திருப்­பத்­தூர், ஏப். 16–

கழ­கத் தலை­வ­ரும், முத­ல­மைச்­ச­ரு­மான மு.க. ஸ்டாலின் அவர்­கள் நேற்று முன்தினம் (14–04–2026) திருப்­பத்­தூ­ரில் நடை­பெற்ற தேர்­தல் பரப்­பு­ரைப் பொதுக்­கூட்­டத்­தில் மதச்­சார்­பற்ற முற்­போக்­குக் கூட்­டணி வேட்­பா­ளர்­களை ஆத­ரித்­துப் பேரு­ரை­யாற்­று­கை­யில், “பிர­த­ம­ராக இருப்­ப­வர் தர­வு­க­ளைப் படிக்­கா­மல் ஒரு மாநி­லத்­திற்கு எதி­ரா­கப் பேச­லாமா? அவ­ரது பத­விக்கு அது அழகா?” என்­றும் “திரா­விட மாடல் அர­சின் சாத­னை­க­ளுக்­கான நன்றி அறி­விப்பு விழா­வா­கத்­தான் 2026 தேர்­தலை மக்­கள் பார்க்­கி­றார்­கள்.” என்­றும் – “இது தமிழ்­நாடு! மக்­க­ளின் நம்­பிக்­கையை பெற்ற இந்த ஸ்டாலின் ஆட்சி செய்­யும் தமிழ்­நாடு! நீங்­கள் என்­ன­தான் அடிமை சேவ­கம் செய்­தா­லும், தமிழ்­நாட்டை மீண்­டும் டெல்­லி­யி­டம் அடகு வைக்க விட­மாட்­டோம்!” என்­றும் குறிப்­பிட்­டார்.

கழ­கத் தலை­வர் – முதல்­வர் மு.க.ஸ்டாலின் அவர்­கள் ஆற்­றிய உரை வரு­மாறு:–

இரண்டு மாதங்­க­ளுக்கு முன்­பு­தான், வடக்கு மண்­ட­லப் பாக முக­வர்­கள் மாநாட்­டிற்­காக இதே மண்­ட­ல­வா­டிக்கு வந்­தேன். மலை­கள் சூழ்ந்த இந்த அழ­கிய இடத்­தில் தி.மு.க. ‘மாஸ்’ காட்டி, எதி­ரி­க­ளுக்கு மலைப்பை ஏற்­ப­டுத்­தி­னோம். இப்­போது மீண்­டும், ஜவ்­வாது மலை­யும், ஏல­கி­ரி­யும், இயற்கை எழில் கொஞ்­சும் அரு­வி­க­ளும் நிறைந்த திருப்­பத்­தூர் மாவட்­டத்­திற்கு நான் வந்­தி­ருக்­கி­றேன்.

அதி­லும், ஏல­கி­ரியை, “ஏழை­க­ளின் ஊட்டி” என்று செல்­ல­மா­கச் சொல்­வார்­கள். ஊட்­டி­யில் இப்­போது போக்­கு­வ­ரத்து நெரி­சல் அதி­க­மா­கி­விட்­டது, அத­னால் ஏழை­கள் மட்­டு­மல்­லா­மல், அனை­வ­ரும் நம்­மு­டைய ஏல­கி­ரியை நோக்­கித்­தான் இப்­போது வந்து கொண்­டி­ருக்­கி­றார்­கள். ஏழா­வது முறை தி.மு.க. ஆட்சி அமைய ஆத­ரவு கேட்டு நானும் வந்­து­விட்­டேன்.

வேலூர் – திருப்­பத்­தூர் மாவட்­டங்­க­ளில் – நமது வெற்றி சிறப்­பாக இருக்க வேண்­டும்!

வட தமிழ்­நாட்­டின் முக்­கிய இர­யில் சந்­திப்பு இருக்­கும், சோலை­கள் ஆர்ந்த பேட்­டை­யான ஜோலார்­பேட்டை இருக்­கும் திருப்­பத்­தூர் மாவட்­டத்­திற்கு வந்­தி­ருக்­கி­றேன்.

செய்­யாறு, ஆர­ணி­யாறு ஆகிய ஆறு­க­ளும், சந்­த­னம் மணக்­கும் காடு­க­ளும் கொண்ட திருப்­பத்­தூ­ருக்கு வந்­தி­ருக்­கி­றேன். தமிழ்­நாட்­டின் ‘Sandal City’ நீங்­கள்­தான்! சந்­த­னம் மட்­டுமா இங்கே மணக்­கும்? ‘உல­கப் புகழ்’ ஆம்­பூர் பிரி­யா­ணி­யும் மண­ம­ணக்­கும் மாவட்­டம்­தான், திருப்­பத்­தூர்!

