சென்னை,ஏப்.17–
த.வெ.க. வில்லிவாககம் பகுதி செயற்குழு உறுப்பினர் ஆர். ஜாப்லீ மற்றும் அதிமுக முக்கிய பிரமுகர் அசோக் குமார், மற்றும் 150 மாற்று கட்சி உறுப்பினர்கள் வேட்பா ளர் கார்த்திக் மோகன் முன்னிலையில் திமுகவில் இணைந்தனர்.
வில்லிவாக்கம் சட்டமன்ற தொகுதியில் 95-வது வார்டுக்கு பொதுமக்களிடம் திமுக வேட்பாளர் கார்த்திக் மோகன் பல்வேறு முக்கிய வாக்குறுதிகளை வழங்கினார் அதன்படி, சோலையம்மன் கோவில் தெரு – மாதா கோவில் எதிரில் உள்ள பகுதியில் சிறுவர்களின் உடல் மற்றும் மன வளர்ச்சியை ஊக்குவிக்கும் வகையில், அனைத்து நவீன வசதிகளுடன் கூடிய புதிய சிறுவர் பூங்கா அமைக்கப்படும். இது அந்தப் பகுதியின் குழந்தைகளுக்கு பாதுகாப்பான மற்றும் ஆரோக்கியமான விளையாட்டு சூழலை உருவாக்கும். மேலும், மாதா கோவில் தெரு மற்றும் அதன் சுற்றுவட்டார இளைஞர்கள் பயன்பெறும் வகையில், அனைத்து நவீன உபகரணங்களுடன் கூடிய புதிய உடற்பயிற்சி கூடம் (ஜிம்) அமைக்கப்படும் என்று கார்த்திக் மோகன் உறுதியளித்தார்.
மேலும், லாக்மா தெருவில் தற்போது பழுதடைந்துள்ள கழிவுநீர் வடிகால் குழாய்கள் முழுமையாக அகற்றப்பட்டு, அதிக திறன் கொண்ட புதிய நவீன வடிகால் அமைப்பு உருவாக்கப்படும். இதன் மூலம் மழைக்காலங்களில் ஏற்படும் நீர் தேக்கம் மற்றும் சுகாதார சிக்கல்கள் தீர்க்கப்படும் என்றார் கார்த்திக் மோகன். இத்துடன், கலைஞர் கருணாநிதி நகர் பகுதியில் இளைஞர்கள் மற்றும் விளையாட்டு ஆர்வலர்களுக்காக, அனைத்து நவீன உடற்பயிற்சி உபகரணங்களுடன் கூடிய மேலும் ஒரு புதிய ஜிம் அமைக்கப்படும், இந்த திட்டங்கள் அனைத்தும் வில்லிவாக்கம் தொகுதியை முழுமையான முன்னேற்றப் பாதையில் கொண்டு செல்லும் நோக்கத்துடன் திட்டமிடப்பட்டுள்ளன என்றும் கார்த்திக் மோகன் தெரிவித்துள்ளார்.
நமது பாரம்பரியக் கலையான சிலம்பத்தை ஆர்வத்துடன் கற்று வரும் குழந்தைகளை கார்த்திக் மோகன் இன்று,நேரில் சந்தித்து உரையாடினார், அப்போது அந்த குழந்தைகள் , தாங்கள் எந்தவித இடையூறும் இன்றி தொடர்ந்து சிலம்பம் பயிற்சி பெற ஒரு பிரத்யேக மைதானம் அமைத்துத் தர வேண்டும் என்று கார்த்திக் மோகன் இடத்தில் கோரிக்கை வைத்தார்கள்.விளையாட்டுத்துறைக்கு, நமது பாரம்பரிய கலைகளுக்கு தொடர்ந்து பெரும் ஊக்கமளித்து வரும் மாண்புமிகு தமிழ்நாடு முதலமைச்சர் தலைவர் அவர்களின் வழிகாட்டுதலின்படி, அவர்களின் இந்தக் கோரிக்கை தான் வெற்றி பெற்றவுடன் நிறைவேற்றித் தரப்படும் என்று உறுதியளித்தார்.
இன்று, தவெக வில்லிவாககம் பகுதி செயற்குழு உறுப்பினர் ஆர். ஜாப்லீ மற்றும் அதிமுக முக்கிய பிரமுகர் அசோக் குமார் , உள்ளிட்ட நிர்வாகிகள் மற்றும் 150 மாற்று கட்சி உறுப்பினர்கள் சென்னை கிழக்கு மாவட்ட செயலாளர் பி.கே.சேகர் பாபு அவர்களின் வழிகாட்டுதலுடன் வில்லிவாக்கம் திமுக வேட்பாளர் கார்த்திக் மோகன் முன்னிலையில் திமுகவில் இணைந்தனர்.
வில்லிவாக்கம் கிழக்கு பகுதி 98 வது வட்டம் கே.கே. நகர் 1வது தெரு அருகே பிரச்சாரத்தை தொடங்கிய அவர் தொடர்ந்து கே.கே. நகர் 2,3,4,5,6,7,8,9,10,11 தெருக்கள், கே. எச். ரோடு வழியாக போக்ஸ் சந்து, என்.எம்.கே தெரு வழியாக சென்று சோமசுந்தரம் தெருக்கள் மற்றும் வி.பி. காலனி முழுவதும், கே. எச். ரோடு வழியாக, ராமானுஜம் நகரில் பிரச்சாரம் நிறைவு செய்தார்.