சென்னை, ஏப். 16 –

கழ­கத் தலை­வர், முதல்­வர் மு.க.ஸ்டாலின் அவர்­கள், தமது சமூக வலை­த­ளத்­தில் விடுத்­துள்ள பதி­வில், ‘‘சைலண்­டாக தமிழ்­நாட்­டின் தொகு­தி­களை மறு­வரை­யறை செய்­து­வி­ட­லா­மென்று மட்­டும் நினைக்­கவே நினைக்கா­தீர்­கள். இதில் தமிழ்­நாட்­டிற்கு பாதிப்பு ஏற்­பட்­டால் எனது தலை­மை­யில் இந்­தி­யா­வையே திரும்­பிப் பார்க்­கும் வகை­யில் மிகப் பெரிய போராட்­டம் நடை­பெ­றும்’’ என்று பிர­த­ம­ருக்கு இறுதி எச்­ச­ரிக்கை விடுத்­துள்­ளார்.

நாடா­ளு­மன்­றச் சிறப்­புக் கூட்­டத்­தொ­டர் கூட்­டப்­ப­ட­வுள்ள நிலை­யில், தொகுதி மறு­வ­ரை­யறை குறித்து, கழ­கத் தலை­வ­ரும் முத­ல­மைச்­ச­ரு­மான மு.க.ஸ்டாலின் அவர்­கள், நேற்று முன்தினம் (14-.04-.2026) சமூக வலை­த­ளப் பதி­வில் வெளி­யிட்­டி­ருக்­கும் உரை வரு­மாறு :–

தமிழ்­நாட்­டின் வாசல் வரை வந்­து­விட்ட பேரா­பத்­தைப் பற்­றிச் சொல்­ல­வும் - ஒன்­றிய பா.ஜ.க. அர­சுக்கு எச்­ச­ரிக்கை விடுக்­க­வும் ­தான் இந்த வீடியோ!

தேர்­தல் பிர­ச்சா­ரத்­துக்­காக, நிற்­கா­மல் ஓடிக் கொண்டே இருந்­தா­லும், இந்­தக் கட­மையை தவிர்க்க முடி­யாது.

நாளை மறு­நாள் ஏப்­ரல் 16, நாடா­ளு­மன்ற சிறப்­புக் கூட்­டத்­­ தொடர் கூடு­கி­றது. கூடு­கி­றது என்று சொல்­வ­தை­விட, தமிழ்­நாடு –- மேற்கு வங்­கத் தேர்­த­லுக்கு இடை­யில் வலுக்­கட்­டா­ய­மா­கக் கூட்­டப்­­ படு­கி­றது என்­று­தான் சொல்ல வேண்­டும்.

‘புல்-­­டோஸ்’

செய்­யப் போகி­றார்­கள்!

‘Delimitation’ என்ற தொகுதி மறு­வ­ரை­யறை தொடர்­பாக அர­சி­யல் சட்­டத் திருத்­தத்தை இந்­தத் தொட­ரில் ‘புல்-­­டோஸ்’ செய்­யப் போகி­றார்­கள்.

முத­லில் இருந்தே இது பற்றி நாம் தொடர்ந்து எச்­ச­ரித்­தோம். மக்­க­ளுக்கு விழிப்­பு­ணர்வை ஏற்­ப­டுத்­தி­னோம். தமிழ்­நாடு மட்­டு­மல்­லா­மல், இந்­தியா முழு­வ­தும் இருந்து, இத­னால் பாதிப்­ப­டை­ய­வுள்ள மாநிலமுத­ல­மைச்­சர்­க­ளையும் - முக்­கி­யக் கட்­சித் தலை­வர்­­களை­யும் சென்­னைக்கு அழைத்து, கூட்டு நட­வ­டிக்­கைக் குழுக் கூட்­டம் நடத்­தி­னோம்.

“மக்­கள் தொகை­யைக் கட்­டுப்­ப­டுத்­துங்­கள்; அள­வா­கக் குழந்­தை­க­ளைப் பெற்­றுக் கொள்­ளுங்­கள், குடும்­பக் கட்­டுப்­பாட்­டைக் கடைப்­பி­டி­யுங்­கள்” என ஒன்­றிய அரசு சொன்­ன­தை­யெல்­லாம் நாங்­கள் கேட்­டோம்.

சொன்­ன­தைச்

செய்­த­தற்­குத் தண்­ட­னையா?

