நாமக்­கல், ஏப்.18–

தொகுதி மறு­சீ­ர­மைப்­புக்கு எதி­ரான கருப்­புக்­கொ­டிப் போராட்­டம் வெறும் டிரெ­யி­லர்­தான்! முழு­மை­யான மெயின் பிக்­சரை பார்க்க டெல்லி ஆசைப்­ப­டக் கூடாது. டெல்­லி­யின் ரிமோட் கண்ட்­ரோ­லுக்கு அடி­மை­கள்­தான் அடி­ப­ணி­வார்­கள்... தன்­மா­ன­முள்ள தமி­ழர்­கள் அடி­ப­ணிய மாட்­டோம் என நாமக்­கல் பிரச்­சா­ரக் கூட்­டத்­தில் தலை­வர், முதல்­வர் மு.க.ஸ்டாலின் அவர்­கள் உரை­யாற்­று­கை­யில் உறு­தி­ப­டக் குறிப்­பிட்­டார்.

கழ­கத் தலை­வ­ரும், முத­ல­மைச்­ச­ரு­மான மு.க.ஸ்டாலின் அவர்­கள் நேற்று முன்தினம் (16.04.2026) நாமக்­கல்­லில் நடை­பெற்ற சட்­ட­மன்­றத்­தேர்­தல் பரப்­பு­ரைப் பொதுக்­கூட்­டத்­தில் ஆற்­றிய உரை வரு­மாறு:–

“தமி­ழன் என்­றோர் இன­முண்டு,

தனியே அவற்­கொரு குண­முண்டு!”

கருப்­புக் கொடி­யேற்றி இன்­றைக்கு காட்­டி­விட்­டோமா… இது வெறும் டிரெ­யி­லர்­தான்! மெயின் பிக்­சரை பார்க்க வேண்­டும் என்று டெல்லி ஆசைப்­ப­டக் கூடாது!

“தமி­ழர்­க­ளின்ரத்­தத்­தில் சூடு குறைந்­து­விட்­டது, தெரு­வில் இறங்­கிப் போராட மாட்­டார்­கள் என்று நினைக்­கா­தீர்­கள்... மொழிக்­காக வீதி­க­ளில் இறங்­கி­ய­வர்­கள்... எங்­கள் இனத்­தின் உரி­மைக்­காக இறங்­க­மாட்­டோமா? தமி­ழர்­க­ளுக்­கா­கப் போராட யார் இருக்­கி­றார்­கள்என்று நினைத்­தார்­கள். இந்த முத்­து­வேல் கரு­ணா­நிதி ஸ்டாலின் இருக்­கி­றான்! ஆயி­ரம் எமர்­ஜென்­சி­யைப் பார்க்க நான் தயார்!

ஒன்­றிய பா.ஜ.க.வின்

கொட்­டத்தை அடக்­கு­வோம்!

பிர­த­மர் மோடி அவர்­களே... டெல்­லி­யின் ரிமோட் கண்ட்­ரோ­லுக்கு அடி­மை­கள்­தான் அடி­ப­ணி­வார்­கள்...தன்­மா­ன­முள்ள தமி­ழர்­கள் அடி­ப­ணிய மாட்­டோம்! தென்­மா­நில மக்­க­ளு­டைய குரலை மதிக்­க­மாட்­டேன் என்று இருக்­கும் ஒன்­றிய பா.ஜ.க.வின் கொட்­டத்தை அடக்­கு­வோம்!

மாநி­லங்­க­ளால் உரு­வா­கி­யி­ருக்­கும் இந்­தி­யா­வில் – மாநி­லங்­களை நசுக்க வேண்­டும் என்று நினைத்­தால் – கை கட்டி, வாய் பொத்தி, அடி­மை­யாக அடங்­கி­யி­ருப்­போம் என்று தப்­புக் கணக்கு போட்­டி­ருக்­கி­றீர்­கள்...

தமிழ்­நாட்­டின் போராட்­டக் குணத்­தைப் பார்க்க ஆசைப்­பட வேண்­டாம் என்று டெல்­லியை நான் எச்­ச­ரிக்க விரும்­பு­கி­றேன்.

தமிழ்­நாட்­டுக்கு பா.ஜ.க.வும்,

அ.தி.மு.க.வும் ஏற்­ப­டுத்­தும் ஆபத்து!

தொகுதி மறு­சீ­ர­மைப்பு என்­பது, தமிழ்­நாட்­டிற்கு எதி­ரா­கப் பா.ஜ.க.வும் – அதற்கு ஜால்ரா போடும் அ.தி.மு.க.வும் ஏற்­ப­டுத்­தி­யி­ருக்­கும் பேரா­பத்து!”