நேற்று இரா­ணிப்­பேட்டை பரப்­பு­ரையை முடித்­து­விட்டு, அப்­ப­டியே ஆற்­காடு சென்று ‘மக்­கன் பேடா’ சாப்­பிட்­டேன். நீங்­கள் எல்­லாம் பார்த்­தி­ருப்­பீர்­கள். தேர்­தல் வெற்­றிக்­குப் பிறகு, ஆற்­காடு பிரி­யா­ணி­யை­யும் சுவைக்க வரு­வேன் என்று சொன்­னேன். அடுத்­த­நாளே ஆம்­பூர் இருக்­கும் உங்­கள் மாவட்­டத்­திற்கு வந்­தி­ருக்­கி­றேன். ஆற்­காடு, ஆம்­பூர் எப்­படி இரண்டு பிரி­யா­ணி­யும் சிறப்பு வாய்ந்­ததோ, அதே­போன்று இரண்டு மாவட்­டங்­க­ளி­லும் நமது வெற்­றி­யும் சிறப்­பாக இருக்க வேண்­டும்!

திரா­விட மாடல் 2.0 அமைய, இங்­குள்ள தொகு­தி­க­ளில் திருப்­பத்­தூர் முழு வெற்­றி­யைத் தர வேண்­டும். தமிழ்­நாடே தயா­ரா­கி­விட்­டது! திருப்­பத்­தூ­ரும் தயாரா? (‘தயார்’ என, மக்­கள் குரல்.) நன்றி! ஏல­கிரி பின்­ன­ணி­யி­லி­ருந்து கேட்­கி­றேன்... ஏழா­வது முறை­யா­கத் தி.மு.க. ஆட்­சிக்­குத் திருப்­பத்­தூர் தயாரா? (‘தயார்’ என, கூட்­டத்­தி­னர் குரல்.) நன்றி!

அதற்­காக, இப்­போது உங்­கள் அனு­ம­தி­யோடு வேட்­பா­ளர்­களை அறி­மு­கப்­ப­டுத்­து­கி­றேன். உங்­க­ளுக்கு நன்­றா­கத் தெரிந்­த­வர்­கள்­தான். இருந்­தா­லும், அறி­மு­கப்­ப­டுத்­து­வது என் கட­மை­யல்­லவா...!

முத­லில், திருப்­பத்­தூர் சட்­ட­மன்­றத் தொகுதி. நமது வெல்­லும் வேட்­பா­ளர் அ. நல்­ல­தம்பி அவர்­கள். நல்­ல­தம்­பி­யின் தந்தை ஒன்­றி­யச் செய­லா­ள­ராக இருந்­த­வர். அவ­ருக்­குப் பிறகு, 2011 முதல் 15 ஆண்டு கால­மா­கத் திருப்­பத்­தூர் ஒன்­றி­யச் செய­லா­ள­ராக இவர் இருக்­கி­றார். 2016, 2021 இரண்டு முறை­யும் வென்ற நல்­ல­தம்­பிக்கு இந்த முறை­யும் உத­ய­சூ­ரி­யன் சின்­னத்­தில் நீங்­கள் வாக்­க­ளிக்க வேண்­டும்.

அடுத்து, ஆம்­பூர் சட்­ட­மன்­றத் தொகுதி. நமது வெல்­லும் வேட்­பா­ளர் அ.செ. வில்­வ­நா­தன் அவர்­கள். பத்­தாண்டு காலம் ஊராட்சி மன்­றத் தலை­வ­ரா­க­வும், இரண்டு முறை சட்­ட­மன்ற உறுப்­பி­ன­ரா­க­வும் இருந்து மக்­கள் பணி­யாற்­றிய வில்­வ­நா­தன் அவர்­க­ளுக்கு உத­ய­சூ­ரி­யன் சின்­னத்­தில் மீண்­டும் வாக்­க­ளிக்க வேண்­டும்.

அடுத்து, ஜோலார்­பேட்டை சட்­ட­மன்­றத் தொகுதி. நமது வெல்­லும் வேட்­பா­ளர் கவிதா தண்­ட­பாணி அவர்­கள். இந்­தத் தொகு­தி­யில் கடந்த முறை அ.தி.மு.க.வின் சிட்­டிங் அமைச்­ச­ரைத் தோற்­க­டித்து, நமக்கு வெற்­றி­யைத் தந்­தீர்­கள். இந்த முறை­யும் தி.மு.க.தான் இங்கு வெற்றி பெற வேண்­டும்! வேட்­பா­ளர் கவிதா தண்­ட­பாணி அவர்­கள், ஒன்­றிய அமைப்­பா­ளர், மாவட்ட மக­ளிர் அணி அமைப்­பா­ளர், ஜோலார்­பேட்டை மத்­திய ஒன்­றி­யக் கழ­கச் செய­லா­ளர் எனத் தொடர்ச்­சி­யா­கக் கழ­கப் பணி ஆற்­றி­ய­வர். மாவட்ட ஊராட்­சிக் குழு உறுப்­பி­ன­ராக மக்­கள் பணி­யாற்­றி­ய­வர். அவ­ருக்கு நீங்­கள் எல்­லாம் உத­ய­சூ­ரி­யன் சின்­னத்­தில் ஆத­ரவு தந்­தாக வேண்­டும்.