சொன்­னதை ஒழுங்­கா­கச் செய்­த­தற்­கா­கவே எங்­க­ளுக்­குத் தண்­டனை தரு­வீர்­களா?

“தென்­மா­நி­லங்­கள் பாதிப்­ப­டை­யாது” என நாடா­ளு­மன்­றத்­தில் வைத்­துப் பிர­த­மர் அவர்­கள் உத்­த­ர­வா­தம் தர வேண்­டும் என்று கேட்­டோம். பதில் இல்லை! இதுக்­கா­கப் பல்­வேறு கட்சி எம்.பி.க்கள் பிர­த­மரை நேரில் சந்­தித்து முறை­யிட நேரம் கேட்­டோம். அது­வும் கிடைக்­க­வில்லை!

இப்­படி, நாம்சொன்ன எதை­யும் அவர்­கள் காதில் வாங்­கா­மல், தி.மு.க. மட்­டு­மல்ல; எந்­தக் கட்­சி­யோ­டும் - எந்த மாநி­லத்­தோ­டும் -– எந்த ஆலோ­ச­னை­யும் நடத்­தா­மல், அவர்­கள் இஷ்­டத்­துக்கு செய்­யப் பார்க்­கி­றார்­கள்.

திரு­மதி. சோனியா காந்தி

கேள்­விக்­கும் பதி­லில்லை!

நேற்று, மரி­யா­தைக்­கு­ரிய அம்­மை­யார் சோனியா காந்தி அவர்­க­ளும், நாம் கேட்­கும் அதே கேள்­வி­க­ளைக் கேட்­டி­ருக்­கி­றார்­கள்! பிர­தான எதிர்க்­கட்­சி­யான காங்­கி­ரஸ் உள்­ளிட்ட யாருக்­குமே பதில் இல்லை!

மாநில உரி­மை­களை

படு­கொலை செய்­தி­ருக்­கி­றார்­கள்!

இப்­படி அவ­சர அவ­ச­ர­மாக ‘Delimitation’ செய்ய நினைப்­பது, பா.ஜ.க. அர­சின் அப்­பட்­ட­மான ஜன­நா­யக விரோ­தச் செயல்! இன்­னும் சொன்­னால், மாநில உரி­மை­க­ளைப் படு­கொலை செய்­தி­ருக்­கி­றார்­கள்.

தமிழ்நாடே ஸ்தம்பிக்கும்!

இந்த ‘Delimitation’-ஐ எப்­படி செய்ய போகி­றார்­கள் என்று தெரி­ய­ வில்லை. அந்­தச் சட்­டத் திருத்­தம் என்ன என்­பது பற்றி, இது­வரை எந்த விளக்­கத்­தை­யும் கொடுக்­கா­மல் இருக்­கி­றார்­கள்.

இவர்­கள் இப்­படி மறைத்து மறைத்­துச் செய்­கி­றார்­கள் என்­றால், கண்­டிப்­பாக ஏதோ பெரிய ஆபத்து இருக்­கி­றது என்று, அனை­வ­ருக்­குமே அந்­தச் சந்­தே­கம் வலு­வ­டை­கி­றது. தென்­மா­நில மக்­கள் பெரும் அச்­சத்­தில் இருக்­கி­றார்­கள்.

நான் ஒன்­றிய பா.ஜ.க. அர­சுக்­கும் - பிர­த­மர் மோடி அவர்­க­ளுக்­கும், இந்த நேரத்­தில் முக்­கி­ய­மாக ஒன்று சொல்­லிக் கொள்­கி­றேன்.

நடக்க இருக்­கும் நாடா­ளு­மன்ற கூட்­டத்­தொ­ட­ரில், எங்­கள் எம்.பி.க்கள் கலந்து கொள்­வார்­கள். தமிழ்­நாட்டை பாதிப்­பது போன்றோ, வட­மா­நி­லங்­க­ளுக்கு அர­சி­யல் வலி­மையை மேலும் வாரி வழங்­கு­வது போன்றோ, ஏதா­வது நடந்­தால், தமிழ்­நாட்­டில் இருக்­கும் நாங்­கள் அனை­வ­ரும் பார்த்­துக் கொண்டு சும்மா இருக்க மாட்­டோம். தமிழ்­நாடே ஸ்தம்­பிக்­கும்! தமிழ்­நாடு தனது எதிர்ப்­பைக் கடு­மை­யா­கக் காட்­டும். ஒவ்­வொரு குடும்­ப­மும் தெரு­வில் வந்து உட்­கா­ரு­வோம். தமிழ்­நாடு முத­ல­மைச்­சராக இருக்­கும் என்­னு­டைய தலை­மை­யி­லேயே மிகப்­பெ­ரிய போராட்­டம் நடத்­து­வோம்.