தமிழ்­நாட்­டின் குரலை ஒடுக்க பா.ஜ.க. போடும் சதி திட்­டம்­தான், தொகுதி மறு­சீ­ர­மைப்பு. அதனை வெளிப்­ப­டை­யாக எதிர்ப்­ப­தற்­குக்­கூட முது­கெ­லும்­பற்ற கூட்­டம்­தான் அ.தி.மு.க.

தமிழ்­நாட்­டில் தேர்­தல் நடக்­கும் நேரத்­தில், திரா­விட முன்­னேற்­றக் கழ­கத்­தின் எம்.பி.க்கள் அனை­வ­ரும் பிரச்­சா­ரத்­தில் இருப்­பார்­கள்; இந்த இடை­வெ­ளி­யில் சிறப்­புக் கூட்­டத்­தைக் கூட்டி, இந்­தச் சட்­டத்தை நிறை­வேற்­ற­லாம் என்று பா.ஜ.க. நினைத்­தது!

மக்­க­ளின் உரி­மை­கள்

பாது­காக்­கப்­பட வேண்­டும்!

முத­லில், மக்­க­ளு­டைய உரி­மை­க­ளைப் பாது­காக்க வேண்­டும்! அப்­போ­து­தான் ஜன­நா­ய­கத்­தில் தேர்­த­லுக்கு ஒரு அர்த்­தம் இருக்­கும். நாம் போடும் வாக்­குக்கே வேல்யூ இல்லை என்று ஒரு நிலை வரும் என்­றால், அதை எதிர்க்க வேண்­டாமா? அத­னால்­தான், நம்­மு­டைய எம்.பி.க்கள் அனை­வ­ரும் டெல்­லி­யில் போரா­டிக் கொண்டு இருக்­கி­றார்­கள்!

நமக்கு கொள்­கை­தான் முக்­கி­யம்! தமிழ்­நாட்டு உரி­மை­கள்­தான் முக்­கி­யம்! நம்­மை­யெல்­லாம் ஆளாக்­கிய பேர­றி­ஞர் அண்ணா சொன்­ன­து­தான், எங்­க­ளுக்கு பதவி என்­பது தோளில் போடும் துண்டு, கொள்கை என்­பது இடுப்­பில் கட்­டி­யி­ருக்­கும் வேட்டி!

பேர­றி­ஞர் அண்­ணா­வும் – தலை­வர் கலை­ஞ­ரும் தந்த தன்­மான உணர்­வோடு, தமிழ்­நாட்­டைப் பாது­காக்க உங்­க­ளு­டைய ஆத­ர­வைக் கேட்டு நான் வந்­தி­ருக்­கி­றேன். தலை­வர் கலை­ஞர் உரு­வாக்­கிய நாமக்­கல் மாவட்­டத்­திற்கு நான் வந்­தி­ருக்­கி­றேன். தலை­மைச் செய­ல­கத்­தில் நாமக்­கல் கவி­ஞர் மாளி­கையை உரு­வாக்­கிய தலை­வர் கலை­ஞ­ரின் மக­னாக நான் உங்­க­ளி­டத்­தில் வந்­தி­ருக்­கி­றேன்.

நமது வெற்றி வேட்­பா­ளர்­களை

அறி­மு­கம் செய்­கி­றேன்!

உங்­கள் அனு­ம­தி­யோடு வேட்­பா­ளர்­களை அறி­மு­கப்­ப­டுத்­து­கி­றேன்.

முத­லில், ராசி­பு­ரம் சட்­ட­மன்­றத் தொகுதி. நமது வெல்­லும் வேட்­பா­ளர் மதி­வேந்­தன் அவர்­கள்! மருத்­து­வம் படித்து, மாண்­பு­மிகு அமைச்­ச­ராக உயர்ந்து, அவர் கவ­னித்த துறை­களை வளர்த்­தெ­டுத்­த­வர்.

அடுத்து, திருச்­செங்­கோடு சட்­ட­மன்­றத் தொகுதி. நமது வெல்­லும் வேட்­பா­ளர் கொங்­கு­நாடு மக்­கள் தேசி­யக் கட்­சி­யின் பொதுச் செய­லா­ளர் ஈஸ்­வ­ரன் அவர்­கள்! நம்­மு­டைய மதச்­சார்­பற்ற முற்­போக்­குக் கூட்­ட­ணிக்கு வலு­சேர்க்­கும் தலை­வர்­க­ளில் ஒரு­வ­ராக விளங்­கிக் கொண்­டி­ருப்­ப­வர். கடந்த முறை உங்­க­ளு­டைய குர­லாக சட்­ட­மன்­றத்­தில் ஒலித்து, இரண்­டா­யி­ரம் கோடி ரூபாய்க்­கான திட்­டங்­களை கொண்டு வந்­தி­ருக்­கி­றார்.

