சென்னை, ஏப்.15 –
நெல் கொள்முதலுக்கான ஊக்கத்தொகையை நிறுத்து மாறு ஒன்றிய அரசு கடிதம் எழுதியிருப்பதாக முதலமைச்சர் மு.க.ஸ்டாலின் அவர்கள் கூறிய குற்றச்சாட்டுகள் நிரூபணமாகி உள்ளது.
அதன் விவரம் வருமாறு:-–
தமிழ்நாடு அரசு விவசாயி களுக்கு வழங்கும் நெல் ஊக்கத்தொகையை நிறுத்தச் சொல்லி ஒன்றிய நிதி அமைச்சகம் கடிதம் அனுப்பியுள்ளது, இது தமிழ்நாடு விவசாயி களின் வாழ்வாதாரத்தைச் சிதைக்கும் செயல் என்றுமுதலமைச்சர் மு.க.ஸ்டாலின்அவர்கள் குற்றம்சாட்டியிருந் தார்கள்.
நெல் சாகுபடி ஊக்கத்தொகை குறித்து முதலமைச் சர் மு.க.ஸ்டாலின் அவர்கள் தெரிவித்துள்ள கருத்துகள் தவறானவை என ஒன்றிய நிதி அமைச்சர் நிர்மலா சீதாராமன் தெரிவித்தார். இதற்குப்பதிலடி கொடுத்த முதலமைச்சர் மு.க.ஸ்டாலின் அவர்கள், “ஒன்றிய நிதி அமைச்சகத்தின் கடிதத்தில் இல்லாத எதையும் நான் பேசவில்லை, அப்படிப் பேசவேண்டிய அவசிய மும் எனக்கு இல்லை”
என்றும் தெரிவித்தார்.
இந்நிலையில், ஒன்றிய நிதி அமைச்சகம், தமிழ்நாடு அரசின் தலைமைச் செய லாளருக்கு எழுதிய கடிதம் தற்போது வெளியாகி உள்ளது. அதில், நெல் கொள்முதலுக்கான ஊக்கத்தொகையை நிறுத்துமாறு தெளிவாகவே குறிப்பிடப்பட்டுள்ளது.
நெல் சாகுபடிக்கு தண்ணீர், உரம் போன்றவை அதிகம் தேவைப்படும் என்றும், இதனால், நிலத்தடி நீர்மட்டம், மண் வளம் பாதிக்கப்படும் எனவும் அக்கடிதத்தில் குறிப்பிடப்பட்டுள்ளது. இதன்மூலம் நெல் கொள்முதலுக்கான ஊக்கத்தொகையை நிறுத்துமாறு ஒன்றிய அரசு கடிதம் எழுதி யிருப்பதாக முதலமைச்சர் மு.க.ஸ்டாலின் அவர்கள் கூறிய குற்றச்சாட்டு நிரூபணமாகி உள்ளது.
இது தொடர்பாக கழகத் தலைவர் அவர்கள் வெளியிட்ட வலை தளப் பதிவு வருமாறு:
மாண்புமிகு ஒன்றிய நிதி யமைச்சர் அவர்களே,
தாங்கள் சொல்லியது உண்மையாக இருந்தால் கடிதத்தை வெளியிட்டிருந்தாலே போதும். மக்கள் படித்து உண்மையை அறிந்துகொண்டிருப்பார்கள். அதற்கு, இவ்வளவு நீளமான பொழிப்புரை எழுதி, கடிதத்தை வெளியிட்டதிலேயே தங்களின் குட்டுஅம்பலமாகிவிட்டது.
மேலும், இந்தியாவில் உள்ள பெரும்பாலான மாநில அரசு களும், நெல்லுக்கு ஊக்கத்தொகை தரவேண்டாம் எனும் கோரிக்கையை ஏற்றுக்கொண்டுள்ளதாகத் தாங்கள் தெரிவித்திருப்பதும் உண்மைக்குப் புறம்பானது.
கடந்த பிப்ரவரி மாதம், மாண்புமிகு கேரள முதலமைச்சர் தோழர் பினராயி விஜயன் அவர்கள் இது குறித்து வெளியிட்ட பதிவே இதற்குச் சாட்சி!
இவ்வாறு அப்பதிவில் கழகத் தலைவர் அவர்கள் குறிப்பிட்டுள்ளார்.