சென்னை, ஏப். 16 –

தொகுதி மறுவரையறைக்குஎதிராக தமிழ்நாடு முழுவதும் இன்று(16.4.2026) கருப்புக் கொடிப் போராட்டம் நடைபெறுகிறதென்று கழ­கத் தலை­வர், முதல்­வர் மு.க.ஸ்டாலின் அவர்­கள், அறிவித்­துள்­ளார்.

“மக்­கள் தொகை­யைக் கட்­டுப்­ப­டுத்­துங்­கள்; அள­வா­கக் குழந்­தை­க­ளைப் பெற்­றுக் கொள்­ளுங்­கள், குடும்­பக் கட்­டுப்­பாட்­டைக் கடைப்­பி­டி­யுங்­கள்” என ஒன்­றிய அரசு சொன்­ன­தை­யெல்­லாம் நாங்­கள் கேட்­டோம்.

சொன்­னதை ஒழுங்­கா­கச் செய்­த­தற்­கா­கவே எங்­க­ளுக்­குத் தண்­டனை தரு­வீர்­களா?

“தென்­மா­நி­லங்­கள் பாதிப்­ப­டை­யாது” என நாடா­ளு­மன்­றத்­தில் வைத்­துப் பிர­த­மர் அவர்­கள் உத்­த­ர­வா­தம் தர வேண்­டும் என்று கேட்­டோம். பதில் இல்லை! இதுக்­கா­கப் பல்­வேறு கட்சி எம்.பி.க்கள் பிர­த­மரை நேரில் சந்­தித்து முறை­யிட நேரம் கேட்­டோம். அது­வும் கிடைக்­க­வில்லை!

இப்­படி, நாம் சொன்ன எதை­யும் அவர்­கள் காதில் வாங்­கா­மல், தி.மு.க. மட்­டு­மல்ல; எந்­தக் கட்­சி­யோ­டும் - எந்த மாநி­லத்­தோ­டும் -–எந்த ஆலோ­ச­னை­யும் நடத்­தா­மல்,அவர்­கள் இஷ்­டத்­துக்கு செய்­யப் பார்க்­கி­றார்­கள்.

இப்­படி அவ­சர அவ­ச­ர­மாக ‘Delimitation’ செய்ய நினைப்­பது, பா.ஜ.க. அர­சின் அப்­பட்­ட­மான ஜன­நா­யக விரோ­தச் செயல்! இன்­னும் சொன்­னால், மாநில உரி­மை­க­ளைப் படு­கொலை செய்­தி­ருக்­கி­றார்­கள்.

இந்த ‘Delimitation’-ஐ எப்­படி செய்ய போகி­றார்­கள் என்று தெரி­ய­ வில்லை. அந்­தச் சட்­டத் திருத்­தம் என்ன என்­பது பற்றி, இது­வரை எந்த விளக்­கத்­தை­யும் கொடுக்­கா­மல் இருக்­கி­றார்­கள்.

இவர்­கள் இப்­படி மறைத்து மறைத்­துச் செய்­கி­றார்­கள் என்­றால், கண்­டிப்­பாக ஏதோ பெரிய ஆபத்து இருக்­கி­றது என்று, அனை­வ­ருக்­குமே அந்­தச் சந்­தே­கம் வலு­வ­டை­கி­றது. தென்­மா­நில மக்­கள் பெரும் அச்­சத்­தில் இருக்­கி­றார்­கள்.

நான் ஒன்­றிய பா.ஜ.க. அர­சுக்­கும் - பிர­த­மர் மோடி அவர்­க­ளுக்­கும், இந்த நேரத்­தில் முக்­கி­ய­மாக ஒன்று சொல்­லிக் கொள்­கி­றேன்.

நடக்க இருக்­கும் நாடா­ளு­மன்ற கூட்­டத்­தொ­ட­ரில், எங்­கள் எம்.பி.க் கள் கலந்து கொள்­வார்­கள். தமிழ்­நாட்டை பாதிப்­பது போன்றோ, வட­மா­நி­லங்­க­ளுக்கு அர­சி­யல் வலி­மையை மேலும் வாரி வழங்­கு­வது போன்றோ, ஏதா­வது நடந்­தால், தமிழ்­நாட்­டில் இருக்­கும் நாங்­கள் அனை­வ­ரும் பார்த்­துக் கொண்டு சும்மா இருக்க மாட்­டோம். தமிழ்­நாடே ஸ்தம்­பிக்­கும்! தமிழ்­நாடு தனது எதிர்ப்­பைக் கடு­மை­யா­கக் காட்­டும். ஒவ்­வொரு குடும்­ப­மும் தெரு­வில் வந்து உட்­கா­ரு­வோம். தமிழ்­நாடுமுத­ல­மைச்­சராக இருக்­கும் என்­னு­ டைய தலை­மை­யி­லேயே மிகப்­பெ­ரிய போராட்­டம் நடத்­து­வோம் என்று கழ­கத் தலை­வர்,முதல்­வர் மு.க.ஸ்டாலின் அவர்­கள்நேற்று முன்தினம் தமது சமூக வலை­ த­ளப் பதிவில் வெளியிட்டிருந்தார்.

இந்நிலையில், இதுகுறித்து கழ­கத் தலை­வர்,முதல்­வர் மு.க.ஸ்டாலின் அவர்­கள்தமது சமூக வலை­த­ளத்தில் பதிவிட்டி ருப்பதாவது:–

உயரட்டும் கருப்புக்கொடி!

தமிழ்நாடு போராடும்!

தமிழ்நாடு வெல்லும்!

இந்தியாவின் வளர்ச்சிக்காகப் பாடுபட்ட குற்றத்துக்காக தமிழ்நாடு உள்ளிட்ட தென்மாநிலங்களுக்குத் தண்டனையா?

ஒன்றிய பா.ஜ.க. அரசு நாளை நாடாளுமன்றத்தில் கொண்டுவர வுள்ள #Delimitation சட்டத்திருத்தம் தமிழ்நாட்டுக்கும், தென்மாநிலங்களுக்கும் இழைக்கப்படும் “மாபெரும்வரலாற்று அநீதி”!

நெருப்போடு விளையாடும் பா.ஜ.க.!

விந்திய மலைக்குத் தெற்கே உள்ள தென்னிந்தியர் ஒவ்வொரு வரும் கொதித்துப் போயிருக்கி றோம். நெருப்போடு விளையாடு கிறது பா.ஜ.க.!

தொகுதி மறுவரையறைக்கு எதிராகத் தமிழ்நாடு முழுவதும் வீடுகளிலும், பொது இடங்களிலும் கருப்புக் கொடி ஏற்றும் போராட்டம் இன்று (16.4.2026) நடக்கும்.

சுயமரியாதையுள்ள

தமிழனாக மீண்டும் எச்சரிக்கை!

தமிழ்நாட்டின் குரலை மதித்து ஒன்றிய அரசு பின்வாங்கவில்லை என்றால், அதற்கான விளைவு களை நீங்கள் சந்திக்க வேண்டி இருக்கும். இதற்காக, மிகப் பெரிய விலையை நீங்கள் கொடுக்க வேண்டி இருக்கும்!

தி.மு.க. தலைவராக, அனைத்துக்கும் மேல் சுயமரியாதையுள்ள தமிழனாக மீண்டும் எச்சரிக்கிறேன்!

இவ்வாறு முதல்­வர் மு.க.ஸ்டாலின்அவர்­கள்தமது சமூக வலை­த­ளத்தில் பதிவிட்டுள்ளார்.