சென்னை, ஏப்.16–

குறு, சிறு மற்­றும் நடுத்­த­ரத் தொழில் நிறு­வ­னங்­கள் துறை அமைச்­சர் தா.மோ. அன்­ப­ர­சன் விடுத்­துள்ள அறிக்­கை­யில், தமிழ்­நாட்­டில் 41.79 இலட்­சம் MSME தொழில் நிறு­வ­னங்­கள் உத்­யம் பதிவு செய்து 3 கோடி நபர்­க­ளுக்கு வேலை­வாய்ப்பு இந்­திய அள­வில் தமிழ்­நாடு 3–வது இடம் என­வும், நாட்டு நடப்பு தெரி­யா­மல், அறி­யா­மல் MSME நிறு­வ­னங்­கள் மூடப்­ப­டு­வ­தாக யாரோ எழுதி கொடுப்­பதை அப்­ப­டியே படித்து த.வெ.க. தலை­வர் நடி­கர் விஜய் பொய் பிரச்­சா­ரம் செய்­வ­தாக குறிப்­பி ட்­டுள்­ளார்.

இது குறித்து அவ­ரது அறிக்கை வரு­மாறு:–

த.வெ.க. தலை­வர் – நடி­கர் விஜய் திருப்­பூ­ரில் நடை­பெற்ற கூட்­டத்­தில் சிறு தொழில்­களை மூடி­யது தான் திமுக அர­சின் சாதனை என உண்­மைக்கு புறம்­பாக பிரச்­சா­ரம் செய்­துள்­ளார். அவர் யாரோ எழுதி கொடுப்­பதை அப்­ப­டியே படிக்­கி­றார். அவர் செய்­தித்­தாட்­கள் படித்­தி­ருந்­தால் 2024—2025–ஆம் ஆண்­டில் தமிழ்­நாடு மொத்த உள்­நாட்டு உற்­பத்­தி­யில் 16% வளர்ச்சி அடைந்து இந்­தி­யா­வி­லேயே முதல் இடத்­தில் உள்­ளது என்­பது அவ­ருக்கு தெரிந்­தி­ருக்­கும். தமிழ்­நாடு அர­சின் தொலை­நோக்கு திட்­டங்­கள், சிறந்த நிர்­வா­கம், மக­ளிர் முன்­னேற்ற திட்­டங்­கள், சமச்­சீர் வளர்ச்­சிக்­கான திட்­டங்­கள் ஆகி­ய­வற்­றால் கடந்த 10 ஆண்­டு­க­ளில் இல்­லாத மிகப்­பெ­ரிய தொழில் வளர்ச்­சிக்கு MSME தொழில் நிறு­வ­னங்­க­ளின் பங்­க­ளிப்­பும் ஒரு முக்­கிய கார­ணம் என்­பது அவ­ருக்கு தெரிந்­தி­ருக்­கும்.

குறு, சிறு மற்­றும் நடுத்­தர தொழில் நிறு­வ­னங்­க­ளு க்­கான உத்­யம் பதிவு செய்­வ­தில் தமிழ்­நாட்­டில் 31.03.2026 வரை­யி­லான காலத்­தில் 41.79 இலட்­சம் MSME தொழில் நிறு­வ­னங்­கள் உத்­யம் பதிவு செய்து 3.02 கோடி நபர்­க­ளுக்கு வேலை­வாய்ப்பு அளித்­துள்­ளது. இந்­தி­யா­வில் அதிக எண்­ணிக்­கை­யி­லான உத்­யம் பதிவு செய்த குறு, சிறு மற்­றும் நடுத்­த­ரத் தொழில் நிறு­வ­னங்­களை கொண்­டுள்ள மாநி­லங்­க­ளில் தமிழ்­நாடு 3-வதாக உள்­ளது.

இது­மட்­டு­மல்­லா­மல், MSME துறைக்கு ஒதுக்­கப்­பட்ட நிதி தி.மு.க. ஆட்­சி­யில் 3 மடங்­கிற்கு மேல் உயர்த்­தப்­பட்­டுள்­ளது. 2020–21–ஆம் நிதி­யாண்­டில் அ.தி.மு.க. ஆட்­சி­யில் ரூ. 545.62 கோடி என இருந்த நிதி ஒதுக்­கீடு 2025–26–ஆம் நிதி­யாண்­டில் ரூ.1,918.22 கோடி ஆக அதி­க­ரிக்­கப்­பட்­டுள்­ளது.

கடந்த 5 ஆண்­டு­க­ளில் இத்­துறை மூலம் செயல்­ப­டுத்­தப்­ப­டும் 6 வகை­யான சுய­வே­லை­வாய்ப்­புத் திட்­டத்­தின் கீழ் 84,345 நபர்­க­ளுக்கு ரூ.2,587.59 கோடி மானி­யத்­து­டன் ரூ.6,679.11 கோடி கடன் வழங்­கப்­பட்டு புதிய தொழில்­கள் தொடங்­கப்­பட்­டுள்­ளது.

முத­லீட்டு மானி­யம், ஊதிய பட்­டி­யல் மானி­யம், மின் மானி­யம், பின்­முனை வட்டி மானி­யம் உள்­ளிட்ட 10 வகை­யான மானி­யப்­பட்­டி­யல் கீழ் 24,202 MSME நிறு­வ­னங்­க­ளுக்கு ரூ. 1728.65 கோடி மானி­யம் வழங்­கப்­பட்­டுள்­ளது.

தொழில் முனை­வோர் கள் தொழில் கூடங்­கள் அமைக்க கடந்த 5 ஆண்­டு­க­ளில், 13 மாவட்­டங்­க­ளில் ரூ.387 கோடி மதிப்­பீட்­டில் 697.81 ஏக்­கர் பரப்­ப­ள­வில் 17 சிட்கோ தொழில்­பேட்­டை­கள் தொடங்­கப்­பட்­டுள்­ளது.

14 மாவட்­டங்­க­ளில் 543.31 ஏக்­கர் பரப்­ப­ள­வில் ரூ.419 கோடியே 58 லட்­சம் மதிப்­பில் 16 புதிய தொழிற்­பேட்­டை­கள் உரு­வாக்­கப்­பட்டு வரு­கி­றது.

ஒன்­றிய அர­சின் எவ்­வித உத­வி­யும் இன்றி, அர­சி­யல் அழுத்­தங்­க­ளை­யும் மீறி, தமிழ்­நாட்­டில் 41.79 இலட்­சம் MSME நிறு­வ­னங்­கள் தொழில் தொடங்­கு­வ­தற்­கான சூழலை தமி­ழக முதல்­வர் அவர்­கள் உரு­வா­கி­யுள்­ளார்­கள்.

எனவே, MSME நிறு­வ­னங்­கள் மூடப்­பட்­டுள்­ளது என்­கின்ற த.வெ.க தலை­வர் நடி­கர் விஜய் அவர்­க­ளின் பொய் பிரச்­சா­ரம் உண்­மைக்கு புறம்­பா­னது எனத் தெரி­வித்­துக் கொள்­கி­றேன்.

இவ்­வாறு அவர் அறிக்­கை­யில் கூறி­யுள்­ளார்.