அடுத்து, வாணி­யம்­பாடி சட்­ட­மன்­றத் தொகுதி. நமது வெல்­லும் வேட்­பா­ளர் இந்­திய யூனி­யன் முஸ்­லிம் லீக் கட்­சி­யைச் சேர்ந்த சையத் பாரூக் அவர்­கள். ‘தகை­சால் தமி­ழர்’ பேரா­சி­ரி­யர் அய்யா காதர் மொகி­தீன் அவர்­க­ளால் அடை­யா­ளம் காட்­டப்­பட்­டுள்ள வேட்­பா­ளர். இந்­திய யூனி­யன் முஸ்­லிம் லீகில் இளை­ஞ­ரணி அமைப்­பா­ள­ராக இருந்­த­வர். வாணி­யம்­பாடி நகர்­மன்ற உறுப்­பி­ன­ராக, நகர்­மன்­றத் துணைத் தலை­வ­ராக இருந்த சையத் பாரூக் அவர்­க­ளுக்கு ‘ஏணி’ சின்­னத்­தில் நீங்­கள் எல்­லாம் ஆத­ரவு தந்­திட வேண்­டும்.

இவர்­கள் நான்கு பேரின் வெற்­றி­யும் உறு­தியா? (‘உறுதி’ என, மக்­கள் முழக்­கம்.) நன்றி! வேட்­பா­ளர்­கள் இப்­போது உட்­கா­ர­லாம். சீட் கன்ஃ­பார்ம் ஆகி­விட்­டது.

திருப்­பத்­தூர் மாவட்­டத்­துக்கு –

நமது அர­சின் திட்­டங்­கள்!

திரா­விட மாடல் ஆட்சி அமைந்த பிறகு, திருப்­பத்­தூ­ரில் ஏரா­ள­மான வளர்ச்­சிப் பணி­க­ளைச் செய்து வரு­கி­றோம்! நானே, அரசு நலத்­திட்ட விழாக்­க­ளுக்­காக மட்­டுமே இரண்டு முறை வந்து பய­னா­ளி­க­ளுக்கு உத­வி­களை வழங்­கி­யி­ருக்­கி­றேன்.

திருப்­பத்­தூர் மாவட்ட அரசு தலைமை மருத்­து­வ­மனை தரம் உயர்த்­தப்­பட்டு கூடு­தல் கட்­ட­டம்;

வாணி­யம்­பாடி, ஆம்­பூர், நாட்­றாம்­பள்ளி அரசு மருத்­து­வ­ம­னை­கள் மேம்­பாடு;

ஜோலார்­பேட்டை மற்­றும் வாணி­யம்­பாடி ஆரம்ப சுகா­தார நிலை­யங்­கள் மேம்­பாடு;

மாவட்ட ஆட்­சி­யர் அலு­வ­ல­கப் பெருந்­திட்ட வளா­கம் திறப்பு;

வாணி­யம்­பாடி – நிம்­மி­யம்­பட்­டில் மினி ஸ்டேடி­யம்;

பள்­ளி­க­ளில் 114 அறி­வி­யல் ஆய்­வ­கங்­கள்;

ஏல­கிரி மலை­யில் சுற்­றுச் சாலை;

ஏல­கிரி சுற்­றுலா வச­திக்­காக ஒன்­றி­யச் சாலை­கள் மாவட்­டச் சாலை­க­ளா­கத் தரம் உயர்த்­தப்­பட்­டி­ருக்­கி­றது.

ஜவ்­வாது மலை அடி­வா­ரம் முதல் புதூர் நாடு வரை தார்ச் சாலை.

425 கோடி ரூபாய் மதிப்­பீட்­டில் சாலை மேம்­பாட்­டுப் பணி­கள் நடந்­தி­ருக்­கி­றது.

14 பாலங்­கள் கட்­டப்­பட்­டி­ருக்­கி­றது.

211 திருக்­கோ­யில்­க­ளுக்­குக் குட­மு­ழுக்­குச் செய்­தி­ருக்­கி­றோம்.