அடுத்து, நாமக்­கல் சட்­ட­மன்­றத் தொகுதி. நமது வெல்­லும் வேட்­பா­ளர் கே.பி. ராணி அவர்­கள். ராணி என்று தெரி­வ­தை­விட, நாமக்­கல் ராணி என்று சொன்­னால் அனை­வ­ருக்­கும் தெரி­யும். அந்­த­ள­வுக்கு இந்தஊரையே தன்­னு­டைய அடை­யா­ள­மாக மாற்­றி­யி­ருக்­கும் கழக வீராங்­கனை. நாமக்­கல் நகர்­மன்ற உறுப்­பி­ன­ரா­க­வும் – ஒன்­றிய குழுத் தலை­வ­ரா­க­வும் சிறப்­பா­கப் பணி­யாற்­றி­ய­வர்!

அடுத்து, சேந்­த­மங்­க­லம் சட்­ட­மன்­றத் தொகுதி. நமது வெல்­லும் வேட்­பா­ளர் பூம­லர் அவர்­கள்! சேந்­த­மங்­க­லம் தொகு­தி­யில் இரண்டு முறை எம்.எல்.ஏ.வாக இருந்த மரி­யா­தைக்­கு­ரிய நினை­வில் வாழும் பொன்­னு­சாமி அவர்­க­ளின் அன்பு மகள். பொன்­னு­சாமி அவர்­கள் காலத்­தில்­தான், கொல்­லி­மலை வளர்ச்சி அடைந்­தது! கொல்­லி­மலை மிள­குக்கு புவி­சார் குறி­யீடு அங்­கீ­கா­ரம் கிடைத்­தது.

அடுத்து, குமா­ர­பா­ளை­யம் சட்­ட­மன்­றத் தொகுதி. நமது வெல்­லும் வேட்­பா­ளர் எஸ். பாலு அவர்­கள்! பள்­ளிப்­பா­ளை­யம் ஊராட்சி ஒன்­றிய குழுத் தலை­வ­ராக பல ஆண்­டு­க­ளாக சிறப்­பா­கப் பணி­யாற்­றிய மக்­கள் தொண்­டர்.

அடுத்து, பர­மத்தி வேலூர் சட்­ட­மன்­றத் தொகுதி. நமது வெல்­லும் வேட்­பா­ளர் கே.எஸ். மூர்த்தி அவர்­கள். ஒன்­றி­யச் செய­லா­ளர், மாநில வர்த்­தக அணி துணைத் தலை­வர் எனப் பல்­வேறு பொறுப்­பு­க­ளில் சிறப்­பா­கச் செய­லாற்­றி­ய­வர். ஏற்­க­னவே உங்­கள் எம்.எல்.ஏ.வாக நிறைய திட்­டங்­களை கொண்டு வந்­தி­ருப்­ப­வர்.

உங்­க­ளின் சின்­னம்

உத­ய­சூ­ரி­யன் மற­வா­தீர்!

இவர்­கள் அனை­வ­ரின் வெற்­றிக்கு, நம் வெற்­றிச் சின்­ன­மானஉத­ய­சூ­ரி­யன் சின்­னத்­தில் நீங்­கள் அனை­வ­ரும் வாக்­கினை வழங்­கிட வேண்­டும். இங்கு நிற்­கும் வேட்­பா­ளர்­க­ளின் வெற்றி உறு­தி­தானே? உறுதி (மக்­கள்). நன்றி! இப்­போது வேட்­பா­ளர்­கள் உட்­கா­ர­லாம். உங்­கள் சீட் கன்ஃ­பார்ம் ஆகி­விட்­டது!

நம்­மு­டைய திரா­விட மாடல் அர­சைப் பொறுத்­த­வ­ரை­யில், ஒவ்­வொரு மாவட்­டத்­துக்­கும் – ஒவ்­வொரு வட்­டத்­துக்­கும் – ஒவ்­வொரு ஊராட்­சிக்­கும் என்ன தேவை என்று பார்த்து பார்த்­துச் செய்­தி­ருக்­கி­றோம்.

