கழகத் தலைவரும், முதலமைச்சருமான மு.க.ஸ்டாலின் அவர்கள் நேற்று (14.4.2026) அண்ணல் அம்பேத்கர் அவர்களின் பிறந்தநாளை முன்னிட்டு வேலூர் மாவட்டம், காட்பாடி தொகுதி விருதம்பட்டு பகுதியில் அமைந்துள்ள அண்ணல் அம்பேத்கர் அவர்களின் திருவுருவச் சிலைக்கு மாலை அணிவித்து மரியாதை செலுத்தினார். பின்னர், திருவுருவச் சிலைக்கு கீழே அலங்கரித்து வைக்கப்பட்டிருந்த அண்ணல் அம்பேத்கர் அவர்களின் திருவுருவப் படத்திற்கு மலர்தூவி மரியாதை செலுத்தினார். இந்நிகழ்வில், கழகப் பொதுச் செயலாளர் – அமைச்சர் துரைமுருகன், நாடாளுமன்ற உறுப்பினர் கதிர் ஆனந்த், சட்டமன்ற உறுப்பினர் நந்தகுமார், கே.வி.குப்பம் சட்டமன்றத் தொகுதி கழக வேட்பாளர் திருமதி ராஜேஸ்வரி உள்ளிட்ட கழக நிர்வாகிகள் கலந்து கொண்டனர்.