நாமக்­கல், ஏப். 18 –

தமிழ்­நாடு சட்­ட­மன்­றத் தேர்­தலை முன்­னிட்டு நாமக்­கல் மேற்கு மாவட்­டம் பர­மத்தி வேலூர் மற்­றும் திருச்­செங்­கோடு தொகு­தி­க­ளில் திமுக மற்­றும் கூட்­டணி வேட்­பா­ளர்­க­ளுக்கு ஆத­ர­வாக தி.மு.க. பேச்­சா­ளர் திண்­டு க்­கல் ஐ. லியோனி தீவிர தேர்­தல் பிரச்­சா­ரம் மேற்­கொண்­டார்.

பர­மத்தி வேலூர் தொகு­தி­யில் தி.மு.க. வேட்­பா­ளர் கே.எஸ். மூர்த்­தியை ஆத­ரித்து பேருந்து நிலை­யம் மற்­றும் கபி­லர்­மலை அடி­வா­ரப் பகு­தி­க­ளில் நடை­பெற்ற பொதுக்­கூட்­டங்­க­ளில் கலந்து கொண்டு அவர் உரை­யாற்­றி­னார். அப்­போது தி.மு.க. அர­சின் பல்­வேறு நலத்­திட்­டங்­கள் மற்­றும் தேர்­தல் வாக்­கு­று­தி­களை விளக்கி, குடும்­பத் தலை­வி­க­ளுக்­கான ₹8000 கூப்­பன் உள்­ளிட்ட அறி­விப்­பு­கள் பொது­மக்­க­ளுக்கு பய­னுள்­ள­தாக இருக்­கும் என தெரி­வித்­தார். மேலும் அ.தி.­மு.க. தலை­மையை விமர்­சித்த அவர், இந்த தேர்­த­லில் அதி­முக கூட்­டணி தோல்­வி­ய­டை­யும் எனக் கூறி­னார்.

இதே­போல் திருச்­செங்­கோடு தொகு­தி­யில், மதச்­சார்­பற்ற முற்­போக்கு கூட்­டணி சார்­பில் திமுக ஆத­ர­வில் போட்­டி­யி­டும் கொங்­கு­நாடு மக்­கள் தேசிய கட்­சி­யின் பொதுச்­செ­ய­லா­ளர் ஈ.ஆர். ஈஸ்­வ­ர­னுக்கு ஆத­ர­வாக வையப்­ப­மலை மற்­றும் திருச்­செங் ­கோடு பழைய பேருந்து நிலை­யம் அண்ணா சிலை அருகே நடை­பெற்ற பிரச்­சார கூட்­டங்­க­ளில் லியோனி கலந்து கொண்டு பேசி­னார்.

அப்­போது அவர், தமி­ழ­கத்­தில் நடை­பெ­றும் சட்­ட­மன்­றத் தேர்­த­லில் தி.மு.க. அதிக இடங்­க­ளில் வெற்றி பெறும் என்­றும், எடப்­பாடி தொகு­தி­யி­லும் திமுக வெற்றி பெறும் என்­றும் தெரி­வித்­தார். மேலும் எடப்­பாடி பழ­னி­சாமி தோல்­வி­ய­டை­வார் எனக் கூறிய அவர், தொகுதி மறு­சீ­ர­மைப்பு தொடர்­பா­க­வும் குற்­றம்­சாட்டி, அதனை முத­ல­மைச்­சர் மு.க.ஸ்டாலின் முறி­ய­ டிப்­பார் என்­றார்.

தமிழ்­நாட்­டில் பெண்­க­ளின் பாது­காப்பு, வேலை­வாய்ப்பு உள்­ளிட்ட பல துறை­க­ளில் முன்­னேற்­றம் ஏற்­பட்­டுள்­ள­தா­க­வும், அதன் கார­ண­மாக மக்­கள் திமுக அர­சிற்கு ஆத­ரவு அளித்து வரு­வ­தா­க­வும் அவர் தெரி­வித்­தார். திருச்­செங்­கோடு தொகு­தி­யில் ஈ.ஆர். ஈஸ்­வ­ரன் பெரும் வாக்கு வித்­தி­யா­சத்­தில் வெற்றி பெறு­வார் என்­றும், அவ­ருக்கு வாக்­க­ளிக்க பொது­மக்­க­ளி­டம் கேட்­டுக்­கொண்­டார்.