இப்­படி சிறு, குறு, நடுத்­தர தொழில்­கள் சிறந்து விளங்­கும் இந்த நாமக்­கல் மாவட்­டத்­துக்கு, நம்­மு­டைய திரா­விட மாடல் கவர்­மெண்­டில் செய்­யப்­பட்­டி­ருக்­கும் திட்­டங்­க­ளில் சில­வற்றை மட்­டும் ஹைலைட்­ஸாக சொல்ல வேண்­டும் என்­றால்,

நாமக்­கல் நக­ராட்சி மாந­க­ராட்­சி­யா­னது,

இரா­சி­பு­ரம் கூட்­டுக் குடி­நீர் திட்­டம்.

நாமக்­கல் மாவட்­டத்­திற்கு

எண்­ணற்ற திட்­டங்­கள்!

பள்­ளிப்­பா­ளை­யம், ஆலப்­பா­ளை­யம், பட­வீடு கூட்­டுக் குடி­நீர் திட்­டம், மோக­னூர் புதிய குடி­நீர் திட்­டம் ஆகி­ய­வற்­றைச் செயல்­ப­டுத்­தி­யுள்­ளோம்.

இரா­சி­பு­ரத்­தில் புதிய அரசு மாவட்ட மருத்­து­வ­மனை,

திருச்­செங்­கோட்­டில் புதிய அரசு மாவட்ட தலைமை மருத்­து­வ­மனை மற்­றும் சித்த மருத்­து­வ­ம­னைக் கட்­ட­டம்,

நாமக்­கல் அரசு மருத்­து­வ­ம­னை­யில் புதிய கட்­ட­டம்,

சேந்­த­மங்­க­லத்­தில் சார் பதி­வா­ளர் அலு­வ­ல­கக் கட்­ட­டம்,

இரா­சி­பு­ரம் திரு­வள்­ளு­வர் கல்­லூ­ரி­யில் புதிய கட்­ட­டம்,

குமா­ர­பா­ளை­யத்­தில் வட்­டாட்­சி­யர் அலு­வ­ல­கம் ஆகி­ய­வற்­றைக் கட்­டி­யுள்­ளோம்.

நாமக்­கல்­லில் அறி­வு­சார் மையம், தின­சரி சந்தை, ஒழுங்­கு­முறை விற்­ப­னைக் கூடம், புதிய பேருந்து நிலை­யம்,

திருச்­செங்­கோட்­டில் அர்த்­த­நா­ரீஸ்­வ­ரர் கலைக் கல்­லூரி திறப்பு,

92 கோடி ரூபாய் மதிப்­பீட்­டில் நவீன பால் பண்ணை, பால் பதப்­ப­டுத்­தும் ஆலை என ஏரா­ள­மா­கச் செய்து தந்­தி­ருக்­கி­றோம்! அந்த உரி­மை­யோ­டும் இன்­னும் நிறை­யச் செய்து தர வேண்­டும் என்ற உறு­தி­யோ­டும்­தான் உங்­க­ளி­டத்­தில் வாக்கு கேட்டு வந்­தி­ருக்­கி­றேன்.

பழ­னி­சாமி ஆட்­சி­யில்

நடந்த படு­பா­த­கங்­கள்!

ஆனால், எதிர்க்­கட்­சித் தலை­வர் பழ­னி­சாமி அவர்­கள் இப்­படி சாத­னை­களை பட்­டி­ய­லிட்டு பேசு­கி­றாரா? கொஞ்­சம் நினைத்­துப் பாருங்­கள்... ஐந்­தாண்­டு­க­ளுக்கு முன்­னால் என்ன நிலைமை இருந்­தது? அலங்­கோ­லத்­துக்­கும் – அவ­லத்­துக்­கும் எடுத்­துக்­காட்­டாக ஒரு ஆட்­சியை பழ­னி­சாமி நடத்­திக் கொண்­டி­ருந்­தார். குட்­கா­வில் ஆரம்­பித்து, நெடுஞ்­சா­லை­கள் வரைக்­கும் ஊழல்­கள், முறை­கே­டு­கள்! கூவத்­தூர் தொடங்கி, கொட­நாடு கொலை வரைக்­கும் வில­காத மர்­மங்­கள்! தூத்­துக்­குடி துப்­பாக்­கிச் சூடு முதல் பக்­கத்­தில் இருக்­கும் பொள்­ளாச்சி பாலி­யல் கொடு­மை­கள் வரைக்­கும் மக்­கள் கத­றல்­கள்! பழ­னி­சாமி ஆட்­சி­யில் எதி­லும் கலெ­க்ஷன், எல்­லா­வற்­றி­லும் கரப்­ஷன், எதுக்­கெ­டுத்­தா­லும் கமி­ஷன் எனும் நிலை இருந்­தது!