கீழ்பென்னாத்தூர், ஏப். 17–
கீழ்பென்னாத்தூர் சட்டமன்றத் தொகுதிக்குட்பட்ட கீழ்பென்னாத்தூர் தெற்கு ஒன்றியத்தில், மதச்சார்பற்ற முற்போக்குக் கூட்டணி வேட்பாளர் கு. பிச்சாண்டி சூரியந்தாங்கள், அரும்பாக்கம், அணுக்குமலை, பொன்னமேடு, கல்லாயி, வென்னியந்தல் மற்றும் பிற்பகலில் கீரனூர், வேளானந்தல், செல்லங்குப்பம், கோணலூர், நாடழகானந்தல், நா. கெங்கப்பட்டு, இராஜந்தாங்கள், நெய்வானத்தம் உள்ளிட்ட கிராமங்களில் வீடு தோறும் சென்று பொதுமக்களை சந்தித்து தீவிர வாக்கு சேகரிப்பில் ஈடுபட்டார்.
வேட்பாளர் கு.பிச்சாண்டிஉரையாற்றுகையில், திராவிட மாடல் ஆட்சியின் தலைவரும் தமிழக முதல்வருமான மு.க.ஸ்டாலின் அவர்களின் ஆசியுடன் போட்டியிடுவதாக தெரிவித்தார்.
அவர் மேலும் கூறுகையில், கடந்த என்னுடைய ஆட்சி காலத்தில் கீழ்பென்னாத்தூர் தெற்கு ஒன்றியத்தில் பல்வேறு அடிப்படை வசதிகள் செய்யப்பட்டுள்ளதாக தெரிவித்தார்.
மேற்கொள்ளப்பட்ட முக்கிய பணிகள்:
கீரனூர் ஊராட்சி பசுங்கரை ஆதிதிராவிடர் பகுதியில் சிமெண்ட் சாலை அமைத்து தந்துள்ளேன் பசுங்கரை கிராமத்தில் ஆலமரத்தைச்சுற்றி மேடை அமைத்து தந்துள்ளேன்
பசுங்கரை ஆதிதிராவிடர் குடியிருப்பில் நிழல் கூடை அமைத்து தந்துள்ளேன் நா.கெங்கப்பட்டு ஊராட்சி மற்றும் ஆதிதிராவிடர் பகுதியில் சிமெண்ட் சாலைகள் அமைத்து தந்துள்ளேன் செல்லங்குப்பம் ஊராட்சியில் சிமெண்ட் சாலை மற்றும் செய்யாலேரியில் பல்நோக்கு கட்டிடம் அமைத்து தந்துள்ளேன் இராஜந்தாங்கள் ஊராட்சியில் சிமெண்ட் சாலை, குடிநீர் பைப் லைன் மற்றும் வாரச்சந்தை மேம்பாடு செய்துள்ளேன் இராஜந்தாங்கள் ஊராட்சியில் கீழ்க்கரிப்பூர் கூட்ரோடு அருகில் நிழல் கூடைகள் அமைத்து தந்துள்ளேன் இலுப்பன்தாங்கல் ஆதிதிராவிடர் பகுதியில் பல்நோக்கு கட்டிடம் அமைத்து தந்துள்ளேன் நாடழகானந்தல் மற்றும் கருங்கல்பட்டு பகுதிகளில் பல்நோக்கு கட்டிடங்கள் அமைத்து தந்துள்ளேன்
நெய்வானத்தம் ஊராட்சியில் சிமெண்ட் சாலை மற்றும் ஆதிதிராவிடர் பகுதிகளில் சாலை வசதி ஏற்படுத்தி தந்துள்ளேன் என்றார்.
மற்றும் கூடுதல் முக்கிய வளர்ச்சி பணிகள் குறித்து அவர் விளக்கினார்.
மேலும், இளைஞர்களுக்கு அரசு வேலை வாய்ப்புகளில் முன்னுரிமை வழங்க நடவடிக்கை எடுக்கப்படும் என்றும் தெரிவித்தார்.
“முதல்வர் மு.க.ஸ்டாலின்சொல்வதை செய்வார், செய்வதைச் சொல்வார். அறிவிக்கப்பட்ட அனைத்து திட்டங்களையும் இத்தொகுதியில் முழுமையாக கொண்டு வர நான் அயராது பாடுபடுவேன். சட்டசபையில் உங்கள் குரலாக செயல்படுவேன். எந்நேரமும் மக்கள் சந்திக்கக்கூடிய எளிய நபராக இருப்பேன். உங்கள் பொன்னான வாக்குகளை உதயசூரியன் சின்னத்தில் பதிவு செய்யுங்கள்” என அவர் கேட்டுக்கொண்டார்.
கலந்து கொண்டவர்கள்:
இந்தவாக்கு சேகரிப்பில் கீழ்பென்னாத்தூர் ஒன்றிய செயலாளர்கள் ஆரஞ்சு ஆறுமுகம், வி.பி.அண்ணாமலை, ராமஜெயம், இரா.ராஜேந்திரன், பி.வரதராஜன்,பி.இளம்பருதி, ஜி.பிச்சாண்டி,ஜெயபாரதிமணி, ஆர். அன்பழகன்,எஸ்.மோசஸ், ஏ.சீதாராமன், ஏ.ஆனந்தன்,க.சம்பத், எஸ்.தண்டபாணி,ஜப்பார், சக்சஸ்தாஸ், எஸ். சூர்யா, பொன்னுசாமி, ஏ.தெய்வீகன், து.க.மனோகரன், வே. கோவிந்த், ச.சங்கர் உள்ளிட்டோர் கலந்து கொண்டு வேட்பாளர் கு. பிச்சாண்டிக்காக வாக்கு சேகரித்தனர்.
மேலும், கூட்டணிக் கட்சிகளைச் சேர்ந்த நிர்வாகி கள், இளைஞரணி, மகளிரணி, விவசாய அணி மற்றும் தொண்டர்கள் பெருந்திரளாக கலந்து கொண்டு பிரச்சாரத்தை உற்சாகமாக முன்னெடுத்தனர்.