ம
க்கள் தொகை மற்றும்
வாக்காளர்கள்
எண்ணிக்கையின் அடிப்படையில்
நாடாளுமன்றத் தொகுதிகள்
மறுவரையறை செய்யப்படும்போது
குடும்பக் கட்டுப்பாட்டைப் பின்பற்றி அளவான மக்கள் தொகையைக் கொண்டிருக்கும்
தமிழகம் உள்ளிட்ட தென்மாநிலங்களுக்கான தொகுதிகளின் எண்ணிக்கை பிரதிநிதித்துவத்தில் மிகப் பெரிய ஆதாய இழப்பே நிச்சயம் உருவாகும்...
இது தேசத்தின் நாட்டத்தையும்
அறிவுரையையும் ஏற்று நடந்த மாநிலங்களுக்கான தண்டனையாக அமைந்து விடும்.
மாறாக
“உங்கள் மாநிலத்துக்கான தொகுதிகளின் எண்ணிக்கை குறைக்கப்பட மாட்டாது”
அதேவேளை
மக்கள் தொகை மற்றும் வாக்காளர்கள் எண்ணிக்கையை கூடுதலாகக் கொண்டிருப்பதால் வட மாநிலங்களுக்கான தொகுதிகளின் எண்ணிக்கையைத் தான் அதிகரிக்கப் போகிறோம் என்றாலும்..
அது
நாட்டு நலன் கருதி
தேசத்தின் விருப்பமறிந்து நடந்த மாநிலங்களுக்கு அபராதமாகவும்
அதற்கு மாறாக
நடந்து கொண்ட மாநிலங்களுக்கு
ஊக்குவிப்பாகவும் மாறிவிடும் .
இவை யாவுக்கும்
மேலாக
வரி வருவாயை
வாரிக் கொடுப்பதில் தொடங்கி
நாட்டு நலன் கருதி
தேசத்தின் விருப்பமறிந்து
பின்பற்றியது
வரை
தாய்நாட்டுக்கே வழிகாட்டும் மாநிலமான தமிழகத்தைப் போன்ற மாநிலங்களை திட்டமிட்டுத் தண்டிப்பதாகிவிடும்.
மேலும்
பா.ஜ.க.வுக்கு வாக்களிக்காத தமிழகம் போன்ற மாநிலங்களின்
அரசியல் பிரதிநிதித்துவத்தை
திட்டமிட்டுக் குறைக்கும்
யுக்தியாகவே இந்த
“தொகுதி மறுசீரமைப்புகள்”
கவலையோடு
கருதப்படுகிறுது..
ஏற்கனவே
அரசியலால் தங்களுக்கு வசப்படாத காஷ்மீர் போன்ற மாநிலங்களையே பிரித்துச் சிதைத்து யூனியன் பிரதேசங்களாக்கி அவற்றைத் தங்களுக்கு கைப் பொம்மைகளாக்கும் காரியத்தை செய்து ருசித்த பா.ஜ.க. ஆட்சி...
அடுத்ததாக
ஜனநாயகத்தின் ஆணி வேரையே பிடுங்கி எறியும் வகையில் “வாக்காளர் தான் ஆட்சியாளர்களைத் தேர்ந்தெடுப்பார்கள்” என்னும் உலக நடைமுறைக்கு மாறாக எங்கள் ஆட்சியைத் தேர்ந்தெடுப்பவர்களை மட்டுமே நாங்கள் வாக்காளர்களாக நியமிப்போம்” என்னும் வகையிலான “SIR”சூழ்ச்சிகளைக் களப்படுத்தி
பிற்பட்டுக் கிடக்கும் பீகார் போன்ற மாநிலங்களை தங்களது கொட்டடிக்குள் கொண்டு வந்திருக்கும் நிலையில்
அதன் அடுத்த கட்ட வெறியாட்டப்
பரவலாக்கமே இந்த நாடாளுமன்றத் தொகுதி மறுவரையறை என்பதாகவே தோன்றுகிறது...
மேலும் இதுபோன்ற தொகுதி
மறுவரையறையை நடத்தி விட்டால் பா.ஜ.க.வுக்கு வாய்ப்பளிக்காத தென் மாநிலங்களின் எம்.பி.க்கள்
தயவு இல்லாமலே மக்களவையிலும் மாநிலங்களவையிலும் தாங்கள் விரும்புகிற இரும்புச் சட்டங்களை விருப்பம் போல் நிறைவேற்றிக் கொண்டு ஜனநாயகத்தையே சீரழித்து முழுமையான அதிபர் ஆட்சி முறைக்கு நாட்டை மூழ்கடிக்கவும்
“ஒரே நாடு ஒரே தேர்தல் என்னும் அடுத்த சர்வாதிகார இலக்கை நோக்கி நகர்த்தவும் பா.ஜ.க. திட்டமிடுகிறது..
இவை அனைத்துக்கும் மேலாக மறுவரையறை என்கிற இந்தச்
சீரமைப்பின் மூலம் மக்களவை உறுப்பினர்கள் எண்ணிக்கை சுமார் 850 என்றாகும் நிலையில் நாடாளுமன்ற நடவடிக்கைகளில் உறுப்பினர்களுக்கான பேசும் வாய்ப்பு தொடங்கி அவர்களின் ஜனநாயகப் பங்களிப்பு என்பது வெறும் கொலுமாடத்தில் அமர்த்தப்படும் காட்சிப் பொம்மைகளாக்கப்படும் என்பதும் நிச்சயம்..
எனவே இந்த தொகுதி மறுசீரமைப்பு என்கிற திட்டமிட்ட சூழ்ச்சியை ஜனநாயக சக்திகளைத் திரட்டி எதிர்த்துத் தடுக்க வேண்டியது ஒவ்வொருவரது கடமையாகும்..
அதனைத்தான் முத்துவேல்
கருணாநிதி ஸ்டாலின் விழிப்போடு முன்னெடுக்கிறார்..
ஆம்..
அன்று
நேருவுக்கு சமூக நீதிப் பாடமெடுத்தார் தந்தை பெரியார்..
ராஜகோபாலாச்சாரிக்கு மக்களாட்சியின் உன்னதம் ஊட்டினார் பேரறிஞர் அண்ணா...
வாஜ்பாயிக்கு மதநல்லிணக்கத்திற்குப் பாடம் எடுத்தார் கலைஞர்..
இன்று மாநில சுயாட்சி ஜனநாயக மாண்பு குறித்து மோடிக்கு புத்தி புகட்டப் புறப்படுகிறார் முத்துவேல் கருணாநிதி ஸ்டாலின் என்றால்...
இந்தியாவின் நெறிசார்ந்த அரசியலைத் தற்காத்து வடிவமைப்பது
எப்போதும் அது தென்திசையாகவே இருக்கிறது என்பது உண்மை தானே...
என்னநாஞ் சொல்றது