------------------------------------பெரம்பலூர், ஏப். 16–-
பெரம்பலூர் சட்டமன்றத் தொகுதி தி.மு.க. வேட்பாளர் டாக்டர் S T. ஜெயலட்சுமியை ஆதரித்து முன்னாள் மத்திய அமைச்சர் - கழக துணைப் பொதுச்செயலாளர் ஆ.இராசா. எம்.பி., வேப்பந்தட்டை மேற்கு ஒன்றியத்தில் உள்ள பூலாம்பாடி, அரும்பாவூர், பெரம்பலூர் ஒன்றியத்தில் உள்ள எசனை, பெரம்பலூர் நகரம் உள்ளிட்ட இடங்களில் தேர்தல் பிரச்சாரம் மேற்கொண்டார்!.
அப்போது அவர் பேசுகையில்,. கொரோனா காலத்தில் பிரதமர் மோடி, அப்போதைய முதல்வர் எடப்பாடி பழனிசாமியும் வெளியே வரவில்லை, ஆனால் முதல்வரான மு.க.ஸ்டாலின் மருத்துவ உடையணிந்து கொரோனா நோயாளிகளை சந்தித்து ஆறுதல் தெரிவித்து, கொரோனா கால நிதியுதவி வழங்கினார். வெளிநாட்டில் படிக்க தகுதி தேர்வெழுதி யுனிவர்சிட்டி செலக்க்ஷன் தேர்வானால் தமிழக அரசு அவர்கள் உயர்கல்வி கற்க ரூ. 30 லட்சம் ஊக்க தொகை வழங்கியது தி.மு.க. ஆட்சியில் தான்.
மத்திய அரசுக்கு ஜி.எஸ்.டி. ஒரு ரூபாய் நாம் தருகிறோம். ஆனால் மத்திய அரசு தமிழ்நாட்டுக்கு 26 பைசாதான் திருப்பி தருகிறது.
ஆனால் குஜராத், மகாராஷ்டிரா, உத்தரப்பிரதேசம் மாநிலத்திற்கு அவர்கள் செலுத்திய ஒரு ரூபாயுடன் ரூ 50 பைசா சேர்த்து ஒரு ரூபாய் 50 பைசாவாக மத்திய அரசு தருகிறது. தமிழ்நாடு அரசு கஜா புயலுக்கு 600 கோடி கேட்டது. ஆனால் மத்திய அரசு 100 கோடி நிதி தந்தனர். ஆனால் குஜராத்திற்குகஜா புயலுக்கு ரூ. 4 ஆயிரம் கோடி கேட்டதற்கு ரூ.3 ஆயிரத்து 800 கோடி ரூபாய் மத்திய அரசு தந்துள்ளது. இப்படி ஒரு மாற்றாந்தாய் மனப்பான்மையாக தமிழகத்தை மத்திய அரசு கடைபிடிக்கிறது.
இந்தியாவில் மதத்தால், ஜாதியால், மொழியால் பிளவுபட்டு இருக்கோம், மேலும் உணவால், உடையாலும் நாம் வேறுபட்டு இருக்கிறோம். யாருக்கு ஓட்டு போடும் உரிமை, எம்.எல்.ஏ , எம்.பி யார், பார்லிமெண்டுக்கு என்ன அதிகாரம், சட்டசபைக்கு என்ன அதிகாரம், இவை தவறினால் சுட்டிக்காட்ட ஐகோர்ட் மற்றும் சுப்ரீம் கோர்ட் என இவ்வளவு அதிகாரங்களையும் அரசியல் சட்டம் வழங்கியுள்ளது. இந்தச் சட்டம் இருப்பதால் தான் பெரம்பலூரில் நாம் இத்தனை பேர் ஒன்றாக நிற்கிறோம்.
ஒரே நாடு, ஒரே மதம், ஒரே உணவு, ஒரே பழக்க வழக்கம் என்று சொல்லக்கூடிய ஒரு மதவாத ஆட்சி தான் பா.ஜ.க.ஆட்சி, ராஜஸ்தான் என பல இடங்களைப் பிடித்து இப்போது ஆந்திரா வரை வந்துவிட்டது. அமித்ஷாவும், மோடியும், ஆர்.எஸ்.எஸ்-ம் தமிழகத்திற்குள் நுழையப் பார்க்கிறார்கள். ஆனால் இங்கே எல்லையில் ஒரு ஆள் கத்தி வைத்துக்கொண்டு நிற்பது போல மறித்து நிற்கிறார் மு.க.ஸ்டாலின்.