திருப்­பத்­தூ­ருக்கு 182 கோடி ரூபா­யில் குடி­நீர்த் திட்­டம்.

மேம்­ப­டுத்­தப்­பட்ட ஏல­கிரி – ஜல­கம்­பாறை சூழல் சுற்­று­லாத் தடம் தொடக்­கம்;

எல்­லா­வற்­றிற்­கும் மேலாக, அ.தி.மு.க. ஆட்­சி­யில் கிடப்­பில் போடப்­பட்­டி­ருந்த ஆம்­பூர் ரெட்­டி­தோப்பு இர­யில்வே மேம்­பா­லப் பணி­க­ளுக்கு 66 கோடி ரூபாய் நிதி ஒதுக்கி, பணி­க­ளைத் தொடங்­கி­விட்­டோம். இந்­தப் பகுதி மக்­க­ளின் 50 ஆண்டு காலக் கனவு நிறை­வே­றப் போகி­றது!

திருப்­பத்­தூ­ரில் 15 கோடி ரூபாய் மதிப்­பீட்­டில் மாபெ­ரும் விளை­யாட்டு வளா­கம் கட்­டப்­பட்டு வரு­கி­றது. நான்­கூட இரண்டு மாதங்­க­ளுக்கு முன்­னால் வந்­த­போது, நேரில் சென்று ஆய்வு செய்­தேன்.

நல்­ல­குண்டா பகு­தி­யில் 25 ஆயி­ரம் பேருக்கு வேலை­வாய்ப்பு அளிக்­கும் வகை­யில், இன்­னொரு ‘சிப்­காட்’ அமைய இருக்­கி­றது.

பணி­பு­ரி­யும் பெண்­க­ளுக்­கான விடு­தி­கள் திருப்­பத்­தூர், வாணி­யம்­பாடி, ஆம்­பூர் ஆகிய இடங்­க­ளில் அமைய இருக்­கி­றது.

திருப்­பத்­தூர் நக­ராட்சி பழைய பேருந்து நிலை­யம் இருக்­கும் இடத்­தில், அடுக்­கு­மாடி வணிக வளா­கம் வர இருக்­கி­றது.

ஆம்­பூர் புதிய நூல­கம் வர இருக்­கி­றது.

ஆலங்­கா­யம் – நெக்­னா­மலை பகு­தி­யில் 30 கோடி­யில் சாலைப் பணி­க­ளும் நடக்­கி­றது. இந்த அள­விற்­கும், இதற்­கும் மேலும் திருப்­பத்­தூ­ருக்­கா­கச் செய்­கி­றோம்!

மோச­மான நிலை­யில் – சென்னை – பெங்­க­ளூர் தேசிய நெடுஞ்­சாலை!

ஆனால், ஒன்­றிய அரசு என்ன செய்­கி­றது? நான் மற்ற ஊர்­க­ளுக்கு எல்­லாம் காரில் சென்று கொண்­டி­ருக்­கி­றேன். ஆனால், நம்­மு­டைய திருப்­பத்­தூர், இரா­ணிப்­பேட்டை, வேலூர் செல்ல வேண்­டு­மென்­றால், இர­யி­லில்­தான் வரு­கி­றேன். அந்த அள­விற்­குச் சென்னை – பெங்­க­ளூர் தேசிய நெடுஞ்­சாலை மோச­மாக இருக்­கி­றது. இதைச் சுட்­டிக்­காட்டி ஒன்­றிய அமைச்­சர் மாண்­பு­மிகு நிதின் கட்­க­ரிக்­குக் கடி­தம்­கூட எழு­தி­யி­ருந்­தேன். பல­முறை நம்­மு­டைய அமைச்­சர் வேலு அவர்­கள் நேரா­கச் சென்று பார்த்து சொல்­லி­விட்டு வந்­தி­ருக்­கி­றார்.

ஆனால், தமிழ்­நாட்­டிற்­கான திட்­டங்­கள் என்­றால், அதில் அலட்­சி­யம்; அவர்­கள் சீக்­கி­ரம் முடிக்க மாட்­டார்­கள்! மது­ரை­யில் ஒரு எய்ம்ஸ் மருத்­து­வ­ம­னை­யையே 10 வரு­டங்­க­ளா­கக் கட்­டிக் கொண்­டி­ருக்­கி­றார்­கள்!நான்­கூட கேட்­டேன்... “அது என்ன தாஜ்­ம­ஹாலா? இல்லை, தஞ்சை பெரிய கோயிலா? ஏன் இவ்­வ­ளவு தாம­தம்” என்று கேட்­டேன். இந்த அள­வில்­தான் தமிழ்­நாடு மீதும், திருப்­பத்­தூர் மீதும், அவர்­க­ளின் அக்­கறை இருக்­கி­றது.