பழைய தி.மு.க.வை மீண்­டும் பார்க்க வேண்­டி­யி­ருக்­கும்!

“இது தேர்­தல் காலம்­தானே!” “இவர்­கள் கவ­னம் அதில்­தான் இருக்­கும்!” “நாம் டெல்­லி­யில் சைலண்­டா­கத் தமிழ்­நாட்­டின் தொகுதி மறு­வ­ரை­யறை செய்து விட­லாம்” என்றுமட்­டும் நினைக்­கவே நினைக்­கா­தீர்­கள்!

சொல்­லும் நான் தமிழ்­நாட்டுமுத­ல­மைச்­சர் மட்­டு­மல்ல, திரா­விடமுன்­னேற்­றக் கழ­கம் எனும் பேரி­யக்­கத்­தின் தலை­வர்! நீங்­கள் இது­வரை பார்க்­காத தமிழ்­நாட்­டைப்பார்க்க வேண்­டி­யி­ருக்­கும். 50-கள்,60-களில் பார்த்த பழைய தி.மு.க.வை இந்­தியா மீண்­டும் பார்க்க வேண்­டி­யி­ருக்­கும்.

தமிழ்நாட்டிலிருந்து

விடுக்கப்படும் எச்சரிக்கை!

“என்ன இவன் மிரட்­டு­கி­றான்?” என்று நினைக்­கா­தீர்­கள். நான்உங்­களை எச்­ச­ரிக்­கி­றேன். நீங்­கள்அதை மிரட்­டல் என்று நினைத்­தா­லும் எங்­க­ளுக்­குக் கவ­லை­யில்லை.ஆம்! தமிழ்­நாட்­டில் இருந்து அனுப்பி வைக்­கப்­­படும் எச்­ச­ரிக்கை இது! தேர்­தல், ஆட்சி அதி­கா­ரம் இது எல்­லாம் எங்­க­ளுக்கு இரண்­டாம் பட்­சம்­தான்! நாங்­கள்சுய­ம­ரி­யா­தைக்­கா­ரர்­கள்! எங்­க­ளுக்­குக் கொள்­கை­தான் முக்­கி­யம்!மாநில உரி­மை­கள்­தான் முக்­கி­யம்!அது­தான், பேர­றி­ஞர் அண்­ணா­வும், - முத்­த­மி­ழ­றி­ஞர் கலை­ஞ­ரும் எங்­க­ளுக்­குக் கொடுத்­து­ விட்­டுச் சென்ற உயிர்க் கொள்கை!

தமிழ்­நாட்­டுக்­குத் தவ­றி­ழைத்­து­விட்டு, வழக்­கம்­போல் சும்மா கடந்­து­செல்ல நினைத்­தால், நடப்­பதே வேறு! சட்ட மேதை அண்­ணல் அம்­பேத்­கர் அவர்­க­ளின் பிறந்­த­ நா­ளில், அவர் மேல் ஆணை­யா­கச் சொல்­கி­றேன். தமிழ்­நாடு பாதிக்­கப்­பட்­டால், இந்­தி­யா­வையே திரும்­பிப் பார்க்க வைத்­து­வி­டு­வோம்!

மாண்­பு­மிகு பிர­த­மர் மோடி அவர்­களே! மீண்­டும் சொல்­கி­றேன்... இது தமிழ்­நாட்­டில் இருந்துஉங்­களை நோக்கி விடுக்­கப்­ப­டும் இறுதி எச்­ச­ரிக்கை!

Tamil Nadu Will Fight!

Tamil Nadu Will Win!

தமிழ்­நாடு போரா­டும்!

தமிழ்­நாடு வெல்­லும்!

இவ்­வாறு கழ­கத் தலை­வர்,முதல்­வர் மு.க.ஸ்டாலின் அவர்­கள்தமது சமூக வலை­த­ளத்­தில் பதி­விட்­டுள்­ளார்.