சென்னை, ஏப்.17–

கழகத் தலைவர், முதல்வர் அவர்களின் அறிக்கைக் கிணங்க “Delimitation என்ற பெய ரில் சட்டத் திருத்தம் கொண்டு வந்து, நாடாளுமன்ற த்தில் தமிழ்நாட்டின் குரலை ஒடுக்கிடும் வகையில் ஒன்றிய பா.ஜ.க. அரசு கொண்டு வரவுள்ள கருப்புச் சட்டத்துக்கு எதிராக நேற்று (16.04. 2026) கழக அமைப்புச் செயலாளர் ஆர்.எஸ். பாரதி தலைமையில்,

தொகுதி மறுவரை யறை திட்ட நகலை எரித்து ஆர்ப்பாட்டம் அண்ணா அறிவால யத்தில் நடைபெற்றது.

“Delimitation என்ற பெயரில், தனது லிமிட்டைத் தாண்டி, பா.ஜ.க. அரசு, தமிழ்நாடு உள்ளிட்ட தென் மாநிலங்களை வஞ்சிக்கிறது! நாடாளு மன்றத்தில் பா.ஜ.க. அரசு கொண்டு வரப் போகும் சட்டத் திருத் தத்திற்கு எதிர்ப்பைக் காட்டும் வகையில், தமிழ்நாட்டில் அனை வரும் நம்முடைய வீட்டில் கருப்புக் கொடியை ஏற்றுவோம். கருப்புச் சட்டத்தை எதிர்த்து நம் எதிர்ப்பின் அடையாளமாக, கருப்புக் கொடியை ஏற்றுவோம். இந்தி யாவை இருண்ட காலத்துக்கு அழைத்துக் கொண்டு போகும், எதேச்சதிகார பா.ஜ.க. அரசுக்கு எதிராக கருப்புக் கொடி ஏற்று வோம்” என முதலமைச்சர், கழகத் தலைவர் அவர்கள் வெளியிட்ட அறிக்கைக் கிணங்க;

நேற்று (16.04.2026) தி.மு.க. தலைமை அலு வலகத்தில் தி.மு.க. அமைப்புச் செயலாளர் ஆர்.எஸ். பாரதி தலைமையில் கழக நிர்வாகிகள் மற்றும் தொண்டர்கள் கருப்புச் சட்டை அணிந்து எதிர்ப்பு தெரிவித்தும், தொகுதி மறுவரையறை திட்ட நகலை எரித்தும் ஆர்ப்பாட்டம் நடத்தி னார்கள்.

இந்த ஆர்ப்பாட்டத் தில் கழக துணை அமைப்புச் செயலாளர் தாயகம் கவி, செய்தித் தொடர்புத் தலைவர் டி.கே.எஸ். இளங் கோவன், தலைமை நிலையச் செயலாளர் துறைமுகம் காஜா, மருத்துவ அணித் தலைவர் கனிமொழி என்.வி.என்.சோமு, ஆயிரம் விளக்கு கிழக்குப் பகுதிச் செயலாளர் மா.பா. அன்புதுரை, மற்றும் பகுதி, வட்டக் கழக நிர்வாகிகள் திரளாக கலந்து கொண்டனர்.