னேற்றம் அடைய பல்வேறு திட்டங்களை தி.மு.க. அரசு செய்துள்ளது.
மாணவர்களின் கல்வி நலனுக்காக...
பெண்களின் முன்னேற்றத்தை கருத்தில் கொண்டு தி.மு.க. ஆட்சிக்கு வந்தவுடன் அரசு டவுன் பஸ்களில் பெண்கள் கட்டணமில்லா பயணம் செல்லும் திட்டம் கொண்டு வரப்பட்டது. பெண்கள் தங்கள் குடும்பத்தின் சிறிய தேவை, குழந்தைகளை கவனிப்பதற்காக மாதந்தோறும் ரூ.1,000 உரிமைத்தொகைவழங்கப்
படுகிறது.தி.மு.க. மீண்டும் ஆட்சிக்கு வந்தவுடன் மகளிர் உரிமைத்தொகை ரூ.2 ஆயிரமாக வழங்கப்படும். அரசு, அரசு உதவிப்பெறும் பள்ளிகளில் பயின்று உயர்கல்வி பயிலும் மாணவர்களுக்கு மாதந்தோறும் ரூ.1,000 கல்வி உதவித்தொகை, அரசு மற்றும் அரசு உதவிப்பெறும் பள்ளிகளில்
5ம் வகுப்பு வரை பயிலும் மாணவர்களுக்கு காலை உணவுத்திட்டம், கல்லூரி இறுதியாண்டு பயிலும் மாணவர்களுக்கு மடிக்கணினி, நான் முதல்வன் திட்டம் உள்பட மாணவர்களின் கல்வி நலனுக்காக பல்வேறு திட்டங்கள் தி.மு.க. ஆட்சியில் கொண்டு வரப்பட்டது. வேலூர் மாநகராட்சி துணைமேயர் சுனில்குமார் இந்த பகுதியை சிறந்த திட்டங்கள், கடினமான உழைப்பால் சென்னை தி.நகரை போன்று மாற்றி உள்ளார். இவ்வாறு அமைச்சர் பேசினார். பிரசாரத்தின் போது துணைமேயர் எம்.சுனில்குமார் மற்றும் தி.மு.க., கூட்டணி கட்சி நிர்வாகிகள் பலர் உடனிருந்தனர்.