வேலூர், ஏப். 17 –
பெண்கள் முன்னேற்றத் துக்காக தி.மு.க. அரசு செயல்படுகிறது என்றும் காட்பாடி தொகுதி மக்கள் எனக்கு உறுதுணையாக உள்ளனர் என்றும் தேர்தல் பிரச்சாரத்தில் அமைச்சர் துரைமுருகன் தெரிவித்தார்.
சட்டமன்ற தேர்தலையொட்டி காட்பாடி சட்டமன்ற தொகுதியில் தி.மு.க. சார்பில் நீர்வளத்துறை அமைச்சர்-கழக பொதுச் செயலாளர் துரைமுருகன்
அவர்கள்உதய சூரியன் சின்னத்தில் போட்டியிடுகிறார். அவர் ஒவ்வொரு பகுதியாக சென்று மக்களை சந்தித்து வாக்குகளை சேகரித்து வருகிறார்.
தி.மு.க. அரசு செய்த திட்டங்கள், அறிவித்துள்ள வாக்குறுதிகள், காட்பாடி சட்டமன்ற தொகுதி வளர்ச்சிக்கு அவர் செய்த பணிகளை எடுத்துக்கூறி பிரச்சாரம் மேற்கொண்டு வருகிறார்.
இந்தநிலையில் காட்பாடி சட்டமன்ற தொகுதிக்குட்பட்ட ஈஸ்வரன் கோவில் தெரு, கிளித்தான் பட்டறை, செங்குட்டை, அக்ரஹாரம், பள்ளிகுப்பம்
உள்ளிட்ட பல்வேறு பகுதிகளுக்கு சென்று பிரசாரத்தில் ஈடுபட்டார். செல்லும் வழியெங்கும் அவருக்கு மக்கள், தொண்டர்கள், பெண்கள் உற்சாக வரவேற்பு அளித்தனர். பிரச்சாரத்தின் போது அவர் பேசியதாவது:-
ராஜீவ்காந்தி கொலை செய்யப்பட்டபோது, ஒவ்வொரு வீட்டையும் அடித்துக் கொண்டிருந்தார்கள் அப்போது என் வீட்டுக்கு ஒரு தக்க துணையாக இருந்தது இந்த அக்ரஹாரத்தில் இருக்கிறவர்கள் தான். அதை நான் நினைவிலே வைத்திருக் கிறேன். எனவே இது எனது தாய் வீடு மாதிரி. அன்றில் இருந்து இன்று வரை எனக்கு உறுதுணையாக இருந்து வாக்களித்து வந்திருக்கிறார்கள். அவர்களுக்கெல்லாம் என்னுடைய நன்றியை தெரிவித்துக் கொள்கிறேன்.
இந்த தேர்தல் ஒரு முக்கியமான தேர்தல். மத்தியில் இருக்கிற மோடி அரசு, நம்முடைய அரசை நொண்டி அரசாக மாற்றிவிட்டு அவர் வீறுநடை போடப் பார்க்கிறார். நாடாளுமன்றத்தினுடைய பலத்தை உயர்த்திவிட்டு, உத்திரப்பிரதேசத்திற்கு மட்டும் அதிகமான சீட்டு கொடுத்துவிட்டு, மற்றவர்களுக் கெல்லாம் குறைவாகக் கொடுத்திருக்கிறார். ஏதாவது ஒரு பிரச்சினைவந்தால் எல்லா மாநிலங்களும் சேர்ந்து ஓட்டுப் போட்டால் கூட உத்திரப்பிரதேசத்து தீர்மானத்தை நாம் தோற்கடிக்க முடியாது. அந்த அளவிற்கு ஜனநாயகத்தைக் கெடுக்கிற ஒரு காரியத்தைச் செய்திருக்கிறார். அதற்காகத்தான் நம்முடைய முதல்-அ மைச்சர் கருப்பு பேட்ஜ் அணிய வேண்டும் என்றும், வீட்டில் கருப்புக் கொடி ஏற்ற வேண்டும் என்றும் சொல்லி இருக்கிறார்.
அந்த கொடியை ஏற்றுவதற்கு நம்முடைய தோழர்கள் எல்லாம் முந்திக் கொண்டிருக்கிறார்கள். அவர்களுக்கெல்லாம் என்னுடைய பாராட்டுகளைத் தெரிவிக்கிறேன். முதலமைச்சர் சொன்னால் அதை உடனடியாகச் செய்யக்கூடிய ஆற்றல் தி.மு.க.காரர் களுக்கு மட்டும்தான் உண்டு. இன்னொரு பக்கம் தேர்தல் நடக்கிறது. இந்தத் தேர்தல் நடப்பது ஒரு வித்தியாசமானதாக இருக்கிறது. இந்தத் தேர்தலில் எது முக்கியம், எது தேவையானது என்று மத்திய அரசு அறிவிக்கவில்லை. ஆனால் இடையிலே பல சங்கடங்களை ஏற்படுத்திக் கொண்டிருக்கிறார்கள். ஆனாலும் முதலமைச்சர் அது குறித்து முன்னெச்ச ரிக்கை நடவடிக்கை எடுக்கிறார்.
அதற்கு ஒரு உதாரணம் கூறுகிறேன். பெண்களுக்கு எந்த ஆபத்தும் வந்துவிடக் கூடாது என்பதில் மிக கவனமாக இருக்கிறார். அவர் அப்பாவைப் போன்று, ஆட்சிக்கு வந்தவுடன் முதல் கையெழுத்தாக, தமிழ்நாட்டுப் பெண்கள் தமிழக அரசு பஸ்களில் எந்த ஊருக்கு வேண்டுமானா
லும் இலவசமாக போகலாம் என்று உத்தரவு போட்டார். அந்த உத்தரவு ஏழை பெண்களுக்கு உதவியாக இருந்தது. அதைத் தொடர்ந்து காலை உணவு திட்டத்தை கொண்டு வந்தார்-. ஒரு குடும்பத்தில் தாய்மார்களுக்கு மகளிர் உரிமைத்தொகை, அந்த குடும்பத்தை சேர்ந்த படிக்கும் பெண்களுக்கும், மாணவர்களுக்கும் கல்வி உதவித்தொகை கொடுக்கிறார். தேர்தலில் வெற்றி பெற்றால் உரிமைத்தொகை ரூ.2 ஆயிரமாக உயர்த்தி வழங்கப்பட உள்ளது.
கடந்த மாதம் கூட உங்களுக்கு உரிமைத்தொகை ரூ.5 ஆயிரமாக வழங்கினார். தேர்தலில் வெற்றி பெற்ற உடன் ரூ.8 ஆயிரம் கூப்பனும் வழங்கப்படும். நீங்கள் உங்களுக்கு பிடித்த கடையிலேயே தேவையான பொருட்களை வாங்கிக்கொள்ளலாம்.
தி.மு.க.அரசு பெண்கள் முன்னேற்றத்துக்காக செயல்படுகிறது. இத்தேர்தலில் அனைவரும் உதய சூரியன் சின்னத்தில் வாக்களித்து வெற்றி பெறச் செய்ய வேண்டும். இவ்வாறு அவர் பேசினார்.
உடன் மண்டல குழு தலைவர் புஷ்பலதா, பகுதி செயலாளர் ஜி.வன்னிய ராஜா, மாமன்ற உறுப்பினர் ரவிக்குமார், விடுதலை சிறுத்தைகள் கட்சி மாவட்டச் செயலாளர் பிலீப் மற்றும் கவுன்சிலர்கள், நிர்வாகிகள் மற்றும் பலர் கலந்து கொண்டனர்.