நேரடியாக மு.க. ஸ்டாலினை எதிர்க்க முடியாது என்பதால், தமிழகத்தில் அ.தி.மு.க. எடப்பாடி பழனிசாமி மூலமாகத் தான் பாஜ உள்ளே நுழையப் பார்க்கிறது. அதனால் தான் இது அ.தி.மு.க-விற்கும் தி.மு.க-.விற்கும் இடையிலான தேர்தல் அல்ல, இது டெல்லிக்கும்,தமிழ்நாட்டிற்கும் இடையிலான தேர்தல் என முதல்வர் மு.க.ஸ்டாலின் கூறுகிறார்.
அ.தி.மு.க. ஆட்சியில் பழனிசாமி 5 லட்சம் கோடி கடன் வைத்து சென்ற சமயத்திலும், சென்னை யில் ஏற்பட்ட மழை வெள்ளம், கொரோனா காலத்தில் நிதியுதவி ஆகியவற்றை வழங்கியுள்ளார். முதலமைச்சர் மு.க.ஸ்டாலின் செயல்பாடுகள், கொண்டு வந்த திட்டம் ஆகியவை இந்தியாவிலேயே முதலிடத்தில் உள்ளது.
பெரம்பலூர் நகரில் போக்குவரத்து நெரிசல் நாளுக்கு நாள் அதிகரித்து வருகிறது. ஆகையால் போக்குவரத்து நெரிசலை தவிர்க்கும் வகையில் தி.மு.க. ஆட்சிக்கு வந்த அடுத்த ஓராண்டு காலத்தில் பெரம்பலூரில் பாலக்கரையிலிருந்து ஆத்தூர் ரோடு வரை பறக்கும் உயர் மட்ட பாலம் அமைக்கப்படும் எனவும், பெரம்பலூர் அரசு மருத்துவமனை எதிர்புறம் உள்ள ஏரிக்கரைக்குள் தூண்போட்டு துறைமங்கலம் ஏரி வரை தேசிய நெடுங்சாலையை இணைக்கும் வகையில் உயர்மட்ட மேம்பாலம் கட்டப்படும் எனவும் தெரிவித்த அவர் மத்தியில் நாம் கூட்டணி அங்கம் வகிக்கும் ஆட்சி வந்ததும் பெரம்பலூரில் ஆயிரம் கோடியில் பல்நோக்கு மருத்துவ ஆராய்ச்சி மையம் அமைக்கப்படும் என தெரிவித்தார்.
நிகழ்ச்சியின்போது மாவட்ட கழகச் பொறுப்பாளர் வீ.ஜெகதீசன், சட்டமன்ற உறுப்பினர் எம்.பிரபாகரன், மாநில ஆதிதிராவிடர் நலக்குழு துணைச் செயலாளர் பா.துரைசாமி, மாநில பொறியாளர் அணி துணை செயலாளர் இரா.ப. பரமேஷ்குமார், தலைமை செயற்குழு உறுப்பினர்கள் மு.அட்சயகோபால் வழக்கறிஞர் என்.ராஜேந்திரன், மாவட்ட துணைச் செயலாளர் தழுதாழை பாஸ்கர், நூருல்ஹிதா இஸ்மாயில், சன்.சம்பத்,
ஒன்றிய செயலாளர்கள் எம்.இராஜ்குமார், செ.நல்லதம்பி, பேரூர் கழக செயலாளர்கள் செல்வலெட்சுமி சேகர், ஆர்.ரவிச்சந்திரன், பேரூராட்சி தலைவர்கள் பாக்கியலெட்சுமி செங்குட்டுவன் வள்ளியம்மை ரவிச்சந்திரன், மாவட்ட இளைஞர் அணி அமைப்பாளர் து.ஆதவன், மாவட்ட மகளிர் அணி அமைப்பாளர் மகாதேவி ஜெயபால், மாவட்ட அமைப்புசாரா ஓட்டுநர் அணி அமைப்பாளர் எம்.மணிவாசகம் மற்றும் கூட்டணிக் கட்சி நிர்வாகிகள் உட்பட ஆயிரக்கணக்கானோர் கலந்து கொண்டனர்.