பெரம்பலூர் மாவட்டம், குன்னம் தொகுதியில் போட்டியிடும் வெற்றி வேட்பாளர் போக்குவரத்து மற்றும் மின்சாரத்துறை அமைச்சர் சா.சி.சிவசங்கர், குன்னம் சட்டமன்றத் தொகுதிக்குட்பட்ட முருக்கன்குடி, நமையூர் வரகூர், கிளியூர், அந்தூர் உள்ளிட்ட கிராமங்களில் தீவிர வாக்கு சேகரிப்பில் ஈடுபட்டார். அப்போது வேட்பாளர் அமைச்சர் சா.சி. சிவசங்கருக்கு கிராம மக்கள் ஆரத்தி எடுத்து மலர் தூவி உற்சாக வரவேற்பு அளித்தனர். மாவட்ட கழக பொறுப்பாளர் வீ .ஜெகதீசன், ஒன்றிய கழக செயலாளர் சி.ராஜேந்திரன் மற்றும் காங்கிரஸ், ம.தி.மு.க., தே.மு.தி.க., விடுதலை சிறுத்தைகள் கட்சி, முஸ்லிம் லீக், கம்யூனிஸ்ட், உள்ளிட்ட கூட்டணி கட்சி நிர்வாகிகள் உறுப்பினர்கள் கலந்து கொண்டனர்.