--------------------------------பெரம்பலூர், ஏப். 16-–
கழகத் தலைவர் முதலமைச்சர் மு.க.ஸ்டாலின் அவர்கள் பெரம்பலூர், - குன்னம்-, அரியலூர்,- ஜெயங்கொண்டம் ஆகிய 4 தொகுதிகளில் போட்டியிடும் கழக வெற்றி வேட்பாளர்களை ஆதரித்து பிரச்சாரம் செய்கிறார்.
இது குறித்து பெரம்பலூர் மாவட்ட கழக பொறுப்பாளர் வீ.ஜெகதீசன் வெளியிட்டுள்ள அறிக்கை வருமாறு:–
கழக துணைப் பொதுச்செயலாளர் - மேனாள் ஒன்றிய அமைச்சர் ஆ.இராசா.எம்.பி., வழிகாட்டுதல்படி,போக்குவரத்து மற்றும் மின்சாரத்துறை அமைச்சர் சா.சி.சிவசங்கர் ஆலோசனைக்கினங்க, பெரம்பலூர் மாவட்டத்தில், பெரம்பலூர் தொகுதியில் போட்டியிடும் வெற்றி வேட்பாளர் டாக்டர் S.T.ஜெயலெட்சுமி, குன்னம் தொகுதியில் போட்டியிடும் வெற்றி வேட்பாளர் போக்குவரத்து மற்றும் மின்சாரத்துறை அமைச்சர் சா.சி.சிவசங்கர், அரியலூர் தொகுதியில் போட்டியிடும் வெற்றி வேட்பாளர் லதாபாலு, ஜெயங்கொண்டம் தொகுதியில் போட்டியிடும் வெற்றி வேட்பாளர் கா.சொ.க. கண்ணன் ஆகியோர்களை ஆதரித்து
இன்று (16.4.2026, வியாழக்கிழமை), மாலை 6.00 மணிக்கு, பெரம்பலூர் - அரியலூர் சாலையில் உள்ள ஒதியம் பிரிவு சாலையில் கழக தலைவர் - முதலமைச்சர் மு.க.ஸ்டாலின் அவர்கள் பிரச்சாரம் செய்கிறார்.
இந்த நிகழ்ச்சியில் நாடாளுமன்ற உறுப்பினர், சட்டமன்ற உறுப்பினர், மாநில நிர்வாகிகள், தலைமை செயற்குழு உறுப்பினர்கள், பொதுக்குழு உறுப்பினர்கள், மாவட்ட, ஒன்றிய,நகர, பேரூர் கழகச் செயலாளர்கள், மாவட்ட அனைத்து அணிகளின் அமைப்பாளர்கள் மற்றும் துணை அமைப்பாளர்கள், முன்னாள், இன்னாள் உள்ளாட்சி அமைப்பு பிரதிநிதிகள், வார்டு செயலாளர்கள், கிளைக் கழக செயலாளகள், கழகத் தோழர்கள் உள்ளிட்ட அனைவரும் வருகை தந்து சிறப்பிக்குமாறு அன்புடன் கேட்டுக்கொள்கிறேன்.
பெரம்பலூர் மாட்ட கழக பொறுப்பாளர் வீ.ஜெகதீசன் இவ்வாறு தனது அறிக்கையில் தெரிவித்துள்ளார்.